Firmosen 4 marrëveshje, krijohet Këshilli i Bashkëpunimit të Nivelit të Lartë Shqipëri- Turqi
Rama kritika BE- së nga Turqia: Erdogani i pari që u angazhua, nuk veproi si të tjerët Presidenti turk: Shqipëria është një vend mik, vëlla dhe aleat
Kryeministri Edi Rama e nisi vitin 2021 me të parën vizitë zyrtare në Ankara. Rama u prit dje nga presidenti turk Rexhep Tajip Erdogan me një ceremoni zyrtare të mbajtur në Kompleksin Rezidencial. Rama dhe Erdogan publikuan pamjet live, ku u vunë re kuajt që shoqëronin eskortën e kryeministrit të Shqipërisë, që iu drejtua ushtarëve turq me fjalët: “Merhaba asker!”. Automjeti zyrtar i kryeministrit Rama u prit nga kalorësit para kompleksit presidencial duke u shoqëruar deri në derën e protokollit. Erdogan dhe Rama shmangën shtrëngimin e duarve për shkak të situatës me Covid- 19, ndërsa përshëndetën njëritjetrin me duar në zemër. Presidenti Erdogan e priti kryeministrin shqiptar në hyrje të Kompleksit dhe më pas u pozicionuan në podium, ku u kryen 21 të shtëna me top dhe u luajtën himnet kombëtare të të dy vendeve. Pas prezantimit të delegacioneve të të dy vendeve, Erdogan dhe Rama u fotografuan për gazetarët përpara flamujve të Turqisë dhe Shqipërisë. Edi Rama i shoqëruar nga 6 ministra të kabinetit të tij gjatë vizitës dyditore nënshkroi një sërë marrëveshjes dypalëshe. Marrëveshjet prekin sektorë si shëndetësia, infrastruktura, arsimi, policia, doganat e kultura. Sa i takon shëndetësisë është rinovuar marrëveshja për trajtimin e afro 100 pacienteve çdo vite për ndërhyrje që nuk realizohen në vend. Dokumenti i firmosur nga ministrja Balluku dhe homologu i saj turk lidhet me shkëmbimin e eksperiencës nën fushën e ndërtimit, standardeve teknike dhe rezistencës ndaj tërmeteve. Pjesë e marrëveshjeve është dhe një fond i posaçëm për restaurimin e Xhamisë së Plumbit në Shkodër. Rindërtimi ka marrë një tjetër hapësirë pas ndihmës që Turqia na dha pas tërmetit të fundit të 2019 duke marrë përsipër ndërtimin e më shumë se 500 apartamenteve në Laç. Siç
FIRMOSJA
Marrëveshjet e firmosura dje në Ankara nga Kryeministri Rama dhe Presidenti Erdogan parashikojnë ndërtimin e spitalit të Fierit, restaurimi i Xhamisë së Plumbit në Shkodër si dhe bashkëpunimi mes Universitetit New York që është në pronësi të Fondacionit Marif me Universitetin e Stambollit.
CEREMONIA
Për kreun e qeverisë Edi Rama u zhvillua një ceremoni pritjeje zyrtare ku ai u shoqërua nga një eskortë me limuzinë dhe kuaj. Në momentin e takimit, Rama dhe Erdogan nuk shtrënguan duart për shkak të masave antiCovid. Ata përshëndetin njëritjetrin me duar në zemër. Erdogan e priti Ramën në hyrje të Kompleksit dhe më pas u pozicionuan në podium, ku u kryen 21 të shtëna me top dhe u luajtën himnet kombëtare të të dy vendeve.
DELEGACIONI
Në vizitën që kryeministri Edi Rama po zhvillon në Turqi shoqërohet nga një delegacion i përbërë nga disa ministra, por edhe drejtues institucionesh. Ministrat janë ajo e Infrastrukturës dhe Energjisë, Balluku; ministrja e Arsimit, Kushi; ministrja e Kulturës, Margariti, ministrja e Shëndetësisë, Manastirliu; ministri për Rindërtimin, Ahmetaj dhe ministri i Brendshëm, Çuçi. Me Ramën është edhe Drejtori i Policisë së Shtetit, Veliu dhe Drejtori i Doganave, Gazheli.
shkruajnë dhe mediat turke në takimin kokë me kokë nuk kane munguar dhe diskutimet për zhvillimet aktuale rajonale dhe ato ndërkombëtare.
QËNDRIMET
Vizita e kryeministrit Edi Rama në Turqi u konkretizua dje me krijimin e Këshillit të Bashkëpunimit të Nivelit të Lartë mes dy vendeve. Në një konferencë të përbashkët për mediat, Presidenti Recep Taytip Erdogan dhe Kryeministri Edi Rama bën me dije se mes dy vende është krijuar Këshilli i Bashkëpunimit të Nivelit të Lartë dhe tashmë dy vendet
e shohin njëri- tjetrin si partner strategjik. “Në takimin që kemi realizuar me kryeministrin Edi Rama kemi diskutuar për shumë çështje. Me rastin e kësaj vizite ne sapo kemi nënshkruar deklaratën e ndërtimit të e Këshillit të Bashkëpunimit Strategjik të Nivelit të Lartë, që do të intensifikojë marrëdhëniet tona në çdo fushë”, tha presidenti turk. Shqipëria dhe Turqia përmes krijimit të Këshillit të Bashkëpunimit të Nivelit të Lartë, do të evitojë procedurat burokratike në fushat e bashkëpunimit mes dy vendeve. Kryeministri
Rama falënderoi Turqinë dhe Erdogan për ndihmën e vazhdueshme ndaj Shqipërisë edhe në kohë të tilla si pandemia e koronavirusit. “Solidarizimi ndaj ngjarjeve të tilla reflekton esencën e kësaj marrëdhënie dhe të humanizmit. Jam sot vërtetë krenar që m’u dha mundësia dhe nderi që të nënshkruaj këtu në emër të Shqipërisë me Presidentin Erdogan deklaratën për krijimin e Këshillit të Bashkëpunimit të Nivelit të Lartë. Vlera më e madhe që unë shoh është gatishmëria për të ngritur grupe të përbashkëta dhe për të punuar nga afër bashkërisht duke kapërcyer barrierat burokratike, pra duke funksionuar si një organizëm që sheh, projekton dhe bashkëpunon në të njëjtin drejtim”,- tha Rama. Duke folur për kohët e vështira me të cilat po përballët bota, kryeministri falënderoi Turqinë që sërish iu gjend pranë vendit tonë, dhe nuk ngurroi të sulmonte shtetet e tjera. “I qëndruan pranë Shqipërisë dhe nuk vepruan si disa të tjerë dhe ndaluan deri dhe kalimin e ndihmave mjekësore për ata që kishin nevojë. Kjo ka qenë shumë domethënëse për ne siç është shumë domethënës fakti që edhe sot një nga temat e diskutimit ka qenë bashkëpunimi i afërt mes dy vendeve dhe mbështetja e Turqisë për Shqipërinë në të gjithë procesin e kësaj lufte të madhe me këtë armik të padukshëm pa u kursyer dhe i pa mbajtur sytë vetëm nga vetja. Edhe pse Turqia u godit nga tërmete, edhe pse Turqia u gjend në domosdoshmërinë për t’u marrë me plagët e veta për të cilat ja kam shprehur ngushëllimin Presidentit, kjo nuk e bëri të ndalet për asnjë sekondë projekti që po realizohet aspak i vogël”, - deklaroi Edi Rama. Ndërkaq, Erdogan më herët do të shprehej: “Jam shumë i kënaqur që pres sot në Ankara kryeministrin Rama. Shqipëria është një vend mik, vëlla dhe aleat. Ne jemi dy popuj vëllezër, që kemi lënë gjurmë në histori. Gjurmët mund të shikohen në shumë fusha të gjera. Nga Elbasani, në Korçë apo nga Shkodra në Vlorë, gjenden gjurmë të lashta. Ne e kemi detyrë ta forcojmë këtë lidhje”.