“Ka ndryshuar emrin”, prokuroria përfundon verifikimin për dy kandidatët
Verifikimi i pastërtisë së figurës, KQZ publikon hetimet për kandidatin për deputet Baku ka qenë i arrestuar, Laska i “Thurjes” rezultoi i pastër
Prokuroria e Përgjiths hme përfundoi dje ver ifikimin e 2 kandidatëve për deputetë, Artur Bakun të Lëvizjes Socialiste për Integrim dhe Napolin Laskën nga Nisma Thurje. Nga verifikimet e thelluara për kandidatin e LSI-së të kryera nga sektori i dekriminalizimit, rezultoi se ai se ka ndryshuar emrin nga Afrim në Artur. Në formularin e dekriminalizimit, Baku rezultoi se kishte deklaruar ndryshimin e emrit, por nga verifikimi i prokurorisë, doli se ai ka qenë i arrestuar në 2015 për veprën penale “shpërdorim detyre”. Ndaj tij ishte marrë edhe masa ‘arrest shtëpie’. Nëse Baku nuk e ka deklaruar këtë arrestim në formularin e dekriminalizimit, pritet që KQZ ta përjashtojë atë nga kandidimi për zgjedhjet e 25 prillit. Nga ana tjetër për kandidatin për deputet të Nismës Thurje, Napolon Laskën, prokuroria nuk ka gjetur ndryshime në të dhënat e gjendjes civile apo të jetë i dënuar për ndonjë vepër penale. Pak ditë më parë KQZ dërgoi për verifikim të thelluar në Prokurorinë e Përgjithshme, 28 kandidatët për deputetë. Sa i përket kandidatit të PSD-së Serdar Hoxha, sektori i dekriminalizimit ka kërkuar nga KQZ që t’i vihen në dispozicion të gjitha të dhënat apo indiciet për të kaluarën penale që disponojnë për të, pasi nuk janë saktësuar. Kandidati i LSI-së, Artur Baku, ka rezultuar pas verifikimit nga Prokuroria e Përgjithshme që të ketë ndryshuar emrin. Sipas vendimit thuhet se Baku e ka ndryshuar emrin nga “Afrim” në Artur. Këtë gjë, Baku e ka deklaruar edhe në formular. Megjithatë siç thuhet në verifikimin e Prokurorisë së Përgjithshme, ai nuk rezulton i dënuar me vendim të formës së prerë për kryerjen e ndonjë vepre penale. Po ashtu rezulton që Baku të jetë arrestuar në vitin 2015 nga
TESTIMI
Për të shmangur çdo të papritur ditën e zgjedhjeve, KQZ ka nisur testimin e pajisjeve të identifikimit. Kryekomisioneri Ilirjan Celibashi siguroi se votimi elektronik në njësinë Nr 10 është plotësisht i sigurtë, duke mohuar akuzat e presidentit Ilir Meta për manipulime. Celibashi sqaroi se në rast se pajisja e votimit nuk do të funksionojë, kontrata e parashikon zëvendësimin saj brenda 2 orëve.
policia e Fushë Krujës për veprën penale “Shpërdorim detyre”. Më pas ai është liruar pasi gjykata e Krujës i ka caktuar masën e sigurisë “Arrest në shtëpi”. Janë gjithsej 30 kandidatë që janë dërguar për procesin e verifikimit nga KQZ-ja në prokurori.
Një prej kandidatëve për deputet i dërguar për verifikim nga KQZ-ja ka kaluar në sitën e Prokurorisë së Përgjithshme. Prokurori i Përgjithshëm, Olsjan Çela, i ka dërguar Komisionit Qendror të Zgjedhjeve vendimin mbi rezultatin e verifikimit për Napolon
Laskën. Në fund, prokurori Sokol Stojani, që është marrë me këtë subjekt ka miratuar rezultatin ku thuhet se Laska nuk ka rezultuar i dënuar me vendim të formës së prerë për kryerjen e ndonjë veprën penale në Shqipëri. Po ashtu në vendin tonë ai nuk rezulton i dënuar me vendim gjyqësor jopërfundimtar, të ketë qenë i ndaluar, i arrestuar ose i siguruar me ndonjë masë shtrënguese të sigurisë personale. Po ashtu nuk rezulton që Laska të ketë kryer ndryshime në gjendjen civile të ndryshme nga ato që ka deklaruar
në formularin e dekriminalizimit. Napolon Laska kandidon në zgjedhjet e 25 prillit nën siglën e Nismës Thurje. Komisionit Qendror i Zgjedhjeve publikoi dje rezultatet e Prokurorisë së Përgjithshme për kandidatin e LSI në zgjedhjet e 25 prillit, Artur Baku. Nga verifikimet e prokurorisë, ka rezultuar se kandidati Baku ka qenë i ndaluar apo arrestuar më parë, si dhe ka ndryshuar emrin. Sipas verifikimit të Prokurorisë, Baku ka qenë i ndaluar nga organet ligjzbatuese shqiptare për shpërdorimi detyre.