Mbytën dhe hodhën në rezervuar 26-vjeçarin pas sherrit për xhelozi, gjykata lë në burg 3 autorët
Flet kunati i njërit prej të arrestuarve: E mohoj kategorikisht, ai punonte si çoban Prokuroria dyshon se Valter Mollaj ekzekutoi Martin Çeçon
Tre personat që dys hohet se janë au torët e vrasjes së 26vjeçarit Martin Çeço dolën dje para Gjykatës së Korçës për masën e sigurisë. Bëhet fjalë për shtetasit Bleti Angjo, Valter Mollaj dhe Edlir Mollaj. Të dyshuarit si autorë të vrasjes së të riut Çeço në Maliq, Angjo dhe dy kushërinjtë Mollaj do të qëndrojnë në burg të paktën deri në përfundim të hetimeve, të akuzuar për vrasje me paramendim, e kryer në bashkëpunim. Asnjëri prej tyre nuk pranoi përpara gjykatës autorësinë e krimit makabër, ndërsa akuza e Korçës dyshon se ekzekutori është Valter Mollaj. Të njëjtën gjë ka pretenduar edhe i arrestuari tjetër, Blenti Angjo. “Nga deklarimet e Blerti Angjos pretendohet se ekzekutori është Valter Mollaj, edhe nga prokuroria pretendohet për të njëjtin person. Të tjerët thjesht shoqërues, le të themi ndihmës. Pretendohet se Valter Mollaj e ka kërcënuar viktimën. Nuk është shprehur pendesë në seancë, pasi askush nuk e pranon se është autori”, tha avokati Lorik Zoko. Blenti Angjo punonte si çoban te Valter Mollaj, i cili pak para se të zbulohej krimi, ishte në banesën e kunatit të Angjos. Ai rrëfen momentet e vizitës në banesë të Valterit, një ditë para se krimi të zbulohej. “Në datën 14 unë kisha në shtëpi Valterin, ndërkohë që ishte me ne dhe nuk na tha asnjë gjë, kur doli në media që krimi ishte kryer në datën 12-13. Shumë gjakftohtë nuk ishte, vetëm 5 min qëndroi. Ne nuk na vajti në mendje për këtë punë, vetëm në media u njoftuam, mbetëm të habitur.
Kur komunikuam herën e fundit me kunatin, nuk ishte i qetë”, - u shpreh kunati i Blenti Angjos. Ngjarja e rëndë ndodhi në datën 12 qershor, ditë kur 26-vjeçari Martin Çeço humbi kontaktet me familjarët e tij. Ai u gjet pas 4 ditësh nga policia në rezervuarin e Kolanecit. Autorët e dyshuar e kanë marrë Çeçon dhe e kanë çuar në rezervuar, ku më pas e kanë vrarë me litar dhe e hodhën trupin në ujë për ta inskenuar si vetëvrasje. E gjitha si pasojë e një femre. Shkak i vrasjes dyshohet se është konflikti për të dashurën e Martinit (kjo e fundit e mitur). Para se të lidhej me Martin Çeçon, vajza ka pasur një lidhje me Bleti Angjon, njërin prej vrasësve e me lidhjen e re duket se ka shqetësuar ishin aq sa prej kohësh kërcënonte Martinin. Ky i fundit ka shkëmbyer fjalë në telefon, duke i pohuar se tashmë vajza i përket atij, duke e paralajmëruar që të mos e shqetësonte. Por kjo situatë është përshkallëzuar duke nisur një konflikt mes djemve. Ata e kanë lënë të takohen, takim që sipas policisë ishte bërë më 12 qershor 2022, ditë kur edhe familjarët kanë humbur gjurmët. Mendohet se ishte dëshmia e vajzës që çoi në arrestimin e Edlir dhe Valter Mollaj dhe ishit të saj. Ndërkaq, “Gazeta Shqiptare” ka siguruar dëshminë e Nikolla Tollkuçit, i cili është kunati i Bleti Angjos, njërit prej autorëve të dyshuar të mbytjes së Martin Çeços, pas sherrit për xhelozi ndaj një vajze. “E mohoj kategorikisht që Bleti të ketë vrarë Martinin, ai punonte si çoban
për Valter Mollajn. Nuk ka mundësi që ai të ketë shkuar nga Marjani në Kolanec në këmbë, vetëm po ta ketë marrë Valteri me makinë. Ai nuk kishte lidhje me vajzën për të
cilën flitet që të jetë shkaku i vrasjes. Ai kishte vetëm një telefon celular që ia kam blerë unë, edhe numrin e telefonit e ka në emrin tim”, - ka deklaruar ai.