"S'e kemi braktisur ' zgjedhoren'", Basha: Votë plebishitare për largimin e qeverisë
Rama: Me vullnet të mirë mund të arrihet shpejt në konsensus
Opozita ka vendosur që të çojë deri në fund procesin e reformës zgjedhore, si e vetmja mundësi që shqiptarëve t'u jepet e drejta për zgjedhje të lira dhe për të larguar Edi Ramën nga qeveria. Këtë qëndrim shprehu dje lideri i opozitës, Lulzim Basha, pas takimit që zhvilloi me ekspertët e PD- së për çështjet zgjedhore. Në takim ishin Oerd Bylykbashi, Ivi Kaso, Enkelejd Alibeaj si dhe sekretari i përgjithshëm i PD- së, Gazment Bardhi. Mësohet se demokratët kanë bërë një bilanc për punën e deritanishme të komisionit dhe mënyrën sesi do të vijojë puna e tij. Më herët, PDja ka deklaruar se PS- ja dhe kryeministri Edi Rama nuk kanë vullnet për të çuar përpara reformën në drejtësi, për shkak se nuk ka dhënë përgjigje për asnjë nga propozimet e bëra nga përfaqësuesit e opozitës në Këshillin Politik. Përfundimi i reformës zgjedhore brenda një kohe sa më të shpejtë është shpallur si një nga prioritetet më të rëndësishme politike të PD- së dhe një mënyrë më e sigurt për të shkuar drejt zgjedhjeve të lira e të ndershme.
DEKLARATA
Kreu i opozitës, Lulzim Basha, deklaroi dje se PDja nuk e ka braktisur tryezën e "zgjedhores", por mbledhja e 18 majit erdhi një ditë pas shembjes së Teatrit Kombëtar, kur po rriheshin njerëzit në rrugë. "Të gjithë e kanë parë, shqiptarët dhe të huajt, këtë klan mafioz që të pengojë reformën zgjedhore dhe integrimin evropian të vendit. Do ta mbajë Shqipërinë peng të krizave ciklike. Opozita është e bashkuar që t'u japë shqiptarëve një votë plebishitare për të larguar këtë qeveri. Kjo është vënia e drejtësisë popullore për nga një kryeministër që sillet si bandit. Që t'ia mohojmë Ramës këtë plan di
LULZIM BASHA
"Opozita është e bashkuar që t'u japë shqiptarëve një votë plebishitare për të larguar këtë qeveri. Kjo është vënia e drejtësisë popullore për një kryeministër që sillet si bandit. T'ia mohojmë Ramës këtë plan diabolik e dinak dhe të angazhohemi në procesin e Kodit Zgjedhor", - tha z. Basha.
EDI RAMA
"Kthimi i opozitës jashtëparlamentare në tryezën e reformës zgjedhore, një kthesë për t'u përshëndetur! Më mirë vonë se kurrë dhe inshallah këtë herë deri në mbylljen e këtij procesi të stërzgjatur, sepse koha nuk pret dhe me vullnet të mirë mund të arrihet shpejt në konsensus", - deklaroi kryeministri Rama.
abolik e dinak dhe të angazhohemi në procesin e Kodit Zgjedhor. Autori i këtij krimi ka dalë zbuluar. Nuk e kemi braktisur reformën zgjedhore, kështu shtyhet shporrja e Edi Ramës. Mbledhja e 18 majit është bojkotuar se qytetarët dhe aktivistët po rriheshin në rrugë. Te tryeza e reformës zgjedhore kemi vetëm një qëllim, që të largohet Rama një orë e më parë", - theksoi z. Basha. Opozita jashtëparlamentare nuk ishte prezente në mbledhjen e mbajtur në 18 maj, pasi ishte e revoltuar prej shembjes së Teatrit. Kur u pyet, Lulzim Basha deklaroi se nuk mund të jenë vetëm fasadë në atë tryezë. I pyetur nëse do të pranonte të ulej në një tryezë të përbashkët politike të propozuar nga Presidenti Ilir Meta, kreu i selisë blu u përgjigj negativisht.
REAGIMI
Kryeministri Edi Rama përshëndeti dje rikthimin e opozitës në tryezën e reformës zgjedhore, ndërkohë që mohoi që të ketë në
tryezën e tij platformën e Presidentit Meta. "Kthimi i opozitës jashtëparlamentare në tryezën e reformës zgjedhore është një kthesë për t'u përshëndetur! Më mirë vonë se kurrë dhe inshallah këtë herë deri në mbylljen e këtij procesi të stërzgjatur, sepse koha nuk pret dhe me vullnet të mirë mund të arrihet shpejt në konsensus", shkruan Rama. Ai sfidoi partnerët e reformës në drejtësi të ulen të gjithë në një tryezë për të folur hapur. "Presidenti nuk më ka dorëzuar asnjë platformë, por jam gati të ulem në çdo moment me të, me opozitën brenda/ jashtëparlamentare dhe me partnerët e reformës në drejtësi që t'u vëmë pikat mbi ' i' të gjitha pikave të të gjitha palëve në shqip e anglisht, se Teatri ra, iku e na la", - deklaroi z. Rama. Kryeministri e sheh tryezën si mundësi për transparencë lidhur me këtë proces, por edhe procesin e integrimit. "Jemi në prag të miratimit të planit të veprimit për negociatat në Këshillin
Kombëtar të Integrimit, s'ka rast më të mirë që presidenti, opozita, institucionet e drejtësisë, partnerët ndërkombëtarë për drejtësinë dhe integrimin të mblidhen urgjent në një tryezë me karta të hapura", deklaroi z. Rama. Por, propozimit nuk i mungojnë as notat e ironisë për presidentin dhe kreun e opozitës. "Presidenti t'i lerë apelet natën për 20 burra e ditën për 11 pika! Opozita t'i lerë ultimatumet trupore e sharjet fëminore! Të dy bashkë ta lenë teatrin e mbledhjeve të komitetit të shpëtimit, se Shqipëria, parlamenti, qeveria s'kanë kohë të luajnë ' e ka kush e ka' dezhurnin", - u shpreh kryeministri. Dy ditë më parë, kryeministri u pajtua me një mesazh të ambasadores amerikane që fliste për një marrëveshje të fshehtë për të vrarë reformën në drejtësi, teksa një javë më parë hodhi poshtë mundësinë e rishikimit të reformës në drejtësi si një mundësi kompromisi dhe me opozitën e presidentin.