Kërkohet që agjencitë të japin kuponë për shtyrjen e pushimeve
Klosi: Do shohim mundësinë e rihapjes për turizmin nga 1 qershori Kriza COVID- 19, ministrat e rajonit diskutojnë për bashkëpunimin
Përfaqësuesit e Union it Turistik njoftuan se zhvilluan një takim me ministrin e Turizmit Blendi Klosi, ku diskutuan për situatën aktuale dhe planeve për rihapjen e turizmit. Ministri Klosi tha se do të angazhohej personalisht për realizimin e kërkesave dhe do të lobojë që rihapja të bëhet e mundur duke filluar nga data 1 qershor, sigurisht duke respektuar protokollet e masave antiCOVID. Takimi u fokusua në shqetësimet që kanë aktualisht bizneset e turizmit, ku më kryesorja është hapja e kufijve taksorë dhe lëvizja e lirë e njerëzve pa masa karantinimi, për të bërë të mundur rivitalizimin e turizmit rajonal dhe atij të brendshëm. U sugjerua që për të bërë të mundur stimulimin e turizmit të brendshëm, qytetareve shqiptare që do rezervojnë pushime në Shqipëri, nëpërmjet agjencive turistike, t'u aplikohet një bonus. Gjithashtu, u kërkua që Ministria e Turizmit të nxjerrë një urdhër për shtyrjen e shërbimeve turistike për qytetarët shqiptarë që kanë rezervuar udhëtimet e tyre jashtë vendit nëpërmjet operatorëve turistike, të cilët duhet t'u lëshojnë një voucher ( kupon) klientëve që kanë parapaguar shërbimet turistike pranë tyre dhe t'u japin mundësinë e shtyrjes së tyre deri në fund të vitit 2021. Ndër pikat e tjera të diskutimeve ishin dhe koordinimi me Ministrinë e Transporteve për fillimin sa më parë të Transportit Turistik. "Mundësia e një marrëveshjeje me Ministrinë e Kulturës për reduktimin e hyrjeve nëpër muze, mundësia e marrëveshjeve me bashkitë për uljen e taksave vendore për vitin 2020, rishikimin e mundësisë në përfshirjen e pagës së luftës të punonjësve të sektorit të turizmit që janë larguar pas datës 10 prill, ose të atyre që iu është refuzuar paga pa shkak dhe shtyrja e kredive të sektorit të turizmit deri në fund të vitit 2020."ishin pikat kryesore të diskutimit.
TAKIMI ONLINE
Ministrat përgjegjës për turizmin nga Shqipëria, Mali i Zi, Maqedonia e Veriut dhe Kosova mbajtën një videokonferencë joformale me objektivin për të shkëmbyer praktikat më të mira dhe për të identifikuar mënyrat e rritjes së mbështetjes për sektorin e turizmit, i cili është goditur nga kriza COVID- 19. Ministrat nënvizuan faktin, se turizmi jo vetëm që kontribuon në mënyrë të konsiderueshme në produktin kombëtar bruto, por ndikon drejtpërdrejt ose indirekt në shumë sektorë të tjerë ekonomikë. Në këtë drejtim ata theksuan se sektori i turizmit ka pësuar një humbje të jashtëzakonshme për shkak të shpërthimit të pandemisë së koronavirusit dhe se është koha për të ndërmarrë veprime të përbashkëta dhe hapa në rimëkëmbjen e turizmit, i cili si një veprimtari horizontale ndikon drejtpërdrejt në rimëkëmbjen e ekonomisë si e tërë. Ministrat shprehen vullnetin për të gjetur një mënyrë për të gjetur mundësitë e lehtësimit të lëvizjes. Në këtë drejtim u theksua që, në respekt të rekomandimeve nga Institucionet Kombëtare të Shëndetit, do të jetë jashtëzakonisht e rëndësishme të vendoset për hapjen e kufijve midis vendeve të rajonit dhe lehtësimin e lëvizjes së tur
TURIZMI
Takimi u fokusua në shqetësimet që kanë aktualisht bizneset e turizmit, ku më kryesorja është hapja e kufijve toksorë dhe lëvizja e lirë e njerëzve pa masa karantinimi, për të bërë të mundur rivitalizimin e turizmit rajonal dhe atij të brendshëm. U sugjerua që për të bërë të mundur stimulimin e turizmit të brendshëm, qytetareve shqiptare që do rezervojnë pushime në Shqipëri, nëpërmjet agjencive turistike, t'u aplikohet një bonus.
istëve. Për këtë, protokollet e përbashkëta duhet të dakordësohen dhe të zbatohen në pikat e kontrollit të kalimit kufitar, si dhe në krijimin e rregullave homogjene për lëvizjen nëpërmjet tokës. Duke qenë të vetëdijshëm për faktin se asnjë vend nuk mund ta kapërcejë vetëm këtë krizë, ministrat nënvizuan rëndësinë e zgjidhjeve të harmonizuara dhe ranë dakord për rëndësinë e mbledhjes së informacionit mbi masat që lidhen me turizmin dhe promovimin e praktikave më të mira përmes rajonit. Ndërkohë, u theksua nevoja për solidaritet të shpejtë, veprim, pragmatizëm dhe kreativitet për të rikuperuar industrinë e turizmit. U ra dakord që bashkëpunimi dhe komunikimi i mëtejshëm në vendet e rajonit dhe më gjërë, atyre Adriatiko- Joniane është i rëndësishëm me qëllimin për të arritur një përgjigje të koordinuar që do të mbështesë rigjallërimin e turizmit. Qasja e koordinuar për relaksimin e masave duhet të kontribuojë në sektorin e turizmit duke bërë të mundur që ai të jetë krijues dhe i adaptueshëm për ndryshime.