Paralajmërimi I Metës: Do nxjerr dekret për shpërndarjen e qeverisë dhe Kuvendit
“Policët që dhunuan i kam identifikuar, do t’i çoj në burg nesër”
Presidenti Ilir Meta, përmes një platforme me 11 pika kërkon ngritjen e një Këshilli Politik në nivele të larta, për të adresuar çështjet që lidhen me drejtësinë dhe integrimin e vendit. Platforma daton para shembjes së Teatrit ndërsa dje presidenti e diskutoi gjerësisht me partitë opozitare dhe më pas edhe me ambasadorët e vendeve të BE- së. Në qoftë se ky propozim pranohet, do të krijohej një tryezë dialogu mes Ramës dhe Bashës. Në takimin që zgjati për afro një orë, kreu i shtetit i ka njohur përfaqësuesit e opozitës me platformën 11 pikëshe për integrimin europian, që i vjen në ndihmë kapërcimit të krizës politike. Paralel me takimin e krerëve të opozitës, në selinë e Presidencës u ngjit ambasadorja amerikane, e cila u prit nga kabineti i kreut të shtetit. Fill pas takimit me krerët e partive opozitare, Presidenti Meta priti ambasadorët e vendeve të Bashkimit Europian. Hapja e negociatave, shembja e godinës së Teatrit Kombëtar, si dhe reforma Zgjedhore qenë në fokus të këtij takimi. Qëndrimin e tij për vijimin e Reformës Zgjedhore, kreu i shtetit e ndau edhe me trupin diplomatik të akredituar në Tiranë, ku theksoi rëndësinë që ka përfundimi sa më parë i këtij procesi në Këshillin Politik dhe miratimi i saj në parlament, sipas rekomandimeve të OSBE/ ODIHR, edhe pse në kushtet e thyerjes së mëtejshme të besimit ndërmjet palëve.
TAKIMI
Presidenti Meta teksa e cilëson të paligjshme dhe provokim për demokracinë dhe shtetin ligjor shembjen e Teatrit, opozitës që ka nisur protestat me artistët, i kërkoi të japë kontributin e saj në Këshillin Politik për të treguar vullnetin për rikthimin e legjitimitetit të të gjithë institucioneve përmes zgjedhjeve të lira e të ndershme. Në orët e para të mëngjesit të djeshëm, presidenti priti në vilën presidenciale kryetarin e opozitës Lulzim Basha, bashkë me krerët e partive të tjera opozitare. Meta njoftoi se biseda është fokusuar tek një platformë që kreu i shtetit pritet ta propozojë për integrimin e vendit. Kjo lëvizje vjen në një moment kur tensioni politik është ndezur, ndërsa presidenti nuk harron t'i kërkojë opozitës të kthehet në Këshillin Politik për reformën zgjedhore.
REFLEKTIMI
Presidenti reagoi sërish për shembjen e Teatrit Kombëtar. Sipas tij është koha për një reflektim të thellë, që të mos humbasim rrugën evropiane. Meta i referohet shkrimit të gazetës franceze "Liberation", e cila thotë se prishja e Teatrit solli indinjatën e qytetarëve. Presidenti ka kërkuar hetim ndërkombëtar për shembjen e Teatrit, që sipas tij është i paligjshëm dhe antieuropian.
"Presidenti Meta i informoi për përpjekjet dhe propozimin prej tij të një platforme konkrete gjithëpërfshirëse për integrimin europian. Presidenti Meta theksoi rëndësinë që opozita e bashkuar të japë kontributin e saj në Këshillin Politik për të treguar vullnetin për rikthimin e legjitimitetit të të gjithë institucioneve përmes zgjedhjeve të lira e të ndershme"- thuhet në njoftimin e Presidencës.
PLATFORMA
Iniciativa prej 11 pikash i është dërguar trupit diplomatik dhe kryeministrit Rama ndërsa mban datën 8 maj, para prishjes së Teatrit Kombëtar. Presidenti parashikon ngritjen e një Këshilli Politik, të ngjashëm me atë të reformës elektorale, por në nivele të lartë përfaqësimi, i cili duhet të trajtojë probleme të reformës në drejtësi për përshpejtimin e zbatimit të saj dhe ngritjen e institucionevetërejadheçështjeqëkanë të bëjnë me integrimin. Këto lëvizje të presidentit u pasuan me një takim që ai zhvilloi me ambasadorët e vendeve të BE. Meta iu prezantoi atyre platformën, sipas së cilës ka për qëllim arritjen e një emëruesi të përbashkët në dobi të përshpejtimit të nisjes së negociatave të anëtarësimit me BE- në. Presidenti Meta i njohu ambasadorët me platformën e tij të datës 8 prill 2020, të propozuar të dyja palëve, me qëllim arritjen e një emëruesi të përbashkët në dobi të përshpejtimit të nisjes së negociatave të anëtarësimit me BE- në. Presidenti Meta shprehu keqardhjen për reagimin destruktiv të qeverisë me provokimin e panevojshme të tensionit shoqëror dhe politik në vend. Kreu i shtetit shprehu, gjithashtu, shqetësimin se shkatërrimi i dhunshëm dhe i paligjshëm i ndërtesës së Teatrit Kombëtar dhe sjellja shproporcionale e policisë ndaj qytetarëve, që tronditën jo vetëm opinionin publik vendas por nxitën dhe një zinxhir reagimesh të miqve ndërkombëtarë të Shqipërisë, kanë shkaktuar një dëm të pamerituar ndaj procesit të integrimit europian të vendit. Presidenti Meta vuri në dukje rëndësinëqëkapërfundimisamë parë i reformës zgjedhore në Këshillin Politik dhe miratimi i saj në parlament, sipas rekomandimeve të OSBE/ ODIHR, edhe pse në kushtet e thyerjes së mëtejshme të besimit ndërmjet palëve. Kreu i shtetit përsëriti thirrjen për çdo aktor institucional për t'u angazhuar në mënyrë konstruktive në detyrimet që ka për zbatimin e secilit prej 15 prioriteteve të BE që kushtëzojnë procesin e negociatave të anëtarësimit.
DEKRETET
Shembja e Teatrit në kohë pandemie është tregues tepër komprometues, mendon kreu i shtetit, Ilir Meta, i cili paralajmëroi dje se, nëse do nxjerrë një dekret për shpërndarjen e parlamentit, "do nxjerr dekret edhe për shpërndarjen e qeverisë". Me një ton të lartë dhe të ashpër, në studion e "Syri tv", Presidenti Meta tha se "dekretin në atë rast do ta zbatojë populli shqiptar". "Unë duhet të mendoj edhe për situata të tjera, se po shkojnë në situata të paparashikueshme, por duhet të mendoni ju, shoqëria civile e qytetarët, të gjithë duhet të jemi të gatshëm të mbrojmë e të shpëtojmë demokracinë. Nuk nxjerr më dekretet si 13 tetori, nëse e nxjerr do nxjerr për shpërndarjen e qeverisë e do emëroj qeverinë, e s'do i çoj me këta policët e Lleshit, por do i çoj me popullin shqiptar, mbaje mend ti, por, nëse populli shqiptar mendon se kjo është situatë e mirë, unë s'jam aventurier. Unë këta policë do i çoj në burg nesër, mbaje mend, se i kam identifikuar.
Unë dekretet do i zbatoj me popullin herë tjetër, nëse populli s'është i gatshëm, të vish edhe ti me mua, të çojmë kryeministrin e ri në zyrë atje nëse populli përkrah një gangster kjo është një çështje tjetër, le të vazhdojë populli",- theksoi z. Meta. Meta deklaroi se është i gatshëm që sot të ulet dhe te caktoje daten e zgjedhjeve si per pushtetin qendror e vendor dhe per kreun e shtetit. “Per shperndarjen e parlamentit duhet te ngrihet i gjithe populli dhe te dalin 20 burra qe jane te gatshem te marrin ne dore qeverine e re. Nese do duhet, Presidenti eshte gati. Te ma kerkoje populli, por sic e thashe duhet te dalin dhe 20 burra gati qe te ma marrin persiper qeverisjen”, - tha kreu i shtetit.