Ish-të përndjekurit, Financat japin edhe 7 ditë afat për 10 mijë përfituesit

Ministria e Financave: Çfarë ndodh nëse nuk plotësoni në kohë dokumentacionin e kërkuar Hapat që duhen ndjekur, ku duhet të dorëzohen certifikata dhe prokura

Trashëgimtarët e ish-të dënuarve politikë, që nuk kanë marrë dëmshpërblimin e këstit të tretë, kanë edhe 7 ditë afat për të dorëzuar dokumentet në Ministrinë e Financave. Janë rreth 10 mijë përfitues, dosjet e të cilëve përfitojnë nga afati i vendosur nga Financat për t'u plotësuar. Pagesa do të kryhet për të gjithë trashëgimtarët e ishtë dënuarit politik, të cilët dorëzojnë dokumentet e kërkuara sipas dispozitave ligjore në fuqi. Kur dokumentacioni është i rregullt shënohet me V, kur mungon shënohet me X, kur kanë autorizuar me prokurë shënohet me P. Për dosjet e klasifikuara me mangësi në dokumentacion për pagesë, Drejtoria e Pagesave dhe Dëmshpërblimeve i referohet nenit 14 të ligjit nr. 9831 datë 12.11.2007 "Për dëmshpërblimin e ish-të dënuarve politikë të regjimit komunist", i ndryshuar, ku citohet se: "Brenda një afati 3-mujor nga data e publikimit të listës, të gjithë ish-të përndjekurit, të cilët janë pjesë e saj, duhet të dorëzojnë në strukturën përgjegjëse të Ministrisë së Financave dokumentet e parashikuara në aktet nënligjore që janë nxjerrë në zbatim të ligjit. Kur një ish-i dënuar politik ose trashëgimtari/trashëgimtarët e ish-të dënuarit politik nuk dorëzojnë dokumentacionin e kërkuar brenda afatit të parashikuar në paragrafin e mësipërm, ai/ ajo njoftohet lidhur me përfundimin e këtij afati dhe i jepet një afat shtesë deri në 30 ditë. Në rast se dokumentacioni i kërkuar nuk dorëzohet edhe pas kalimit të afatit shtesë (30 ditë), pagesa u kalon personave që nuk bëjnë pjesë në kategorinë e subjekteve përfituese parësore, të cilët në përputhje me ligjin kanë dorëzuar dokumentet e duhura dhe janë të gatshme për pagesë. Personat, të cilët nuk dëmshpërblehen për shkak të mosplotësimit të dokumenteve, gëzojnë të drejtën për të marrë këstin e kësaj pagese në fazën tjetër, por jo më vonë se tri vite pas publikimit të emrit për herë të parë në faqen zyrtare".

DOKUMENTACIONI

Brenda një afati 3-mujor nga data e publikimit të listës, (tashmë kanë ngelur vetëm dy muaj) të gjitha subjektet përfituese, që janë pjesë e saj, duhet të dorëzojnë në strukturën përgjegjëse të Ministrisë së Financave dokumentet e parashikuara në aktet nënligjore, që janë nxjerrë në zbatim të ligjit. Kur një ish-i dënuar politik ose trashëgimtari/ trashëgimtarët e ish-të dënuarit politik nuk dorëzon dokumentacionin e kërkuar brenda afatit të parashikuar në paragrafin e mësipërm, ai/ajo njoftohet lidhur me përfundimin e këtij afati dhe i jepet një afat shtesë deri në 30 ditë. Në rast se dokumentacioni i kërkuar nuk dorëzohet edhe pas kalimit të afatit shtesë (30 ditë), pagesa u kalon personave që nuk bëjnë pjesë në kategorinë e subjekteve përfituese parësore, të cilat në përputhje me ligjin kanë dorëzuar dokumentet e duhura dhe janë të gatshme për pagesë. Personat, të cilët nuk dëmshpërblehen për shkak të mosplotësimit të dokumenteve gëzojnë të drejtën për të marrë këstin e kësaj pagese në fazën tjetër, por jo më vonë se tri vite pas publikimit të emrit për herë të parë në faqen zyrtare.