COVID- i tregon për regjimin më shumë se “Freedom House”
( Vijon nga faqja 1)
... për rënien e nivelit të demokracisë, duke bërë përgjegjëse opozitën. Sipas kryeministrit, ne mund të ishim renditur edhe më keq në klasifikimin e vendeve me tendenca autoritariste, nëse plani i PDLSI për të djegur vendin do t’ia kishte arritur qëllimit.
Pra, thënë shkurt, fakti se klasifikohemi mes demokracive hibride, se bëjmë pjesë mes atyre shteteve ku udhëheqësit po heqin dorë edhe nga fasada demokratike, se autokrati i Tiranës barabitet njësoj me Vuçiçin, Gjukanoviçin apo Viktor Orbanin, është ekskluzivisht një mëkat i Lulzim Bashës dhe Monika Kryemadhit, të cilët dogjën mandatet, bojkotuan zgjedhjet lokale dhe organizuan një maratonë protestash shpeshherë të dhunshme në pranverën e kaluar.
Natyrisht, ngjarje të tilla jo të zakonta, patjetër që luajnë një rol në gjykimin e përgjithshëm që i bëhet nivelit të demokracisë në vend. Por, po të vrasësh pak mendjen, e kupton se përpara se të shihen si shkaqe të regresit, ato janë thjesht pasoja të gjendjes reale.
Dhe këtë e vërteton më së miri qoftë historia botërore, që pothuajse nuk njeh raste kur opozita çmendet, ndonëse ka përpara një “pushtet engjëllor”, qoftë edhe ajo që shkruhet në raportin e fundit të “Freedom House”. Aty theksohet shprehimisht se në shumë vende “nga Tirana në Tbilisi, ata që janë në pushtet, nuk janë të interesuar që ta bëjnë parlamentin një mjedis ku diskutohet”.
Është mëse e qartë se veprimet ekstreme të pakicës, edhe te ne ashtu sikurse kudo, rrjedhin si rezultat i arrogancës dhe dhunës së një pushteti aspak demokratik.
Por le të abstragojmë për një moment, sikur ajo që thotë kryeministri është e vërtetë. Le të budallepsemi dhe të besojmë që jetojmë në atë kopsht shkëmbor të Europës Juglindore, ku na ka rënë për pjesë një opozitë e çmendur, që ndiqet pas nga pothuajse gjysma e elektoratit, gjithashtu tërësisht e marrë, të cilët po shkatërrojnë imazhin e përbashkët. Pra, le të mendojmë se leva për të na renditur mes demokracive apo autokracive qenkësh në duart e opozitës, se po të kishte heshtur, po të rinte ulur në parlament, po të bëhej pjesë e zgjedhjeve farsë, ne do të na klasifikonin si një regjim perfekt.
Por, edhe po të xhonglojmë kaq rëndë me logjikën tonë, sërish ka diçka që kërcet. Sepse imazhi vendit sot nuk është nx