Meta kthen “sigurimin e makinave”: Kuvendi i shërben më shumë kompanive private
“Nuk garanton cilësisht mbrojtjen e jetës së qytetarëve”, presidenti kthen një tjetër ligj “Për të disatën herë nuk ka punuar për të përmbushur kërkesat e shoqërisë”
Presidenti Ilir Meta kthye dje ligjin për sigurimin e detyrueshëm të transportit duke dhënë edhe arsyet e këtij dekreti. Meta shpjegoi se ky ligj nuk garanton cilësisht mbrojtjen e jetës së qytetarëve, pasi neni 8 i këtij ligji nuk i jep zgjidhje përfundimtare problematikave të konstatuara. Sipas Metës, Kuvendi ka treguar për të disatën herë se nuk ka punuar për të përmbushur kërkesat e shoqërisë shqiptare, por sipas dëshirës apo dakordësisë të kompanive të sigurimit. “Dekret për kthimin e ligjit nr. 32/2021 “Për sigurimin e detyrueshëm në sektorin e transportit”. Në mbështetje të nenit 85, pika 1 dhe nenit 93 të Kushtetutës, dekretoj: Kthimin në Kuvend të ligjit nr. 32/2021 “Për sigurimin e detyrueshëm në sektorin e transportit”, për rishqyrtim sipas arsyetimit bashkëlidhur këtij dekreti”,-thuhet në vendimin e Metës. Presidenti vlerëson se Kuvendi, pavarësisht asaj që deklarohet në praktikën parlamentare nuk ka mundur t’i japë zgjidhje kësaj problematike. Sipas tij, përmbajtja e dispozitës së nenit 8, nuk garanton zbatimin në praktikë edhe për një kohë shumë të gjatë të sistemit bonus-malus. Presidenti argumenton, ligji në fjalë krijon një situatë të paqartë juridike te qytetarët dhe përdoruesit e mjeteve motorike. Sipas kreut të shtetit, referuar praktikës parlamentare, hartimi i një ligji të ri për sigurimin e detyrueshëm në sektorin e transportit është bërë i nevojshëm për këto arsye kryesore: “Së pari, për të reflektuar zhvillimet e vrullshme që kanë ndodhur, ndër vite, në këtë sektor, si në vendin tonë, ashtu edhe në vendet e rajonit e të Europës; Së dyti, për të zbatuar detyrimin e përcaktuara në MSA, në drejtim të përafrimit të legjislacionit me direktivat e BE-së, e konkretisht, me direktivën 2009/103/KE të Parlamentit Europian dhe të Këshillit, datë 16 shtator 2009. Hartimi i këtij ligji është kërkuar edhe nga Komisioni Europian në Raportet e Progresit për vendin tonë. Së treti, hartimi i këtij ligji është kërkesë e rezolutave të Kuvendit për vitet e fundit; Së katërti, hartimi i këtij ligji është rekomanduar edhe nga KLSH; Së pesti, hartimi i këtij ligji është i nevojshëm për zgjidhjen e disa problematikave, të konstatuara gjatë zbatimit në praktikë të ligjit ekzistues”, - shprehet z.Meta.
Sipas kreut të shtetit, referuar praktikës parlamentare, hartimi i një ligji të ri për sigurimin e detyrueshëm në sektorin e transportit është bërë i nevojshëm për këto arsye kryesore: “Së pari, për të reflektuar zhvillimet e vrullshme që kanë ndodhur, ndër vite, në këtë sektor, si në vendin tonë, ashtu edhe në vendet e rajonit e të Europës; Së dyti, për të zbatuar detyrimin e përcaktuara në MSA, në drejtim të përafrimit të legjislacionit me direktivat e BE-së, e konkretisht, me direktivën 2009/ 103/KE të Parlamentit Europian dhe të Këshillit, datë 16 shtator 2009. Hartimi i këtij ligji është kërkuar edhe nga Komisioni Europian në Raportet e Progresit për vendin tonë. Së treti, hartimi i këtij ligji është kërkesë e rezolutave të Kuvendit për vitet e fundit; Së katërti, hartimi i këtij ligji është rekomanduar edhe nga KLSH; Së pesti, hartimi i këtij ligji është i nevojshëm për zgjidhjen e disa problematikave, të konstatuara gjatë zbatimit në praktikë të ligjit ekzistues”, - shprehet z.Meta.