Marrëveshja për të dënuarit, Manja: Shqiptarët që vuajnë dënimin në Britani, mund të transferohen në burgjet shqiptare
“Inkurajoj qeverinë shqiptare për të tjera marrëveshje me vende të BE-së” Miratohet në parlament marrëveshja, mund të ekstradohen 1500 shqiptarë. Deputeti Naço: Sjell më pranë sistemet ligjore
Ministri i Drejtësisë, Ulsi Manja nga fol torja e Kuvendi u bëri dje thirrje deputetëve, edhe atyre të opozitës që të votojnë projektligjin për ratifikimin e marrëveshjes mes Shqipërisë, Britanisë së Madhe dhe Irlandës për të dënuarit. Manja theksoi se kjo marrëveshje do t’i japë mundësi shtetasve shqiptarë që vuajnë dënimin në burgjet e Britanisë që të zgjedhin nëse duan të transferohen në vendin e tyre, për të qenë afër familjarëve. 1500 shtetas shqiptarë që ndodhen të dënuar në burgjet e Britanisë së Madhe, parlamenti i Shqipërisë u dha mundësinë ta vijojnë dënimin në burgjet shqiptare. Ratifikimi i marrëveshjes, i miratuar në parlament nuk është detyrues. Të dënuarit duhet t’i paraqesin një kërkesë riatdhesimi autoriteteve britanike.
“Ratifikimi mbi transferimin e personave të dënuar në Britaninë e Madhe është tregues i besimit që autoritetet e huaja i japin institucioneve shqiptare. Garantohet që shtetasit shqiptarë të kryejnë dënimin pranë familje”, shpjegoi ministri i Drejtësisë, Ulsi Manja. Ndërkohë që marrëveshja u diskutua dhe miratua në parlament, ambasadori Britanisë së Madhe në vendin tonë Alastair King-Smith u takua në ambientet e Kuvendin, me kreun e grupit parlamentar socialist Taulant Balla.
MINISTRI ULSI MANJA
“Projektligji i ratifikimit të marrëveshjes mes Shqipërisë dhe Britanisë dhe Irlandës, është një nga instrumentet më të rëndësishëm që po miratojmë në fushën e çështjeve ndërkombëtare, dhe veprave penale. Nëpërmjet kësaj marrëveshje, Shqipëria rrit bashkëpunimin efektiv me fushën penale. Autoritetet e huaja u japim mundësi autoriteteve shqiptare, në kuadër të reformës në drejtësi. Kjo marrëveshje lehtëson riintegrimin social të shtetasve që vuajnë dënimin në shtetin tjetër. Me këtë marrëveshje garantojmë se shtetasit shqiptarë që janë të dënuar në Britani, të vijnë dhe të vuajnë dënimin në Shqipëri, ku do të jenë afër të afërmeve të tyre”,-tha ministri Manja. Ndërsa u shpreh: “Ne kemi një marrëveshje me Britaninë në 2013, por ka qenë e vështirë që të ratifikohej për shkak të qasjes, duke u nisur dhe nga sistemet e ndryshme ligjore që dy shtetet kanë. Ndaj nisi një rrugë negocimi për një marrëveshje të re. Kjo marrëveshje rregullon ato aspekte procedurale. Në marrëveshjen e re janë përcaktuar procedurat që ndiqen nga shtetet kontraktuese, vazhdimin e dënimit dhe të drejtat e trajtimit të personave të dënuar. Janë rregulluar dispozitat dhe përkthimin e akteve dhe dokumentacioneve që shteti marrës kërkon informacione, që duhet t’ia japë shtetit transferues, kur kërkohet transferim. Besoj fort se kjo marrëveshje, rrit në mënyrë të ndjeshme efektivitetin e bashkëpunimit në fushën penale. Na bën partnerë më të besueshëm dhe i hap rrugë bashkëpunimeve të ngjashme dhe me vende të tjera të BE. Ju ftoj që ta votojmë se bashku këtë marrëveshje.”
DEPUTETI NASIP NAÇO
Ndërkohë, deputeti i PSsë Nasip Naço në seancën e djeshme plenare në Kuvend, foli për projektligjin “Për ratifikimin e marrëveshjes, ndërmjet Republikës së Shqipërisë, Mbretërisë së Bashkuar të Britanisë së Madhe dhe Irlandës së Veriut, mbi transferimin e personave të dënuar”. Gjatë fjalës së tij Naço mbështeti miratimin e këtij projektligji, ndërsa inkurajoi qeverinë shqiptare për marrëveshje të tjera me vendet e Bashkimit Europian. Gjithashtu, ai theksoi se Shqipëria është e orientuar nga perëndimi me një qëndrim euroatlantik.
“Sot Shqipëria është e orientuar nga perëndimi me një qëndrim euroatlantik. Marrëveshja ndërmjet Republikës së Shqipërisë, Mbretërisë së Bashkuar të Britanisë së Madhe dhe Irlandës së Veriut, mbi transferimin e personave të dënuar, ka për qëllim zhvillimi e bashkëpunimit ndërkombëtar. Marrëveshja e re sjell më pranë dy sistemet ligjore. Një lajm i mirë është edhe për gjyqtarët, sepse i jep një hov të ri sistemit të brishtë në vendin tonë. E veçanta e marrëveshjes është se përshtatet dënimi i dhënë. Është parashikuar vazhdimi i dënimit pas transferimit të vendin tonë do të zbatohen ligjet e shtetit shqiptar. Është e rëndësishme të inkurajojmë qeverinë shqiptare për të lidhur marrëveshje të tjera me vende të tjera të BEsë”,-tha më tej ai.