Koncesioni i portit, për 5 vite te kompania malteze

Përpunimi i kontejnerëve në kalatën 6 në Durrës i jepet “Hili Company Limited” së bashku me 30 milionë euro Jorida Tabaku: Akt korruptiv i Ramës, i fshehur në parajsa fiskale

KONTRATA PËR PAGESËN

Në kontratën e mëparshme koncesionari paguante 2% të xhiros vjetore si tarifë ndaj Autoritetit Portual Durrës, ndërsa në shpalljen e koncesionit e ri dihet vetëm që porti i Durrësit do të paguajë rreth 30 milion dollarë për 5 vite për koncesionarin dhe nuk përcaktohet se sa te ardhura do të futen në arkën e shtetit nga ky shërbim. Koncesionarit madje i është garantuar edhe një inventar i madh me mjete përpunuese, si vinça, pirunë kontejnerësh apo makineri të rënda të tjera, disa prej të cilave edhe prodhim i viteve të fundit.

KOMPANIA MALTEZE

Mësohet se kompania malteze ka 14 aksionerë dhe sipas dokumenteve të siguruara nga Neës24 rezulton se kompania që Autoriteti Portual Durrës ka shpallur fitues është me seli në Maltë dhe drejtohet nga tre shtetas malteze. Ajo ndërkohë është gjithashtu aksionere e degës CMA- CGM në Maltë, kompani që merret me transportin e kontejnerëve. Dhe përmes kësaj shoqërie bëhet lidhja me kompaninë shqiptare të transportit te mallrave Pelikan, pasi të dy këto kompani figurojnë aksionere të degës në Shqipëri CMA CMG. kreun e qeverisë se para largimit, po jep një tjetër koncesion korruptiv.

“109 ditë para largimit, Edi Rama po lë pas tokën e djegur. Radha i ka ardhur portit të Durrësit, një aferë korruptive 30 milionë euro, që ne e denoncuam 2 muaj më parë”, - u shpreh Tabaku, ndërsa shtroi tri pyetje për të cilat kërkoi përgjigjen e kryeministrit.

“Edi Rama ka detyrimin t’u thotë sot shqiptarëve kujt ia ka dhënë me koncesion kalatën e Portit të Durrësit për të futur në xhep 30 milionë euro nga taksat.

109 ditë para largimit Edi Rama nuk mund t’u fshihet më shqiptarëve.

Ata e dinë dhe e ndiejnë në lëkurë se për 8 vjet me radhë ky kryeministër i gënjeu, i mashtroi, shkatërroi ekonominë, rriti koston e jetesës dhe papunësinë.

Kur të votojnë në 25 prill, qytetarët do të kenë në listën e grabitjeve të taksave të tyre nga qeveria edhe portin e Durrësit.

Kompania e shpallur fituese për koncesionin 30 milionë euro quhet “Hili Company Limited” . Ajo operon në Maltë dhe njihet ndërkombëtarisht për operacione të dyshimtë nga skandali i “Panama Papers”,- tha Tabaku.