“Deputeti që duam”, PS përzgjedh 56 emra, Rama: Aplikuan rreth 1600 kandidatë
“I inkurajoj, një pjesë do të jenë në listën e 25 prillit”
Partia Socialiste nisi dje fazën e dytë të përzgjedhjes së një pjesë të kandidatëve për deputetë që do të garojnë për një vend në Kuvend në zgjedhjet e 25 Prillit 2021. Në një takim të mbajtur online, Sekretari i Përgjithshëm i PS, Taulant Balla, njoftoi se një pjesë e kandidatëve janë skualifikuar që në fazën e parë, pasi nuk i përmbushnin të gjitha kriteret për t’u përzgjedhur. Ai shtoi se edhe nga faza e dytë do të ketë të skualifikuar, por të gjithë ata që kanë garuar tashmë janë pjesë e PS dhe mund të japin kontributin në forma të tjera dhe jo vetëm duke qenë deputet. “Si partia më e madhe në vend, ne duam një bazë të mirë të kandidatëve, përfaqësues të komuniteteve që përfaqësojnë zonat e tyre denjësisht. Jam i entuziazmuar për interesin e lartë, të shprehur në platformën “Deputeti që duam”. Komisioni duhet të zgjidhte më të mirët në qindra aplikime. Shqipëria s’ka më asnjë lidhje tashmë me çfarë ishte 7 vite më parë. Ky rrugëtim nuk ishte aspak i lehtë. Tani me bindjen për të zgjedhur njerëzit e duhur që do sjellin ndryshime të vërteta. Me lista të hapura pushteti i kthehet sovranit. Në përfundim të kësaj akademie, disa do të kenë nderin të jenë në skuadër, kurse të tjerëve i ftojmë të bashkohen me PS,” – theksoi z. Balla.
KANDIDATËT
Nga 1600 të rinj që shprehen interesin për të qenë kandidatë për deputet të PS vetëm 56 prej tyre janë përzgjedhur si të përshtatshëm për të qenë kandidatë për deputetë, ndërsa brenda javës 20 prej tyre do të kenë vërtetë mundësinë për të qenë pjesë e listave të kandidatëve në zgjedhjet e 25 prillit. Për kryeministrin ndryshe nga sa anatemohet përfshirja në politikë është rruga e vetme për të ndryshuar vendin. Kryeministri Edi
Rama gjatë fjalës së tij në konferencën online të zhvilluar për fushatën “Deputeti që duam”, tha se tashmë janë kualifikuar 58 emra. “Janë 58 emra që përfshihen në listën e atyre që e kanë prezantuar më mirë pse- në e kësaj nisme individuale dhe fuqinë e ambicies së tyre. Por nuk do të thotë që ata që nuk janë përfshirë në listë janë më pak të talentuar. Unë i inkurajoj ata që nuk kanë kaluar fazën e dytë që të mos tërhiqen por të kuptojnë se për të shpalosur potencialin e brendshëm duhet punë, përgatitje, trajnim”, - theksoi z. Rama. Po ashtu ai theksoi se në mandatin tonë të tretë do të kemi prioritet përfshirjen e sa më shumë të rinjve në nivelet e
PËRZGJEDHJA
Të rinjtë e përzgjedhur me ndihmën e Fondacionit Fridrich Ebert do të trajnohen nga lektorë që janë ose kanë qenë pjesë e Parlamentit Europian. “Rreth 1600 vajza e djem, gra e burra, përgjithësisht gjenerata e re kanë shprehur interesin e tyre në mënyrë të guximshme”, - tha z. Rama.
qeverisjes. “Shembuj njerëzish që janë s’kualifikuar në momentet e fillimit të përzgjedhjes së tyre ka plot, por ka ndodhur që kanë lulëzuar në karrierë duke lënë edhe emër në histori”, - u shpreh kreu i PS- së.