Fakti se klasifikohemi mes demokracive hibride, se bëjmë pjesë mes atyre shteteve ku udhëheqësit po heqin dorë edhe nga fasada demokratike, se autokrati i Tiranës barabitet njësoj me Vuçiçin, Gjukanoviçin apo Viktor Orbanin, është ekskluzivisht një mëkat
irë vetëm nga parlamenti monist, pushteti lokal njëpartiak dhe demonstratat me molotov poshtë Kryeministrisë. Ne jemi ende i vetmi shtet “demokratik” i rruzullit pa Gjykatë Kushtetuese dhe Gjykatë të Lartë. Ne jemi unik në llojin tonë, se pasi kemi rrafshuar çdo institucion të pavarur ( përfshirë edhe Kontrollin e Shtetit) kemi nisur edhe procedurë për shkarkimin e presidentit. Ne jemi një vend ku sipas raportit të “Reprorters sans Frontieres”, liria e shtypit bën përditë e më shumë hapa pas. Ne jemi një vend, ku ligjet autokratike kundër mediave i kthen mbrapsht Këshilli i Europës dhe Komisioni i Venecias. Dhe sado që të fajësojmë opozitën për mëkatet e saj, çdokush e kupton se ne po rrëshqasim përditë drejt një regjimi personal, që varet vetëm nga vullneti i keq i atij që kemi në krye.
Dhe për të mësuar këtë më shumë sesa sa të lexojmë raportin e “Freedom House”, mjafton të shikojmë ecurinë e pandemisë së koronavirusit. Kjo krizë shëndetësore më shumë se gjithçka na tregoi se jetojmë në një vend ku bashkë me kryeministrin kemi marrë bonus edhe kryeinfektologun, edhe kryeredaktorin, edhe kryepolicin edhe kryepsikologun, edhe kryeparukierin edhe kryetaksistin, edhe kryetenderuesin.
Për t’u bindur për këtë, le të hapim çdo mbrëmje ekranet, ku shefi i qeverisë rivalizon fort me dr. Pëllumb Piperon, jo se ky i fundit thotë gjëra që s’i pëlqejnë, por thjesht se i vjedh një pjesë të audiencës.
Pra, mjafton të bëjmë një bilanc të këtyre dy muajve izolim, mjafton një ditë detoks prej trushpëlarjes që na bëhet nga ERTV për të kuptuar se sa absurde është përpjekja për të debatuar lidhur me rolin shkatërrimtar të opozitës në demokracinë e vendit. Sepse, si qëndron e vërteta, më shumë sesa nga raportet ndërkombëtare, e marrim vesh përmes atij që na hyn përdhunshëm, çdo mbrëmje, në shtëpi, përmes ekranit.