Ushtria e NATO- s “zbarkon” në Shqipëri, Kim: Jemi miku dhe aleati më i fortë i juaji
Peleshi: 6000 trupa amerikane do të kryejnë stërvitjen më të madhe ndërkombëtare
Ambasadorja ameri kane në Tiranë, Yuri Kim zhvilloi dje një takim me ministren e Jashtme, Olta Xhaçka dhe ministrin e Mbrojtjes, Niko Peleshi. Gjatë bisedës, ambasadorja rikonfirmoi rëndësinë e marrëdhënies midis Shteteve të Bashkuara të Amerikës dhe Shqipërisë në fushën e mbrojtjes. Ajo pret rritjen e bashkëpunimit përpara “Defender Europe 21”, stërvitjes më të madhe ushtarake të zhvilluar ndonjëherë në Shqipëri krahas forcave të Armatosura të SHBA- ve dhe aleatëve të NATO- s. “Ambasadorja Yuri Kim u takua sot ( dje) me ministrat e sapoemëruar të Mbrojtjes Niko Peleshi dhe atë për Evropën dhe Punët e Jashtme Olta Xhaçka. Gjatë takimit të saj me Ministrin Peleshi, Ambasadorja Kim rikonfirmoi rëndësinë e marrëdhënies midis Shteteve të Bashkuara të Amerikës dhe Shqipërisë në fushën e mbrojtjes, si dhe mirëpriti rritjen e bashkëpunimit përpara ‘ Defender Europe 21’, stërvitjes më të madhe ushtarake të zhvilluar ndonjëherë në Shqipëri krahas forcave të Armatosura të SHBA dhe aleatëve të NATO- s. Gjatë takimit të saj me ministren për Evropën dhe Punët e Jashtme, Ambasadorja Kim tha se mirëpret bashkëpunimin e ngushtë me Ministren Xhaçka në rolin e saj të ri, nënvizoi rëndësinë e forcimit të partneritetit tonë diplomatik dhe premtoi mbështetjen e vazhdueshme të Shteteve të Bashkuara të Amerikës për rrugën e Shqipërisë drejt anëtarësimit në BE”, - thuhet në njoftimin e ambasadës amerikane. Kurse ministri Peleshi shprehu bindjen për përkushtimin maksimal për të çuar përpara pro
DEKLARATA
Ambasadorja Kim rikonfirmoi rëndësinë e marrëdhënies midis Shteteve të Bashkuara të Amerikës dhe Shqipërisë në fushën e mbrojtjes, si dhe mirëpriti rritjen e bashkëpunimit përpara “Defender Europe 21”, stërvitjes më të madhe ushtarake të zhvilluar ndonjëherë në Shqipëri krahas forcave të Armatosura të SHBA- ve dhe aleatëve të NATO- s.
jektet madhore në fushën e mbrojtjes dhe sigurisë. Ministri përmendi stërvitjen “Defender Europe 2021”, me pjesëmarrjen e 6 mijë trupave amerikane në Shqipëri. “Pata kënaqësinë të zhvilloj një takim me Ambasadoren e Shteteve të Bashkuara të Amerikës, znj. Yuri Kim. I bindur dhe me përkushtimin maksimal për të çuar përpara projektet madhore të përbashkëta dhe fuqizimin e partneritetit strategjik në fushën e mbrojtjes dhe sigurisë. Përzgjedhja e Shqipërisë për të realizuar “Defender Europe 2021”, ku mbi 6000 trupa amerikane do të kryejnë stërvitjen më të madhe ndërkombëtare në Shqipëri, është një tjetër element që tregon mbështetjen e SHBA- ve në fuqizimin dhe modernizimin e Forcave tona të Armatosura”, shkruan Peleshi. Po dje, Ambasadorja e SHBA- ve, Yuri Kim takoi
edhe ministren e re të jashtme Olta Xhaçka, duke shprehur mbështetjen për emërimin e saj në detyrën e re me politikën e jashtme shqiptare. Si ambasadorja Kim edhe ministrja Xhaçka shkruan në “Twitter”, ku theksuan se takimi ishte fokusuar në thellimin e bashkëpunimit dhe partneritetit strategjik mes dy vendeve. Xhaçka theksoi se partneriteti me SHBA- të është themeli i politikës së jashtme shqiptare. Ndërsa Kim theksoi se SHBA- të do të vazhdojnë të jetë aleati, miku dhe partneri më i fortë për Shqipërinë. Gatë takimit, Yuri Kim i ka theksuar ministres mbështetjen e plotë dhe të vazhdueshme të SHBA- ve ndaj Shqipërisë. “Presim të punojmë ngushtë me ministren e re të Jashtme Olta Xhaçka për të forcuar bashkëpunimin diplomatik të Shqipërisë dhe SHBA- ve mbi demokracinë, mbrojtjen
dhe biznesin. SHBA dhe Shqipëria do të vazhdojnë të jenë miqtë, aleatët dhe partnerët më të fortë”, shkruan Kim. Ndërsa ministrja Xhaçka shprehet se mbështetja e SHBA- ve do të jetë edhe më e fortë. Xhaçka shkruan se takimi ishte fokusuar në thellimin e bashkëpunimit dhe partneritetit strategjik mes dy vendeve, teksa shton se partneriteti me SHBA- të është themeli i politikës së jashtme shqiptare. “Gjithmonë një kënaqësi për të takuar ambasadoren e SHBA- ve, Yuri Kim. Takim konstruktiv se si të thellojmë partneritetin strategjik mes Shqipërisë dhe SHBA- ve. Partneriteti i Shqipërisë me SHBAtë është themeli i politikës sonë të jashtme. Kënaqësi të marr sigurimin e vijimit të mbështetjes së vazhdueshme dhe të zgjeruar”, shkruan Xhaçka.