Kryemadhi në tokat e përmbytura në Laç: Mungesa e menaxhimit ka sjellë gjendjen e vështirë
Përmbytjet, kryetarja e LSI: Qeveria, e paaftë të menaxhojë krizat
Monika
Kryemadhi ka shkuar këtë të diel në Laç, ku ka vizituar tokat bujqësore të përmbytura si pasojë e reshjeve të dendura të shiut. Sipas kryetares së LSIsë, gjithë këtë situatë e ka sjellë mungesa e seriozitetit nga shteti dhe mungesa e ndihmave. “Ngelëm 30 vjet dhe s’po bëjmë dot një studim sepse faj kemi edhe ne që nganjëherë mbyllim sytë për hir të stabilitetit, por për hir të stabilitetit fusim popullin pastaj në destabilitet ekonomik, shpirtëror dhe social dhe kjo në fakt është nganjëherë edhe e dhimbshme dhe ndoshta është edhe një nga arsyet që ne duhet të ndryshojmë metodologjinë jo vetëm të të bërit politikë, por edhe të përuljes ndaj njerëzve”, - tha Kryemadhi. Më herët Kryemadhi ishte në Sauk, ku bashkëbisedoi me qytetarët, me të cilët ka folur për problematikat me të cilat përballen. Ajo foli për situatën në vend si pasojë e përmbytjeve, ku bëri përgjegjëse qeverinë për gjendjen e krijuar. “Ne e lamë që të diskutonim sot, pasi edhe 105 ditë na kanë ngelë nga 5 prilli. Ajo që ne duam të shikojmë, të jemi pranë njëritjetrit në këtë situatë të tmerrshme, ku shiu do të vazhdojë sipas specialistëve. Nëse 1 vit më parë kishim tërmetin që la mijëra familje jashtë, pastaj pandemia që mbylli biznese të tëra e la pa punë mijëra shqiptarë. Covidi që shkatërroi emocionalisht familjet tona dhe tani nga ana tjetër kemi edhe këtë situatë që shikojmë një papërgjegjshmëri të qeverisë. E thënë shkurt totalisht të paaftë. Nuk më duken vetëm të paaftë por edhe të poshtër, pasi ju mungon dashuria për të ndihmuar njerëzit. Sepse mund të jesh i paftë, por ke dëshirë për ti ndihmuar njerëzit. Por paaftësia e tyre ka kaluar tashmë çdo lloj limiti”, - tha Kryemadhi.