“Iku me pishmane, nuk e mirëpritën se qe kritik”

Zana Varvarica: T’i ruhen veprat, shteti të mbledhë artin e tij

ELVA MARGARITI

Me Maksin na mbetën biseda në mes... dhe është gati e pabesueshme që nuk do të jetë në mbledhjen e radhës të Këshillit Strategjik për Kulturën. E doja edhe atëherë kur ngrinte zërin, sepse ai luftoi gjithë jetën që zëri i tij të dëgjohej. Maks Velo do të na mungojë të gjithëve. Do të na mungojë eksperienca, dëshmia, pasioni, energjia, dashuria që kishte për artin dhe të bukurën, imazhi i tij, që nuk mungonte në asnjë aktivitet kulturor. Maks, dot nuk të themi lamtumirë!

POLITIKA

Presidenti Ilir Meta ka shprehur mesazh ngushëllimi për ndarjen nga jeta të piktorit dhe arkitektit Maks Velo. Meta shkruan në “Facebook” se ikja e Velos lë pas një boshllëk të pazëvendësueshëm në shoqërinë shqiptare. Sipas presidentit, Velo dhe zëri i tij kritik do t’i mungojë në veçanti mbrojtjes së interesit publik në këtë periudhë të brishtë institucionale dhe demokratike. Për kreun e Kuvendit, Gramoz Ruçi, Maks Velo ishte pasionant i lirisë, mbrojtës i së vërtetës dhe luftëtar i së drejtës. Ai tha se Maksi zhvilloi shumë beteja në jetë dhe të gjitha i fitoi me artin, erudicionin, pasionin, qëndresën dhe stoicizmin e tij. Ndërsa kryeministri Rama në postimin e tij shoqëruar me foton e Velos ka shkruar: “Çfarë trishtimi! Lamtumirë Maks”! Kreu i Partisë Demokratike, Lulzim Basha, e cilësoi Velon shembull spikatës të disidencës në telajo, arkitekturë dhe libra. Kryebashkiaku i Tiranës, Erion Veliaj, tha se kryeqyteti humbi një artist brilant, që la pas vepra ikonike, ndërsa ceremonia mortore do të organizohet nga Bashkia e Tiranës.