Harta e re gjyqësore përçan avokatët/ Në Vlorë e Gjirokastër pezullohen edhe masat e sigurisë, në Elbasan mbyllet bojkoti
“Shqipëri jemi edhe ne, mos i mbyllni gjykatat”, Dhoma e Avokatisë në Lezhë paralajmëron protesta
Një sërë dhomash avoka tie në vend kanë paralajmëruar sërish vijimin e grevës edhe për këtë javë, por harta e re gjyqësore ka përçarë avokatët. Ndryshe nga vendimi i Dhomës Kombëtare të Avokatisë e drejtuar nga Maks Haxhia, Dhomat Vendore të Avokatisë në Vlorë, Shkodër, Lezhë, Gjirokastër, Korçë dhe Lushnjë kanë njoftuar bojkotin e seancave gjyqësore deri më datë 24 qershor. Ndërsa në datën 21 dhe 22 qershor avokatët thanë se do bojkotojnë edhe masat e sigurisë, gjë e cila nuk ka ndodhur më parë dhe mund të shkaktoj kaos në drejtësi. E kundërta ndodh në Elbasan, Dhoma e Avokatisë e këtij qyteti vendosi t’i japë fund bojkotit. Harta e re gjyqësore ka sjellë diskutime dhe reagime mes avokatëve. Dhoma e Avokatisë vendosi bojkot të të gjithë seancave të gjyqësorit për 4 ditë, ndërsa kundër kanë dalë avokatët penalistë që shkojnë në seanca, sepse mendojnë që çështja duhet të shkojë në Gjykatën e Kushtetuese për të kundërshtuar KLGJ. 13 gjykata të shkallës së parë, 2 gjykatë administrative dhe 1 gjykatë apeli për të gjithë vendin. Ky është përfundimisht propozimi i Këshillit të Lartë Gjyqësor për hartën e re gjyqësore në vend pas muajsh konsultimesh me grupet e interesit. I vetmi ndryshim nga propozimi i kaluar është se është shtuar një gjykatë e shkallës së parë në Sarandë, që me propozimin e kaluar ishte hequr. KLGJ-ja ka miratuar draftin, i cili tashmë pritet të kalojë për mendim në Këshillin e Ministrave, Këshillin e Lartë i Prokurorisë, Prokurorisë së Përgjithshme dhe Ministrisë së Financave. Me vendimin e ri shkrihen gjykatat në Tropojë, Krujë, Lushnjë, Pogradec, Krujë, Mat, Përmet, Kurbin, Kavajë, Pukë.
DHOMAT DHOMAT E E AVOKATISË AVOKATISË NË LEZHË DHE SHKODRËS, BOJKOT DHE DHE PROPTESTË PROPTESTË
Dhoma e Avokatisë në Lezhë, në një takim të jashtëzakonshëm ka vendosur që të vazhdojë bojkoti i seancave gjyqësore kundër vendimit të Këshillit të Lartë Gjyqësor. Nga ndryshimet e reja të propozuara nga Ministria e Drejtësisë, qarkut të Lezhës i shkrihen dy gjykata të Shkallës së Parë, ajo e Krujës dhe Kurbinit. Kreu i kësaj dhome, Elton Laska, shprehu zhgënjimin edhe për deputetët e qarkut dhe pushtetin vendor për heshtjen e tyre. “Për mosreagim dhe injorim të këtij bojkoti, Dhoma Vendore e Avokatisë Lezhë ndihet e keqardhur me grupin e deputetëve të qarkut Lezhë. Ndihemi të zhgënjyer nga qeverisja vendore si këshilli bashkiak, këshilli i qarkut, prefekti apo kryetarëve të bashkive, të cilëve nuk iu dëgjua një gjysmë fjale pro apo kundër shkrirjes së këtyre dy gjykatave”, - tha ai. Në fund të mbledhjes, Dhoma
e Avokatisë Lezhë shpalli bojkot deri më 24 qershor, ndërsa do të bojkotohen masa e sigurisë për dy ditë me radhë, përkatësisht më 21 dhe 22 qershor. Gjithashtu, ata kanë revokuar listat e gatishmërisë së avokatëve për Gjykatën e Rrethit Gjyqësor Lezhë, Kurbin dhe Krujë, deri në një vendimmarrje tjetër. Madje, ata kanë paralajmëruar edhe një protestë qytetare gjatë së martës në qytetin e Lezhës dhe të mërkurën në qytetin e Laçit. Ndërkohë, Dhoma e Avokatisë në Vlorë tha se do të bojkotojë seanca për datat 21 dhe 22 qershor. Dhoma Kombëtare e Avokatisë njoftoi të premten se nëse Këshilli i Ministrave nuk do të marrë parasysh propozimet e tyre për hartën e re gjyqësore, do të kishte përshkallëzim të situatës dhe bojkot pa afat të proceseve gjyqësore.
Ndërkohë Dhoma e Avokatisë Shkodër ka paralajmëruar një protestë ditën e mërkurë në orën 18:00 nën sloganin “Shqipëria jemi edhe ne. Mos i mbyllni gjykatat”. Harta e re gjyqësore e miratuar nga Këshilli i Lartë Gjyqësor ka hasur në pakënaqësitë e avokatëve në mbarë Shqipërinë, të cilët shprehen se kjo ndarja e re do u rëndojë qytetarëve, pasi do të rrisë kostot e gjyqeve dhe do të zgjasë seancat. Por nga ana tjetër Shoqata e Gjyqtarëve është shprehur pro kësaj, pasi sipas tyre u përgjigjet më së miri nevojave të qytetarëve.
BOJKOT NË GJIROKASTËR
Kështu, Dhomat e Avokatisë për Qarkun e Gjirokastrës dje bëri me dije se do të bojkotoj në të dyja shkallët e gjyqësorit. Sipas përfaqësuesit të kësaj dhome, Bernard Aliko, ky vendim u bashkohet vendimeve të dhomave të avokatisë së Shkodrës, Lezhës, Vlorës dhe Korçës, të cilat edhe ata kanë vendosur që avokatët të bojkotojnë të gjitha seancat gjyqësore të paralajmëruara për javën që vjen, si masë që ndërmerret për të kundërshtuar riorganizimin e sistemit gjyqësor në vend. Brenda kësaj jave do të vendoset nëse do të bojkotohen edhe masat e arrestit, të cilat deri më sot kanë qenë nën prezencën e avokateve mbrojtës të klientëve të tyre. Në qarkun e Gjirokastrës, sipas riorganizimit të ri, do të ngelet vetëm një gjykatë, ajo e Shkallës së Parë, ndërkohë që shkrihet Gjykata e Faktit në Përmet, Gjykata Administrative dhe Gjykata e Apelit.
BOJKOT NË VLORË
Përgjatë javës 375 gjyqe nuk do të zhvillohen nga bojkoti i lajmëruar dy ditë më parë nga Dhoma Vendore e Avokatisë Vlorë. Sipas vendimit, ditën e martë dhe të mërkurë do të bojkotohen edhe masat e sigurimit, çfarë sipas avokatëve do të çonte në kolaps sistemin. Sipas të dhënave nga kancelaritë pranë gjykatave deri në këto momente nuk ka të parashikuara masa sigurimi.
KORÇË
Dhoma e Avokatisë Korçë ka bojkotuar edhe këtë javë seancat gjyqësore. Ky vendim është marrë mëngjesin e sotëm në një mbledhje të organizuar, duke mbështetur kështu edhe vendimin e Dhomës së Avokatisë në disa qytete të tjera. Ky bojkot është në vijimësi të masave që morën avokatët një javë më parë për të kundërshtuar hartën e re gjyqësore.