“Një eksperiment politik”, Nasip Naço largohet nga LSI te PS
“Raki Skrapari vëlla, na fto ndonjë ditë”, si Rama bindi ish- ministrin të braktisë LSI- në Pritet të kandidojë në qarkun e Beratit me 25 prill
Nasip Naço do të jetë kandidat i Partisë Socialiste për deputet në qarkun e Beratit. Në krah të Blendi Klosit, në Ditën e Ujit të Bekuar, ish- ministri i Drejtësisë, deputet i këtij qarku për 3 mandate, madje duke kryesuar listën, përfaqësues i lartë i LSI, Nasip Naço zyrtarizoi atë që përflitej prej kohësh, kalimin tek Partia Socialiste. “Sot do të doja të shpreh edhe njëherë qëndrimin tim që do vazhdoj që të jem në krah të së majtës progresive, e cila i ka dhënë tonin Shqipërisë në këto vite. Sigurisht Berati dhe Shqipëria nuk kanë më nevojë për eksperimente politike. Kanë nevojë për të ecur përpara. Unë kam qenë pjesë e kabinetit qeveritar nga LSI- ja së bashku me PS. Kontributi im ka qenë ndoshta modest, por përkushtimi ka qenë tejet i madh për të ecur përpara si me reformën në drejtësi dhe reformat e tjera në vendin tonë, të cilat janë të domosdoshme. Ajo që mund t’ju them është që sot jam me zotin Klosi, por do të jem dhe në të ardhmen në krah të zotit Klosi”, - deklaroi z. Naço. Dita, por dhe vendi që kishte zgjedhur për të bërë publik këtë vendim u duk i llogaritur mirë. Ndoshta kjo dhe për t’i dhënë një mesazh ishkryetarit të Partisë së tij, Presidentit Ilir Meta, i cili ishte në Berat për të marrë pjesë ashtu si Naço e Klosi në ceremoninë e përvitshme të hedhjes se kryqit në lumin Osum, në Ditën e Ujit të Bekuar. Vetë ish- Ministri thotë se fitorja i takon PS dhe mesa duket dëshira për të qenë krah fitueseve e ka
SHPJEGIMI
Ish- ministri Nasip Naço deklaroi se po shkon në PS për të përfaqësuar votuesit e tij. “Shqipëria nuk ka më nevojë për eksperimente politike. S’ka nevojë për njerëz që janë vasalë të dikujt tjetër, por kanë nevojë të përfaqësojë një pjesë të elektoratit në Berat, i cili është i papërfaqësuar që kërkojnë që votat e tyre të shkojnë për të majtën progresiste. Eksperimentet janë të së kaluarës. E ardhmja i përket të majtës progresiste”,- tha Naço.
nxitur të hedhë këtë hap. “E thashë pak më parë, Shqipëria nuk ka më nevojë për eksperimente politike. Nuk ka nevojë për njerëz që janë vasalë të dikujt tjetri. Ka nevojë që të përfaqësojnë një pjesë të elektoratit dhe në qarkun e Beratit, i cili është i pa përfaqësuar dhe në çdo rast kërkon që votat e tyre të shkojnë në koalicion me të majtën progresiste. Unë besoj që nga sondazhet e bëra dhe nga mesazhet që më vijnë, më kërkojnë që të përfaqësoj këtë pjesë të elektoratit dhe nuk janë pak, por janë rreth 70 për qind të atyre që kanë votuar dhe që duan të votojnë për të majtën progresiste”, - deklaroi z. Naço. Por kalimi
i Nasip Naços nga LSI te PS nuk ka qenë i papritur dhe vetë kryeministri Edi Rama duket se ka qenë i përfshirë në lëvizjen e tij duke e ftuar t’i bashkohet për një gotë verë apo për raki Skrapari. Në një video të siguruar nga “BalkanWeb” të regjistruar një muaj më parë, Rama i shoqëruar nga ish- ministri tjetër i LSI- së, Lefter Koka dhe Damian Gjiknuri në një restorant duke i dërguar mesazhin ish- ministrit të Drejtësisë Nasip Naço për t’iu bashkuar, siç mund të kuptohet nga fjalët jo për të parën herë. Pak me batuta, pak duke i përmendur partinë, Rama e pyet se ku është dhe pse nuk shkon të pijë një gotë verë.
Ndërsa Koka i shpjegon kryeministrit se Naço është i pakënaqur me LSInë, pasi në vend të tij do të garojë Elona Guri në qarkun e Beratit. “Po ku je mo Nasip, ku je mo burrë, kaq partiak je, sa nuk vjen as të pish një gotë verë? Se ti je dhe qytetar… pi njeriu një gotë verë… apo ke hall se të shpallin armik. Ti s’je shpallur akoma po në listë je për t’u shpallur për armik… shihe pak këtë shihe ( tregon me telefon Damian Gjiknurin që qesh). Hë mo fol ti…”, - shprehet z. Rama. Ndërsa Lefter Koka thotë: “Ky është pak kështu, nuk ka kurajo…”. Por Rama vijon: “Jo mo kurajë ka ky, por ka atë burrninë që do ta vrasin njëherë në mexhelis, o Nasip…”. Lefter Koka shprehet më tej: “E ka vrarë Lona, i kanë thënë të vënë Elona Gurin para këtij”… Ndërsa Edi Rama i drejtohet ish- ministrit: “O Nasip, raki Skrapari vëlla, na fto ndonjë ditë, të jesh mirë, të përshëndesim vëlla”.