Përplasja për projektin Vlorë- Orikum, Presidenca: Denaj dhe Rama të përmbushin detyrimet

Drejtori

i Kabinetit të Presidencës, Edmond Panariti u bëri dje thirrje ministres Anila Denaj dhe kryeministrit Edi Rama që të reflektojnë dhe të përmbushin detyrimet për projektin e rrugës VlorëOrikum që Presidenti të japë autorizimin. Panariti hodhi poshtë deklaratat e bëra paraditen e së mërkurës nga ministrja e Financave, Anila Denaj lidhur me projektin e aksit rrugor Vlorë- Orikum. “I kujtojmë ministres që Presidenti s’mund të bëhet palë në shkelje. Ndreqni të metat e procesit, para se të përmendni precedentët.

Nuk e keni lexuar autorizimin e Presidentit, për lëshimin e plotfuqisë për nënshkrimin e marrëveshjes së huasë mes qeverisë dhe BE për ndihmën makrofinanciare. Nëse do e kishit lexuar, nuk do e përmendnit në prononcim. Presidenti shprehimisht thotë në autorizim se lëshimi i plotfuqisë të lëshohet njëkohësisht me mangësitë e konstatuara. Pra znj. ministre, para nënshkrimit kishit shumë detyra, por as i keni lexuar. Presidenti në momentin e lëshimit të autorizimit, por edhe kontekstit të ndihmës për situatën e krijuar prej pandemisë, i ka kërkuar kryeministrit që të marrë të gjitha masat për ndreqjen e të metave procedurale, të marrë masat për personat përgjegjës dhe të shmangë këto. Ministrja i referohet kinse për ta kapur Presidentin në faj. Përpara se të nxitojë, duhet të njoftohet se është nënshkruar një hua mes qeverisë dhe Kuvajtit, dhe Presidenti ka autorizuar lëshimin e plotfuqisë, që e theksoj se është marrëveshje shtesë për marrëveshjen e ratifikuar. Presidenti veproi drejt, pasi synohej lidhja e fshatrave të Vlorës me bregdetin. Për të bërë të mundur lidhjen e Tepelenës me zonat e bregut. U bëjmë thirrje Denajt dhe Ramës të përmbushin detyrimet kushtetuese dhe ligjore pa zvarritur proceset. Të veprojnë sa më parë për të përmbushur kërkesat e ligjit, pa cenuar kredibilitetin”, - deklaroi z. Panariti.