Shfrytëzonte një 22- vjeçare si prostitutë, arrestohet tutori Adrian Mykaj nga Rrësheni
Në vitin 2017 mori peng këngëtarin e tallavasë, tha se i ngacmoi të dashurën 39- vjeçari po priste hapjen e kufijve për ta trafikuar të renë në Belgjikë
Policia e Tiranës ka fi nalizuar dje operacio nin policor të koduar "Waiting", ku pas një hetimi disamujor ka arrestuar një 39- vjeçar me precedent të theksuar kriminal. Bëhet fjalë për shtetasin Adrian Mykaj, ( Adrian Uka) nga Rrësheni, i cili akuzohet për trafik dhe shfrytëzim prostitucioni. Sipas burimeve policore, ai shfrytëzonte për prostitucion një 22- vjeçare dhe po përgatitej për ta trafikuar drejt Belgjikës. Adrian Mykaj është një emër i njohur për policinë dhe cilësohet si person me rrezikshmëri të lartë kriminale. Më 6 janar të 2017, Adrian Uka bashkë me Elton Moriseni, morën peng këngëtarin e tallavasë, Ardian Kazanxhi. Pasi e futën me forcë në makinë, ata i thanë këngëtarit se e donin për të luajtur muzikë dhe për të kënduar për ta në Laprakë, në një lokal nate. Por pasi luajti disa orë muzikë, Kazanxhi kërkoi të largohet dhe të paguhet. Por si kundërpërgjigje mori grushte e shkelma nga të dy. Kazanxhi i denoncoi në komisariatin nr. 3 dhe policia arrestoi Adrian Ukën, i cili tha se ishte konfliktuar me të pasi i kishte ngacmuar të dashurën. Por ky pretendim u hodh poshtë nga 30vjeçari.
NJOFTIMI I POLICISË
Specialistët e Seksionit për Hetimin e Trafiqeve të Paligjshme në Drejtorinë Vendore të Policisë Tiranë, në koordinim nga Departamenti i Policisë Kriminale dhe nën drejtimin e Prokurorinë së Rrethit Gjyqësor Tiranë, pas një hetimi disamujor, kanë finalizuar me sukses operacionin policor "Waiting", duke
goditur një rast të shfrytëzimit të femrave për prostitucion. Në kuadër të hetimeve të procedimit penal të nisur në vitin 2019 është bërë e mundur të dokumentohet veprimtaria kriminale dhe të ndalohet shtetasi:
Adrian Mykaj ( alias Adrian Uka), 39 vjeç, lindur në Rrëshen dhe banues në Tiranë, i dënuar më parë për "Trafikim të personave me qëllim shfrytëzimin për prostitucion".
Ky shtetas shfrytëzonte për prostitucion një 22vjeçare dhe po përgatitej për ta trafikuar drejt Belgjikës, me qëllim shfrytëzimin për prostitucion. Gjatë kontrollit të ushtruar nga shërbimet e Policisë, këtij shteta
si iu gjet dhe iu sekuestrua në cilësinë e provës materiale një sasi lënde narkotike, 1 aparat celular dhe një dokument i dyshuar i falsifikuar. Gjatë shoqërimit për
në Komisariat, ky shtetas ka kundërshtuar me dhunë punonjësit e Policisë.
Gjithashtu, është proceduar penalisht në gjendje të lirë shtetasja M. M., 21 vjeçe, banuese në Tiranë, për veprën penale "Moskallëzimi i krimit".
Materialet procedurale i kaluan Prokurorisë pranë Gjykatës së Shkallës së Parë Tiranë, për veprat "Shfrytëzimi i prostitucionit", "Mosbindja ndaj urdhrit të punonjësit të policisë së rendit publik" dhe "Prodhimi dhe shitja e narkotikëve", në ngarkim të shtetasit Adrian Mykaj ( alias Adrian Uka), 39 vjeç, si dhe për veprën penale "Moskallëzimi i krimit", në ngarkim të shtetases M. M..