Situata e Covid, Meta: Duhet plan i qartë. Rama: Vaksinat në fillim të shkurtit
Presidenti: Rastet janë shtuar. Kryeministri: Po komunikojmë 7 herë në ditë me Pfizer “Numri i të infektuarve po rritet, COVID-19 s’ndalet me propaganda”
Presidenti Ilir Meta shprehu dje shqetë simin për rritjen e numrit të të infektuarve me koronavirus. Duke iu referuar disa të dhënave të përpunuara nga “Zëri i Amerikës”, Meta deklaroi se është arritur niveli më i lartë i të prekurve. Ai kërkoi masa urgjente, ndërsa nuk la pa sulmuar qeverinë. Meta shkruan se “numri i të prekurve nga pandemia arriti në 4830, ose 20.4% më shumë se një javë më parë”. Ai shton se ky është niveli më i lartë i shënuar, që pas javës së dytë të dhjetorit dhe shprehet se për menaxhimin e situatës nevojitet një plan i qartë. Kreu i shtetit deklaron se plani për menaxhimin e situatës duhet të ishte prej kohësh “për menaxhimin efikas të situatës, përmirësimin e prekshëm të kushteve në spitale, rritjen e masave mbrojtëse për mjekët e infermierët dhe veçanërisht për vaksinimin e popullatës”. Më tej ai akuzon dhe qeverinë se ka bërë propagandë me situatën e koronavirusit dhe bën thirrje që shëndeti dhe jeta e shqiptarëve duhet të jenë prioritet absolut. Pas problematikave që kompania Pfizer ka hasur në prodhimin e vaksinës duke mos iu përmbajtur kontratës me shtetet që kanë nënshkruar për sigurimin e dozave të kësaj vaksine, edhe qeveria shqiptare ka vendosur një afat të ri për mbërritjen e sasisë së parë të kontraktuar nga kjo
TRITAN SHEHU
“Janari po mbaron! Ku janë vaksinat Covid që na kishte thënë Rama se do të vinin javën e dytë ose të tretë?! Ashtu siç u trumbetuan “premtimet” apo ardhja e aty 480 vaksinave “kontrabandë”, ashtu dhe tani duhet transparencë, përse nuk po arrin edhe kjo sasi minimale, që na ishte konfirmuar nga Rama për muajin janar! Ky është një rregull absolut në të gjithë botën e civilizuar e demokratike. Çështje është mospërgatitja nga ne, a diçka tjetër? Që sidoqoftë duhet thënë”, - deklaroi z.Shehu.
DHURATA ÇUPI
“Pandemia është treguar e pamëshirshme kudo në mbarë botën, por dhimbja që ka kapluar matjanët nga kjo situatë është e pamatë. Askush nuk jep të dhëna zyrtare, por numri i qytetarëve që kanë humbur jetën, apo vazhdojnë të jenë në numër të madh të prekur, nga ky virus në Mat, është i lartë. Matjaneve po u behet jeta shume e vështirë, shumë e pasigurte: Për shkak të ashpërsisë së këtij virusi; Për shkak të pamundësisë për t’u kuruar pasi tarifat e larta të medikamenteve ua pamundësojnë mjekimin”, - tha zj.Çupi.
kompani. Kryeministri Edi Rama premtoi dje se Shqipëria nuk do të mbetet pas vendeve të tjera, për sa i përket furnizimit me vaksina. Në një konferencë për mediat, Rama tha se Pfizer ka probleme me shumë vende dhe rrezikohet që të mos ketë vaksina në kohën e duhur. Kreu i qeverisë shtoi se po punohet intensivisht me kompaninë që të mos ketë vonesa, por shtoi se po negociohet dhe me kompani të tjera siç është AstraZeneca.
“Për ata që e kanë marrë dozën e parë patjetër që dozat janë aty. Ndaj është bërë dhe kalkulimi për të mos humbur vaksinimin. Pfizer ka një problem me shumë vende për shpërndarjen e vaksinimit, ndoshta e keni ndjekur që Italia ka kërcënuar dhe me gjyq. Ne jemi në kontakt jo një herë, por 7 herë në ditë që ata të respektojnë kontratën. Por ne nuk jemi vetëm në dorë të Pfizer, por jemi në negociata
dhe AstraZeneca dhe ndonjë ditë mund të japë ndonjë lajm të mirë. Ajo që duhet thënë është që Shqipëria nuk është mbrapa askujt në raport me vendet e tjera. Së shpejti shpresoj që mund të japim lajme të mira, për momentin jemi në komunikim me Pfizer dhe shpresojmë që të lëshojë që pjesë të dozave të para. Mendoj se në 2 javët e ardhshme të ketë stabilitet dhe qartësi”,-u shpreh kryeministri.