PUNIMET ME DORË
Punimet handmade janë kthyer në trend kohët e fundit. Të rinjtë duan që përmes tyre të krijojnë një strehëz plotë ngjyra, si për të ridimensionuar botën. Fjoralba Vodollari rrëfen për "Gazeta shqiptare", për pasionin e madh që ka për qëndismat, për kërkesat e vazhdueshme të vajzave, si dhe bën disa sugjerime për çantat që mund t'i përdorni gjatë ditëve të pushimeve. E apasionuar prej kohësh pas punimeve me dorë, Fjoralba tregon se i pëlqen të eksperimentojë me ngjyrat dhe materialet. Për të gjitha vajzat, që ende janë në dilemë për përzgjedhjen e çantës si aksesorë, në këto ditë të nxehta, Vodollari ua lehtëson punën përmes sugjerimesh.
Punimet handmade janë kthyer në trend kohët e fundit. Prej sa kohësh merresh me to?
Po është e vërtetë. Unë kam rreth 7 muaj që merrem kryesisht me qëndisma. Të krijosh diçka vet është kënaqësi dhe më vjen mirë, që po bëhen trend këto lloj punimesh.
Mbi cilat materiale punon? Sa i përket materialeve, kujdesem që të jenë të një cilësie të mirë. Sigurisht kjo varet sa kërkon të shpenzoj klienti. Duke filluar nga një copë doku pambuk e deri tek mëndafshi.
Cilat qëndisma preferohen më tepër?
Për momentin më të preferuarat janë personazhet. Dhe mua më pëlqejnë personazhet. Dhe kërkojnë elemente, që i përshtaten stinës, si diell, plazh, akullore.
Po sa i përket grupmoshave, cilat shfaqin më shumë interes?
Kërkesa ka pasur nga të gjitha moshat pak a shumë, duke filluar nga 20 deri 50 e ca.
Një çantë që është pëlqyer shumë në masë?
Unë i adhuroj ngjyrat. Sa më shumë ngjyra të ketë një punim, aq me qejf e bëj. ( qesh) I ndërthur shpesh në punime. Një
nga çantat, që e kam punuar ka mbi 300 rruaza, secila me ngjyra të ndryshme.
Po sa i përket ngjyrave, sa të pëlqen të eksperimentosh?
Çanta, që është pëlqyer më shumë deri tani është çanta me breshkë. Ndoshta e shikojnë edhe si elemente, që iu sjell fat, nuk e kam kuptuar.
Cili është plani më i afërt në lidhje me punimet e tua?
Besoj se sezonin e dimrit do punoj pulovra. Qëndisja përshtatet mjaft mirë në pulovra, s'e di nëse do eksperimentoj dhe në veshje të tjera, nuk e kam vendosur akoma.
Një sugjerim për vajzat. Si të përzgjedhin ato çantën e duhur