REFORMA ZGJEDHORE DHE DREJTËSIA, POROSITË E METËS PËR RAMËN DHE BASHËN
1. Mazhoranca dhe opozita ( parlamentare dhe joparlamentare) të përkushtohen menjëherë për të përfunduar reformën zgjedhore, duke adresuar të gjitha rekomandimet e OSBE/ ODIHR- it dhe përfundimet përkatëse të Këshillit të Çështjeve të Përgjithshme të 25 marsit 2020 të Bashkimit Evropian.
2. Këshilli i Emërimeve në Drejtësi duhet të vazhdojë funksionimin, përfshirë ndryshimin e akteve nënligjore të tij, në përputhje me rekomandimet e Komisionit të Venecias të draftopinionit të 6 marsit 2020. Për tri vakancat nën shqyrtimin aktual ( 2 nga presidenti dhe 1 nga parlamenti), KED duhet të vazhdojë me dorëzimin e listave të kandidatëve në secilin institucion sipas radhës kushtetuese: president- parlamentpresident.
3. KED duhet të lejojë pjesëmarrjen e Avokatit të Popullit në të gjithë kohëzgjatjen e veprimtarisë dhe vendimmarrjes së tij, në përputhje me Kushtetutën dhe ligjin.
4. Mandati i kryetarit aktual të KED- it përfundon në kontekstin e emërimit së fundmi të tre gjyqtarëve të rinj të Gjykatës së Lartë. Kryetari aktual i KED- it menjëherë humbet të gjitha të drejtat për të vazhduar ushtrimin e këtij mandati, tashmë të tejkaluar, si anëtar i Gjykatës së Lartë dhe rrjedhimisht si kryetar i KED- it. 5. KED- i vazhdon të funksionojë sipas ligjit, i kryesuar nga nënkryetari.
6. Parlamenti shqiptar të plotësojë menjëherë çdo boshllëk ligjor, në mënyrë që presidenti ose parlamenti të mund të hedhin shortin për plotësimin e vakancave të KED- it brenda vitit kalendarik.
7. Parlamenti shqiptar të tërhiqet dhe të frenohet nga çdo nismë ligjore për ndryshimin e formatit dhe procedurës së betimit të anëtarëve të Gjykatës Kushtetuese dhe funksionarëve të tjerë të lartë të sistemit të drejtësisë. 8. Parlamenti shqiptar të tërhiqet nga "paketa antishpifje" dhe të frenohet për çdo nismë të ngjashme ligjore në të ardhmen. 9. Çdo ndryshim ligjor ose kushtetues në lidhje me reformën në drejtësi duhet të bëhet vetëm përmes konsensusit unanim të Këshillit Politik.
10. Në kuadrin e Këshillit Politik, palët të bien dakord brenda qershorit të emërojnë kryenegociator për anëtarësimin në BE, një ekspert të nivelit të lartë, integriteti, besueshmëria dhe profesionalizmi i të cilit është reciprokisht i pranueshëm.
11. Të gjithë gjyqtarët e Gjykatës së Lartë të emërohen në përputhje me dispozitat kushtetuese dhe ligjore dhe sa më shpejt që të jetë e mundur.
12. Këshilli i Lartë Gjyqësor dhe Këshilli i Lartë i Prokurorisë të miratojnë menjëherë hartën e re gjyqësore të rishpërndarjes së burimeve njerëzore brenda sistemit gjyqësor të Gjykatës së Apelit dhe Gjykatave të Shkallës së Parë dhe të vazhdojnë me plotësimin e vakancave të krijuara për shkak të dorëheqjeve ose procesit të vetingut.
13. Këshilli i Lartë Gjyqësor duhet t'i japë përparësi vlerësimit të mbingarkesës së Gjykatës Administrative të Apelit dhe të propozojë masat e nevojshme që mundësojnë një proces të rregullt ligjor brenda afatit ( 1 muaj) në këtë gjykatë.
14. Parlamenti shqiptar duhet të shqyrtojë në një proces të drejtë, jashtë interesit politik, kandidatët e propozuar nga Presidenti i Republikës për kryetar të Institucionit të Kontrollit të Lartë të Shtetit.