? 10 superushqimet që nuk duhet të mungojnë në regjimin tuaj
Termi "superushqime" është relativisht i ri, megjithëse përshkruan një paketë vlerash për organizmin. Sipas nutricionistëve, u referohet ushqimeve me bazë bimore, të cilat janë të mbushura me vitamina, minerale, antioksidantë dhe shumë pak kalori. Këto janë disa nga arsyet përse këto ushqime rekomandohen të përfshihen nga të gjithë në dietën e përditshme ushqimore. Nëse nuk keni dëgjuar më parë për superushqimet, në këtë artikull listohen disa prej tyre. E veçanta e këtyre ushqimeve është se nuk përmbajnë gluten e mund të konsumohen edhe nga personat intelorantë ndaj tij.
FARAT FARAT E E AMARANTHIT AMARANTHIT
Të pasura me fibra dhe kalcium ndihmojnë në ndërtimin e kockave të forta dhe ulin peshën trupore, farat e Amaranthit janë të parat në listën tonë të superushqimeve. Kjo bimë është e pasur me antiokasidantë, të cilët luftojnë radikalet e lira, parandalojnë plakjen, hipertensionin, diabetin dhe ndikojnë në uljen e kolesterolit. Farat janë më të vogla se ato të susamit dhe lëshojnë një aromë të veçantë e karakteristike kur gatuhen. Ato mund t'i konsumoni në mëngjes shoqëruar me qumësht dhe fruta ose si pjatë kryesore sallate apo supë.
FARAT FARAT KINOA KINOA
Padyshim shumë të përhapura 2 vitet e fundit edhe në kuzhinën Shqiptare. Farat e kinoas, gjithashtu konsiderohen një superushqim. Janë një nga burimet më të mira të proteinës që nuk vjen nga mishi. Në vetëm një racion kinoa mund të përfitoni 14-16 gramë proteinë dhe aminoacide, të cilat ndihmojnë në zhvillimin e muskujve të shëndetshëm.
Kokrrat e vogla të kinoas nuk përmbajnë gluten dhe mund të përdoren çdo ditë edhe nëse jeni në regjime ushqimore strikte. Mënyra më e mirë për ta shijuar këtë fare është kur e përzieni me perime dhe e konsumoni në formën e sallatës.
FARAT E MELIT
Meli është një drithë e veçantë, që lufton plakjen, ndihmon sistemin nervor, forcon kockat, parandalon sëmundjet kardiake dhe zvogëlon rrezikun e prekjes nga diabeti. Njihet si një nga ushqimet më pak alergjike që ekzistojnë në botë dhe që treten shumë lehtë. Kjo e bën melin një superushqim që mund ta konsumojnë thuajse të gjithë, pavarësisht gjendjes shëndetësore.
FARAT FARAT E E LINIT LINIT
Me siguri keni dëgjuar dhe i keni përdorur edhe më parë farat e linit dhe sot mund t'i quani superushqime. Jo më kot konsiderohen si një "fabrikë vlerash" për organizmin, pasi përmbajnë shumë yndyra të shëndetshme omega-3, antioksidantë fitokimik, vitamina dhe minerale. Ekspertë të ushqimit shpjegojnë se farat e linit është mirë t'i shtypni para se t'i konsumoni, pasi janë më të lehta për stomakun.
HIKRRA
E dini se një nga ushqimet më të përdorura në vendet e ftohta si Rusia dhe Polonia? Kjo për shkak se ju ngopin shpejt dhe dhurojnë shumë energji. Hikrra ka më shumë proteina të tretshme se çdo lloj orizi, drithi apo misri. E pasur me dy nga aminoacidet më të rëndësishme për organizmin siç janë lisina dhe arginine, që largojnë stresin dhe ndihmojnë me prodhimin e kolagjenit.
FARAT CHIA
Farat chia mund t'i konsumoni çdo ditë duke parandaluar rrezikun e shfaqjes së shumë sëmundjeve. Pas konsumimit të këtyre farave, niveli i sheqerit në gjak do të ulet teksa zbusni oreksin dhe largoni sëmundjet e zemrës. Për të luftuar rrezikun e inflamacionit të organizmit tuaj, shtoni një lugë çaji me fara chia çdo mëngjes tek kosi bashkë me superushqime të tjera që listuam më lart. Me to gjithashtu mund të përgatisni receta sallate, qofte, puding apo reçel.
4 PLUHURAT E SHËNDETIT TË MIRË
Në të gjithë morinë e superushqimeve, nuk mund të mungojnë edhe pluhurat për receta, çaj apo pije të ndryshme.
PLUHUR I TURMERIKUT
Ndoshta një nga erëzat më të njohura të Indisë me ngjyrë portokalli të ndezur dhe aromë karakteristike. Përdorimet e tij fillojnë që nga përgatitja e recetave, çajit deri te trajtimet e lëkurës apo flokëve. E veçanta e turmerikut është se lufton menjëherë inflamacionin për shkak të prezencës së lartë të kurkuminës.
PLUHURI I XHINXHERIT
E dini se xhinxherin mund ta përdorni edhe në formën e pluhurit? Në këtë mënyrë keni më shumë komoditet në kuzhinë dhe jeni gjithnjë të sigurt për masat. Vetitë e këtij pluhuri nisin që nga ato antibakteriale deri te stimulimi i tretjes e rritja e sistemit imunitar.
PLUHURI MACA
Pluhuri maca përfitohet nga bima po me të njëjtin emër, e cila hyn në familjen e rrepave. Është një nga trajtimet më të mira natyrale për balancimin e hormoneve, djegien e kalorive dhe forcimin e kockave.
ÇAJI MATCHA
Çaji matcha konsiderohet një superushqim për shkak të vlerave të mëdha që i ofron organizmit. Ky pluhur jeshil me origjinë nga Azia mund të konsumohet çdo ditë në formën e çajit, pasi ju ndihmon të përfitoni antioksidantë dhe të humbisni shpejt në peshë./"AgroWeb.org"