Shqipëria në BE, Basha: Integrimi varet nga zbatimi i 15 kushteve nga qeveria
“Sundim i ligjit, luftë kundër krimit dhe korrupsionit”
Lideri i opozitës, Lulzim Basha, shpër- ndau dje një postim të kryetares së Komisionit Europian, Ursula von der Leyen, për prioritetet kyçe të Samitit të Zagrebit për vendet e Ballkanit Perëndimor: sundim i ligjit, vlera demokratike, luftë kundër krimit të organizuar dhe korrupsionit. Me një shënim në “Twitter”, Basha theksoi se zbatimi i prioriteteve kyçe të Samitit të Zagrebit ka rëndësi për vendin tonë dhe për vendet e Ballkanit Perëndimor. Duke shprehur mirënjohjen për ndihmën e Bashkimit Europian kundër COVID- 19 dhe për solidaritetin për të ndihmuar rimëkëmbjen ekonomike të Shqipërisë, Basha theksoi rëndësinë që kanë për vendin zbatimi i prioriteteve kyçe të Samitit të Zagrebit për vendet e Ballkanit Perëndimor. “Gjatë Samitit të EPP në Zagreb, rikonfirmova angazhimin e PD- së për procesin jetik të integrimit europian dhe udhërrëfyesit të qartë prej 15 kushtesh. E ardhmja
ARBEN KASHAHU
Sekretari për Marrëdhëniet Ndërkombëtare në PD, Arben Kashahu, tha dje se raporti i “Freedoom House” tregon realitetin tragjik të demokracisë në Shqipëri. Kashahu thekson se në raport thuhet ekzaktësisht se regjimi i Edi Ramës është hibrid e se kryeministri ka vrarë jetën parlamentare. Sipas tij, në asnjë germë apo fjalë, ky raport nuk shpreh ndonjë vlerësim për Shqipërinë, përkundrazi në përfundim Shqipëria vlerësohet në rënie në krahasim me vitin e shkuar, duke u konsoliduar si shtet nën regjim hibrid.
jonë europiane varet nga zbatimi i këtyre kushteve”, u shpreh kreu i opozitës.
RAPORTIMI
Një ditë pas zhvillimit të
Samitit të Zagrebit, ku morën pjesë edhe liderët e rajonit të Ballkanit, eurodeputetët ngritën dje shqetësimin në Parlamentin Evropian për 15 kush
tet që duhet të përmbushë qeveria shqiptare. “Si po punoni me 15 kushtet e Këshillit Europian për Shqipërinë?” ishte pyetja që eurodeputetët Kinga Gál dhe Michal Gahler nga grupi PPE i drejtuan sot në drekë komisionerit për Zgjerimin Oliver Varhely. Pyetja u bë gjatë një debati në Komisionin për Punët e Jashtme ( AFET) në Parlamentin Europian, ku një pjesë e deputetëve ishin fizikisht në sallë dhe pjesa tjetër ishte në videokonferencë nga distanca. Eurodeputeti David Lega ( PPE, Suedi) tha se, “ishte shumë i shqetësuar nga përkeqësimi i lirisë së medias e të shprehjes në Shqipëri, ndërkohë që kjo është kusht për çeljen e negociatave. Raportet e ‘ Reporterëve pa Kufij’, të ‘ Freedom House’ dhe të Këshillit të Europës po na japin një panoramë të keqe. Dua të di nëse ky problem dhe 15 kushtet specifike u diskutuan në samitin e Zagrebit, ku i pranishëm përmes videokonferencës ishte edhe zoti Edi Rama”. Komisioneri Varhely theksoi se ai do të bënte çmos që këto kushte të përmbusheshin. Lidhur me ligjet antishpifje, z. Varhely tha se qeveria e Tiranës i kishte premtuar se nuk do të vepronte kundër opinionit të Komisionit të Venecias. Gjithashtu, komisioni po ndiqte edhe reformën zgjedhore.