Zbulimi i pasurive të "kokave" të krimit, SPAK thërret kreun e Kadastrës: Duam informacion për çdo dosje
Në fokus operacioni i OFL- së, Lame: Takimi ishte sekret
KELMEND DALIPI
45- vjeçari Dalipi nga Elbasani është i dënuar për veprat penale "Prodhimi dhe shitja e narkotikëve" dhe "Kryerja e veprave penale nga organizata kriminale dhe grupi i strukturuar kriminal". Dalipi është një nga të arrestuarit e dosjes "Xibraka", ku u zbulua laboratori i përpunimit të kokainës dhe u arrestuan 11 persona, mes tyre edhe nipi i Enver Hoxhës, Ermal Hoxha. Në laborator u gjet dhe sekuestrua sasia prej 19 kilogramë e 416.2 gr lëndë narkotike e dyshuar kokainë, 8 kg e dyshuar si përzierës i lëndës narkotike kokainë, 400 euro, 769.000 lekë të reja dhe 4150 dollarë amerikanë.
XHILJANO XHOXHI
Ai rezulton të jetë i dënuar në Itali për veprën penale "Trafikim i lëndëve narkotike". Xhoxhi është arrestuar në nëntor të vitit të shkuar pasi kërkohej prej vitesh nga drejtësia italiane, i akuzuar për grabitje dhe trafik droge. Xhoxhi është dënuar nga drejtësia italiane me 10 vite burg si pjesë e një organizate kriminale, që merrej me trafikun e lëndëve narkotike. Ai njihej edhe si krahu i djathtë i "kapobandës" së drogës që drejtohej nga Ilir Koçiaj. Të dy ngritën rrjetin e trafikimit të drogës, punë për të cilën përdornin korrierë nga 6 vende të ndryshme të botës.
TIRANË
- Kreu i Ka dastrës, Artan Lame, ka zhvilluar dje një takim në Prokurorinë e Posaçme kundër Korrupsionit dhe Krimit të Organizuar, Tiranë. Mësohet se gjatë takimit me drejtuesin e SPAK- ut, Arben Krajën, në kuadër të operacionit të OFL- së, është diskutuar në lidhje me shkëmbimin e informacioneve për pronat e personave në hetim. Gjithashtu, mësohet se kreu i SPAK- ut i kërkoi Lames që të përgatisë përgjigje për çdo kërkesë së OFL- së, pra të paraqesë një dosje për çdo person nën hetim, e cila do të shërbejë si provë në gjykatë. Në përfundim të takimit, Lame refuzoi të fliste për mediat. Ai theksoi se takimi ishte sekret. Aksioni i OFLsë ka si qëllim goditjen e aseteve të vëna nga veprimtaritë kriminale, ndërsa prej disa muajsh operacioni po vijon. Kujtojmë se pasuritë e sekuestruara do të kthehen në qendra për veprimtari sociale. Që prej disa muajsh
Operacioni Forca e Ligjit ka nisur aksion për goditjen e "kokave" të krimit. Dje OFLja u ka dërguar formularët për të deklaruar pasuritë 4 personave të dënuar në Elbasan. Ndërkohë, një ditë më parë OFL- ja u dërgoi formularët Enver Bajrit dhe Emrah Plakut.