S'kanë marrë asnjë lekë në 3 muaj, Ibrahimaj: Afati ri për të aplikuar për 40 mijë lekë
Denaj: Paketa e dytë do të ndryshojë/ Në mars- prill janë larguar nga puna 38 mijë individë Pas 5 qershorit nëse bizneset nuk do të aplikojnë, paga i kalon individëve
Punonjësit që për sh kak të pandemisë për tre muaj nuk kanë marrë asnjë të ardhur do të përfitojnë pas 5 qershorit. Paketa e dytë e ndihmës që parashikonte pagën 40 mijë lekë, do të ndryshojë pasi një pjesë e konsiderueshme personash nuk kanë përfituar.
PAKETA E DYTË
Paketa e dytë e ndihmës ekonomike do të ndryshojë pasi jo të gjithë personat që janë përfitues kanë arritur që brenda afateve kohore të marrin pagën e paketës së dytë, deklaroi ministrja e Financave dhe Ekonomisë, Anila Denaj. "Jo të gjithë personat, të cilët janë përfitues të paketës së dytë kanë arritur që brenda afateve kohore të marrin paketën e dytë. Kemi propozuar disa ndryshime proceduriale, të cilat do të tejkalojnë edhe disa nga vështirësitë operacionale". Denaj shtoi se hapja e bizneseve do të jetë çështje kohe. "Unë besoj se hapja e bizneseve do të jetë çështje kohe, duke siguruar ato protokollet që kemi thënë, dezinfektimi etj. që tani do bëhet mënyrë jetese. Kemi nisur sot disa takime me bizneset, kemi filluar nga biznesi i vogël, këtu te pjesa e rrugës së Elbasanit ku ka shumë biznese të vogla, të cilët në pjesën më të madhe kanë qenë të mbyllur. Dhe sigurisht duke qenë të mbyllur kanë përfituar nga paketa e parë, ajo e pagës së luftës, e pagës minimale për tre muaj",- tha Denaj. Për shkak të COVID në periudhën marsprill janë larguar nga puna rreth 38 mijë individë.
AFATI I RI
Drejtoresha e Përgjithshme e Tatimeve Delinda Ibrahimaj deklaroi se sapo të miratohen ndryshimet në paketën e dytë do të publikohet lista e të gjithë tatimpaguesve dhe individëve përfitues. Afati për të aplikuar
REPUBLIKA E SHQIPERISE “PRODHIME KARBONIKE” SH. A.
do të jetë deri në 5 qershor me të njëjtat procedura si më parë. "Ne kemi ndjekur me shumë kujdes të gjithë procesin e ankesave të ardhura si nga individët ashtu edhe nga tatimpaguesit të cilët nuk kanë mundur të aplikojnë apo përfitojnë nga paketa e dytë. Ne u bëjmë me dije edhe me numrin total të të larguarve nga puna në periudhën mars dhe prill, i cili është rreth 38 mijë individë dhe kemi bërë të mundur që këto individë që de fakto janë larguar nga puna për shkak të COVID të përfitojnë nga paga e luftës. Që nga momenti i miratimit Drejtoria e Përgjithshme e Tatimeve do të afishojë në faqen e saj zyrtare të gjithë tatimpaguesit që do të jenë përfitues të këtij ndryshimi dhe gjithashtu të gjithë individët që do të jenë përfitues të këtij ndryshimi, të cilët do të kenë kohë deri në 5 qershor të aplikojnë njësoj siç ka qenë procedura për paketën e dytë nëpërmjet portalit e- filing. Pas datës 5 qershor nëse bizneset nuk do të aplikojnë, ne pagën e luftës do t'ia kalojmë automatikisht të gjithë individëve që duhet të përfitojnë nga paga e luftës, dhe do të përfitojnë këtë pagë duke arritur numrin në total e 176 mijë personave",- tha Ibrahimaj.