Pas 8 vitesh, Kuvendi i hap rrugën rishikimit të hartës territoriale
Vendimi i Kuvendit, pas miratimit të saj në mënyrë të njëanshme nga mazhoranca gati 1 dekadë më parë Bashkëkryetaret, Dhurata Çupi dhe Anila Denaj
Një komision par lamentar i përbash kët mes opozitës dhe mazhorancës do të marrë në shqyrtim zbatimin e reformës Administrativo-Territoriale të miratuar në vitin 2014 dhe pritet të hartojë një projekt të ri për ndarjen territoriale. Kuvendi votoi me konsensus të enjten projektvendimin për përbërjen e këtij komisioni me 108 vota pro, duke i hapur rrugën rishikimit të reformës territoriale, që ndryshoi hartën administrative të vendit dhe e ndau atë në 61 bashki. Komisioni ka 16 anëtarë të ndarë në mënyrë të barabartë mes Partisë Socialiste dhe Partisë Demokratike e aleatëve të saj si dhe do të funksionojë për një periudhë 6mujore. Komisioni do të drejtohet nga bashkëkryetaret Dhurata Çupi nga PD dhe Anila Denaj nga PS. Komisioni i Posaçëm ka për objekt të veprimtarisë së tij përcaktimin e kritereve për ndarjen e re administrativoterritoriale; hartimin dhe përcaktimin e kalendarit të zbatimit të saj dhe përgatitjen e projektit për ndarjen e re administrativo-territoriale. Dhurata Çupi i tha BIRN se ky komision ishte i domosdoshëm, pasi duhet bërë një analizë e thellë për problemet që ka hasur reforma e bërë në vitin 2014. Çupi tha gjithashtu se komisioni do të diskutojë mbi decentralizimin e bashkive, unifikimin e territorit si dhe fshatrat e lëna pa mbështetje. “Ka pasur problematika deri në kufijtë e dështimit,” tha Çupi. “Fakti që u arrit ky konsensus politik tregon se është nevojë e domosdoshme,” shtoi ajo, duke theksuar se synohet të dilet me një projekt të ri. Anëtari socialist i komisionit, Eduart Ndreca tha se “reforma nuk nënkupton vetëm ndarjen, ka dhe elementë të tjerë”. Puna e komisionit do të përfshijë konsultime me ministritë përgjegjese për çështjet vendore, me përfaqësues të qeverisjes vendore dhe të shoqatave të zgjedhura vendore, ekspertë të fushës, të shoqërisë civile dhe perfaqësues të organizatave ndërkombëtare që mbulojnë çështjet e qeverisjes vendore. Kuvendi ka ftuar për asistencë edhe delegacionet e Bashkimit Europian,
Këshillit të Europës, OSBEsë si dhe organizata të tjera ndërkombëtare. Në vitin 2014, një komision i ngjashëm i përbashkët nuk arriti dot të miratojë me konsensus hartën e re territoriale, e cila përcaktoi 61 bashkitë e vendit. Harta u votua me votat e socialistëve në pushtet dhe votat e partive të vogla aleate PDIU e LSI, ndërsa Partia Demokratike votoi kundër. Gjykata Kushtetuese hodhi poshtë një kërkesë të PD-së për shfuqizimin e kësaj reforme.
Kushdo që ka pasur dyshime për përkrahjen e Shteteve të Bashkuara të Amerikës ndaj Open Balkan, ato i ka shuar ambasadori amerikan në Serbi, Christopher R. Hill. “Së pari, SHBA-të mbështesin përpjekjet për integrim rajonal në përgjithësi dhe, veçanërisht, një përpjekje që po zhvillohet brenda në rajon dhe është shumë më përpara se disa të tjera përpjekje”, ka qartësuar ai në një konferencë për media, pas kthimit nga Ohri, ku u mbajt mbledhja e liderëve të Open Balkan. “Qartësisht Open Balkan është i fokusuar në aktivitet ekonomik, por gjithashtu është i fokusuar në sjelljen e Rajonit së bashku dhe zhvillimin e shtigjeve për bashkëpunim mes vendeve”, shtoi Hill. “Nëse mendoni për faktin që ka kaq shumë kufij në Ballkan dhe, në fund, kur kaloni në kufirin evropian, mund të shkoni deri lart në Suedi pa asnjë ndërprerje, prandaj duhet të ketë shumë më pak ndërprerje në Ballkan. Kufijtë do të duhej t’i bashkonin shtetet e jo t’i ndanin”. Gjithsesi, Hill është ngutur për ta bërë të qartë se Open Balkan nuk është një alternativë ndaj anëtarësimit në Bashkimin Evropian për këto shtete, sepse, po të konsiderohej ashtu, ai vetë nuk do ta merrte parasysh fare. “Është vërtet ide e mirë. Por, pyetja që shqetësonte, ishte nëse Open Balkan është ndonjë lloj alternative ndaj anëtarësimit në BE dhe struktura të tjera euroatlantike. Dhe, më lejoni të them, këtu flas personalisht, do të kisha zero interes në Open Balkan nëse në ndonjë mënyrë do konsiderohej alternativë për BE”.