Fshehën 260 mln lekë të reja, prokuroria dërgon për gjykim 4 biznesmenë, mes tyre Rrahim Dedja
TIRANË - Prokuroria e Tiranës ka dërguar për gjykim katër persona në Tiranë. Prokuroria pranë Gjykatës së Shkallës së Parë në Tiranë dërgoi për gjykim administratorin dhe tre ish-aksionerët e “Neku” shpk.. Rrahim Dedja, Adnan Halili dhe Alfred Kurti janë biznesmenët, të cilët dyshohet se kanë fshehur pasurinë e tyre prej 260 milionë lekësh të reja, duke u akuzuar për veprën penale “Fshehje të pasurisë”. Sipas prokurorisë, nga hetimet e kryera mbi veprimtarinë e kompanisë “Neku” shpk., si edhe kalimi i kuotave të kapitaleve të kësaj shoqërie për një shumë totale prej mbi 260 milionë lekë të reja ka rezultuar se nuk ka kryer deklarimet dhe ka shmangur detyrimet ndaj organeve tatimore. Rrahim Dedja është emër
HETIMET
Kompania “Neku” shpk., e cila merret me tregtimin e mineraleve metalike dhe metaleve dhe që ushtron aktivitetin e saj në “Rruga Pazari”, Terminali Bulqizë, i ka fshehur shtetit më shumë se 100 milionë lekë taksa, që duhet të paguheshin në detyrime të drejtpërdrejta ose të tërthorta. Hetimet kanë nisur në vitin 2021 dhe janë drejtuar nga prokurori Bledi Valikaj, i cili ka marrë të pandehur kompaninë dhe shtetasit e mësipërm për fshehje të ardhurash, pasi dyshohet se të dyja palët edhe aksionerët dhe kompania kanë kryer evazion fiskal.
i njohur për drejtësinë, kjo pasi ai është marrë në pyetje si i dyshuar pas vrasjes së Iljaz Çalit në autostradën Tiranë-Durrës, në prill të këtij viti.
NJOFTIMI I PROKURORISË:
Prokuroria pranë Gjykatës së Shkallës së Parë
Tiranë përfundon hetimet dhe dërgon për gjykim për veprën penale të “Fshehjes së të Ardhurave” katër shtetas, administratorin dhe ish-aksionerët e shoqërisë “Neku” shpk.. Prokuroria pranë Gjykatës së Shkallës së Parë Tiranë ka regjistruar procedimin penal nr.8822 të vitit 2021, për veprën penale të “Fshehjes së të ardhurave”, parashikuar nga neni 180 i Kodit Penal. Nga veprimet hetimore paraprake të kryera nga Prokuroria pranë Gjykatës së Shkallës së Parë Tiranë në bashkëpunim me Sektorin e Hetimit Tatimor, në Drejtorinë e Përgjithshme të Tatimeve ka rezultuar e provuar që subjekti “Neku” shpk. me Nipt L01405006G, me administrator shtetasin A.K., si dhe ish-aksionerët e kësaj shoqërie shtetasit Rr.D., A.H. dhe R.L., me aktivitet “Tregtia me shumicë e mineraleve metalike dhe e metaleve”, me adresë ushtrimi të aktivitetit “Rruga
Pazari”, Terminali Bulqizë, kanë konsumuar elementët e figurës së veprës penale të “Fshehjes së të Ardhurave” të parashikuar nga neni 180 të Kodit Penal. Objekt i hetimit janë veprimtaria e subjektit “Neku” shpk., si edhe kalimi i kuotave të kapitaleve të kësaj shoqërie për një shumë totale prej mbi 260 milionë lekë të reja duke mos i deklaruar dhe shmangur detyrimet ndaj organeve tatimore. Për këtë arsye nga prokurori Bledar Valikaj janë marrë të pandehur subjekti ekonomik dhe shtetasit e mësipërm për veprën penale të “Fshehjes së të Ardhurave” të parashikuar nga Neni 180/3 i Kodit Penal dhe çështja është dërguar për gjykim pranë Gjykatës së Shkallës së Parë Tiranë.