I shpëtoi atentatit në Fushë-Krujë në vitin 2019, plagoset me armë zjarri në fytyrë anëtari i bandës së Niklës
Në janar të këtij viti u arrestua nga RENEA për drogë dhe armëmbajtje pa leje I plagosuri dhe autori njiheshin me njëri-tjetrin
Marklen Haka, anëtar i bandës së Niklës është plagosur me armë zjarri.
Ngjarja ka ndodhur pasditen e djeshme në hyrje të fshatit Nikël të Krujës. Mësohet se i “forti” i Niklës, ishte duke lëvizur me makinë, kur është qëlluar me pistoletë në nofull nga një person ende i paidentifikuar, i cili lëvizte në këmbë. Ai është transportuar me urgjencë në spitalin e traumës në Tiranë për mjekim të specializuar. Policia njoftoi se i plagosuri ndodhet aktualisht jashtë rrezikut për jetën. Sipas bluve, i plagosuri dhe autori njiheshin me njëri-tjetrin. dhe “Në Nikël, Krujë, në rrethana ende të paqarta, është plagosur me armë zjarri shtetasi M.H., i cili është transportuar për në Spitalin e Traumës, Tiranë, për ndihmë mjekësore dhe për momentin ndodhet jashtë rrezikut për jetën. Menjëherë në vendngjarje kanë shkuar shërbimet e Policisë dhe po vijon krehja e zonës, me qëllim kapjen e autorit. Grupi hetimor, nën drejtimin e Prokurorise së Rrethit Gjyqësor Krujë, po vijon punën për sqarimin e rrethanave të ngjarjes, si dhe identifikimin e kapjen e autorit”, njoftoi policia e Durrësit. Marklen Haka, anëtari i bandës së Niklës që u plagos me një plumb në fytyrë ditën e djeshme nuk është një emër i panjohur për drejtësinë dhe forcat e rendit. Përveçse i ka shpëtuar një atentati me armë në vitin 2019 përpara shtëpisë së tij, Haka rezulton edhe i arrestuar më 7 janar të këtij viti. Në një prej operacioneve të forcave RENEA, që u shtri në të gjithë Shqipërinë, anëtari i bandës së Niklës u ndalua pranë zonës ku ai banonte. Sipas policisë, 31-vjeçari së bashku me dy persona të tjerë është arrestuar, pasi mbi të rëndojnë disa akuza, si prodhimi i narkotikëve dhe armëmbajtja pa leje. “Në Nikël u kapën dhe u arrestuan në flagrancë për veprat penale “Prodhimi dhe shitja e lëndëve narkotike”, “Mbajtja pa leje e armëve luftarake dhe municioneve” dhe “Moskallëzim krimi”, shtetasit Z. H., 22 vjeç, G. H., 23 vjeç dhe M. H., 31 vjeç, pasi gjatë kontrollit në një lokal, shërbimet e Policisë gjetën dhe sekuestruan një armë zjarri pistoletë, municion luftarak dhe një sasi lënde narkotike kokainë e ndarë në doza gati për shitje”, njoftonin asokohe forcat e rendit. Përveç këtij arrestimi në dosjen e Marklen Hakës rezulton dhe një ndalim i realizuar nga uniformat blu më 19 shkurt të vitit 2021. Në atë kohë, personazhit në fjalë dhe 3 personave të tjerë u janë gjetur në posedim armë, stema policie dhe mijëra euro. Për më tepër n¸ zon¸n pran¸ “Xhamllikut”, Marklen Haka dhe 3 t¸ rinjt¸ teksa kan¸ qen¸ duke udh¸tuar me nj¸ mjet “Volsëagen”, jan¸ ndaluar nga nj¸ patrull¸ e forcave “Shqiponja”, por nuk i jan¸ bindur urdh¸rit t¸ polic¸ve dhe jan¸ konfrontuar fizikisht me ta, duke u ndar¸ n¸ 2 grupe. Gjat¸ kontrollit n¸ mjetin ku ndodhej dhe Haka, policia sekuestroi sasi të konsiderueshme të hollash në euro dhe lekë, celularë dhe gërshërë, të cilat u përdoren për prerjen e lëndës narkotike Canabis Sativa si dhe 1 portofol me stemën e policisë. Hakaj gjithashtu ka qenë i arrestuar edhe për një vrasje të ndodhur në Qershor të viti 2011 në zonën e ish-Bllokut në Tiranë, por ishte liruar për mungesë provash. Ndërkohë sa i përket atentatit të realizuar ndaj tij në derë të shtëpisë në vitin 2019, vlen të theksohet se mbeti e vdekur halla e tij, Shpresa Basha. Vetë Haka asokohe arriti të shpëtonte, pasi nga sulmi ku u qëlluan më shumë se 80 gëzhoja nga 4 armë automatike, mori vetëm një plumb në krah.