Basha mbledh ekspertët për “zgjedhoren”, PS: S’ka kohë për ndryshimin e sistemit
Reforma e re, ambasadori gjerman në selinë e PD- së, britaniku në zyrën e Kryemadhit Gjiknuri: Gati për lëshime për kolegjin e depolitizimin
Palët përfaqësuese në këshillin politik për reformën e re elektorale janë angazhuar që të arrijnë konsensusin politik brenda 31 majit. Presioni i ndërkombëtarëve ka mundur të ulë sërish në tryezë mazhornacën dhe opozitën, por madje edhe të arrijnë kompromise të rëndësishme për çështjen e reformës së re elektorale. Kreu i Partisë Demokratike, Lulzim Basha, zhvilloi dje një takim me ambasadorin gjerman, Peter Zingraf, në selinë blu, ku në fokus të diskutimeve mësohet se ishte pikërisht reforma zgjedhore, në një kohë që kanë mbetur edhe katër ditë nga skadimi i afatit për përmbylljen e saj. Takimi i Bashës me diplomatin gjerman vjen një ditë pas takimit që kryedemokrati pati me Yuri Kim, ku dha garancinë se opozita mbetet e angazhuar për përmbylljen e reformës brenda 31 majit. Pas ambasadorit gjerman, Basha mblodhi ekspertët e opozitës për reformën zgjedhore. Ndërkohë që sot në orën 17: 00 do të mblidhet këshilli politik për reformën zgjedhore. Seanca plenare që do të mbahet ditën e sotme ka shtyrë mbledhjen e radhës së këshillit politik, e cila ishte parashikuar të mbahej paraditen e sotme. Në mbledhjen e fundit, këshilli politik arriti konsesus për shkurtimin e periudhës zgjedhore, kuotat gjinore dhe financimin e partive politike. Në fund të mbledhjes opozita e tregua e vendosur për kushtin e garantimit të lirisë dhe fshehtësisë së votës. Çështjet që kanë mbetur pezull janë ato të ndërtimit të komisioneve zgjedhore, të kompozimit të Kolegjit Zgjedhor të Apelit, të sistemit zgjedhor, roli i policisë në zgjedhje, hetimi i krimeve elektorale dhe financimi i partive dhe fushatave elektorale. Mbledhja e këshillit politik vjen pas një presioni të madh që SHBAtë iu bënë partive politike. Po dje lëvizje kishte edhe te selia e LSI- së. Kryetarja e LSI- së, Monika Kryemadhi, priti dje ambasadorin e Britanisë së Madhe, Duncan
KESHILLI, KRYEMADHI TAKON BASHËN
Kryetarja e LSI- së, Monika Kryemadhi, ishte dje në selinë e Partisë Demokratike ku takoi kreun e PD- së, Lulzim Bashën. Ajo shoqërohej nga Petrit Vasili, ndërkohë takimi vjen pak orë pas takimit të kreut të PD- së me ambasadorin gjerman, Peter Zingraf. Takimet në selinë e PD- së u zhvilluan një ditë para mbledhjes së këshillit politik për reformën zgjedhore. Këshilli politik, pritet të diskutojë sot masat që rregullojnë veprimtarinë e prokurorisë, policisë, të SPAK- ut dhe krimin zgjedhor. Palët janë angazhuar për ta përfunduar reformën zgjedhore deri më 31 maj.
AGRON DUKA
Agron Duka i Partisë Agrare Ambientaliste mendon se kohë për ndryshim sistemi ka ardhur, por nuk ka vullnet jo vetëm nga PS- ja, por edhe nga dy aleatët e mëdhenj, PD dhe LSI. Nga tryeza e këshillit politik, aleati i Bashës është i bindur se kodit aktual do i bëhen vetëm arnime. Aleatët e Partisë Demokratike pak muaj më parë propozuan një formulë të re për regjistrimin në zgjedhje, duke kërkuar një grupim politik brenda koalicionit, kërkesë e cila është rrëzuar.
DASHAMIR SHEHI
Kryetari i LZHK- së, Dashamir Shehi, deklaroi dje në “News 24” se deklaratat e ambasadores Yuri Kim janë në adresë të Edi Ramës. Shehi vlerësoi se kryeministri Rama nuk e do reformën në drejtësi, kurse shtoi se reforma është e pandalshme. “Rama po pengon reformën në drejtësi. Deklarata e ambasadores Kim është për Edi Ramën. Kim ka vënë gishtin në plagë. Reforma në drejtësi nuk pengohet edhe nëse duam”, - tha Shehi.
Norman. Me një njoftim për mediat, LSI- ja bën me dije se në takim u diskutua lidhur me përmbushjen e 15 kushteve të integrimit Evropian, ku Kryemadhi theksoi se LSI- ja do të kontribuojë për të përmbushur përgjegjësitë e opozitës. Më tej, Kryemadhi ka vlerësuar rolin pozitiv të ambasadorit Duncan në formësimin e këshillit politik për reformën zgjedhore, “si një model për t’u dhënë përgjigje çështjeve që kanë rëndësi për vendin dhe veçanërisht zgjedhjeve, që janë themel i demokracisë”.
SISTEMI
Për socialistët, në komisionin e reformës elektorale, koha nuk është shqetësimi kryesor për mbylljen e draftit të reformës. Për socialistin Damian Gjiknurin 31 maji është vendosur si afat për arritjen e dakordësisë mes palëve, pasi drafti përfundimtar mund të dojë edhe më shumë ditë. Gjiknuri pranon se janë gati të lëshojnë pe nga propozimet e tyre për depolitizimin e administratës, si dhe përbërjen e Kolegjit Zgjedhor në funksion të arritjes së mar
ÇËSHTJET
Çështjet që kanë mbetur pezull janë ato të ndërtimit të komisioneve zgjedhore, të kompozimit të
Kolegjit Zgjedhor të Apelit, të sistemi zgjedhor, roli i policisë në zgjedhje, hetimi i krimeve elektorale dhe financimi i partive dhe fushatave elektorale. Mbledhja e këshillit politik vjen pas një presioni të madh që SHBA- të iu bënë partive politike, ndërkohë që sot do të mblidhet sërish në orën 17: 00.
rëveshjes. “Mund të ketë hapësirë për elementë shtesë kontrolli, ku partitë që sot kanë akses në komision, të mund të kenë sy, veshë dhe të kenë të drejta të garantuara, gjë që besoj do ta mundësonte kompromisin”, - tha z. Gjiknuri për TV “Klan”. Në parim palët kanë rënë dakord për përdorimin e teknologjisë, por në zgjedhjet e vitit 2021 vetëm për identifikimin e zgjedhësve dhe pilotim në pak njësi për votimin. “Në parim kemi rënë dakord për përfshirjen të identifikimit elektronik në qendrat e votimit. Deri në ç’masë, kjo duhet parë, do ekspertizë”, - u shpreh ai. Gjiknuri përsërit se nuk ka kohë për të ndërhyrë për sistemin elektoral dhe i bën të qartë opozitës brenda parlamentit se me votat që ka, nuk mund t’u imponohet partive të mëdha, që aktualisht nuk e kanë në axhendë këtë çështje. “Sot ke një opozitë që nuk e përmend sistemin aktualisht. Partia Socialiste ose mazhoranca nuk kanë thënë se ne kemi dëshirë të ndryshojmë sistemin, por jemi të hapur, do flasim të fundit. Nuk mundet thjesht një grupim i vogël që meqenëse ka disa vota në parlament, të imponojë sistemin e tij. Nuk imponohet sistemi. Për sistemet bëhet marrëveshje e madhe, po nuk mund të imponojë një pakicë”, tha z. Gjiknuri. Propozimi i ambasadores amerikane, që rekomandon një sistem danez, a mund të merret në konsideratë? “Ato vende janë sovrane dhe kanë histori të tyre”.