I akuzuar për rrëmbimin dhe vrasjen e Jan Prengës, Apeli i GJKKO jep burg përjetë për kopshtarin Festim Bexhdili

Ngjarja në vitin 2020/ U shpall fajtor për rrëmbimin me pasojë vdekjen dhe zhdukjen e kufomës së viktimës

Gjykata e Posaçme e Apelit për Korrupsio nin dhe Krimin e Organizuar ka lënë në fuqi vendimin për Festim Bexhdilin. Ai është shpallur fajtor për rrëmbimin me pasojë vdekjen dhe zhdukjen e kufomës së Jan Prengës, ngjarje kjo e ndodhur në janar të vitit 2020. Sot e kësaj dite nuk është gjetur trupi i viktimës, mësohet se Bexhdili e kishte ankimuar vendimin. “Deklarimin fajtor të të pandehurit Festim Bexhdili për kryerjen e veprës penale ‘Rrëmbimi apo mbajtja peng e personit’ kur është shkaktuar vdekja, e kryer në bashkëpunim ne formën e posaçme të grupit të strukturuar kriminal parashikuar nga neni 109/3 – 28/4 të Kodit Penal dhe në bazë të kësaj dispozite dënimin e tij me burgim të përjetshëm”, - thuhet në njoftimin zyrtar të gjykatës. Festim Bexhdili ishte kopshtar i resortit “Golden” në Pjezës Shijak, nga garazhi i të cilit u transportua trupi i torturuar i Jan Prengës. Sipas dosjes hetimore, Bexhdili kishte rolin e fshirësit të gjurmëve dhe kishte pranuar statusin e të penduarit të Prokurorisë. Mësohet se fillimisht, ai nuk ka pranuar të fliste, por në momentin që para tij janë vënë pamjet filmike, në të cilat ishte edhe vetë vendosi që të rrëfehej. I arrestuari ka pranuar para hetuesve se është i punësuar si kopshtar në “Golden” dhe pasditen e 17 janarit, pronari i kërkoi të nxirrte nga kompleksi trupin e pajetë të një personi. I riu shpjegon se u largua me një furgon të bardhë dhe trupin e pajetë të Prengës ia ka dorëzuar pronarit të tij, Altin Hajrit dhe një pjesëtari të familjes Doçi nga Shkodra. Më pas, ai pretendon se është kthyer në resort pa e varrosur ai trupin. Edhe pse pamjet tregojnë se ai ka dalë me lopatë në duar. Urdhrin për rrëmbimin sipas SPAK e dha Dritan Rexhepi dhe Gentian

Doci Funiqi. Rrëmbimi erdhi, pasi vëllai i Jan Prengës vodhi një kontejner me drogë (260 kg kokainë) në Portin e Portsmuthit në Britaninë e Madhe. Kokaina u vodh nga Astrit Prenga, Gëzim Shullani, Xhuliano nga Shkodra dhe një rumun. Sipas SPAK-ut, Festim Bexhdili e dinte vendin ku kanë groposur trupin e Jan Prengës, por nuk e tregon atë.

NJOFTIMI I APELIT TË GJKKO:

Gjykata e Posaçme e Apelit për Korrupsionin dhe Krimin e Organizuar, me trup gjykues të përbërë nga gjyqtarët Florjan Kalaja (kryesues), Iliriana Olldashi (anëtare) dhe Miliana Muça (anëtare), sot më datë 20.03.2023, përfundoi shqyrtimin e çështjes së regjistruar me nr. 25 akti, datë 07.02.2022 regjistrimi, mbi ankimin e paraqitur nga ankuesi/i pandehuri Festim Bexhdili, kundër vendimit nr. 53, datë 29.09.2022 të Gjykatës së Posaçme të Shkallës së Parë për Korrupsionin dhe Krimin e Organizuar që ka vendosur:

“1. Deklarimin fajtor të të pandehurit F.B., për kryerjen e veprës penale “Rrëmbimi apo mbajtja peng e personit” kur është shkaktuar vdekja, e kryer në bashkëpunim ne formën e posaçme të grupit të strukturuar kriminal parashikuar nga neni 109/3 – 28/4 të Kodit Penal dhe në bazë të kësaj dispozite dënimin e tij me burgim të përjetshëm. Deklarimin fajtor të të pandehurit F.B., për kryerjen e veprës penale “Mbajtja pa lejë dhe prodhimi i armëve, armëve shpërthyese dhe i municionit” e kryer në bashkëpunim ne formën e posaçme të grupit të strukturuar kriminal parashikuar nga neni 278/4 – 28/4 të Kodit Penal dhe në lidhje me nenin 334/1 të K.Penal dënimin e tij me 7 (shtatë) vite burgim. Deklarimin fajtor të të pandehurit F.B., për kryerjen e veprës penale “Fshehja ose asgjësimi i kufomës’ e kryer në bashkëpunim në formën e posaçme të grupit të strukturuar kriminal parashikuar nga neni 303 – 28/4 të Kodit Penal dhe në lidhje me nenin 334/1 të K.Penal dënimin e tij me 8 (tetë) vite burgim. Deklarimin fajtor të të pandehurit F.B., për kryerjen e veprës penale “Grup i strukturuar kriminal”, në formën e pjesëmarrjes, e parashikuar nga neni 333/a paragrafi 2 të Kodit Penal dhe në bazë të kësaj dispozite dënimin e tij me 3 (tri) vite burgim. Në bazë të nenit 55 të K.Penal, mbi caktimin e dënimeve për kryerjen e disa veprave penale, dënimin e të pandehurit F.B. me burgim të përjetshëm. Në bazë të ligjit nr. 81/2020 “Për të drejtat dhe trajtimin e të dënuarve me burgim dhe të paraburgosurve”, nenet 15, 16 pika 1 germa “a” i tij, këtë dënim i pandehuri F.B. ta kryejë në një institucion të sigurisë së lartë. Deklarimin fajtor të të pandehurit O.T., për kryerjen e veprës penale “Veprime që pengojnë zbulimin e së vërtetës” kryer në bashkëpunim, e parashikuar nga neni 301 – 25 i Kodit Penal dhe në bazë të kësaj dispozite dënimin e tij me 3 (tri) vite burgim. Në zbatim të nenit 261/1 shkronja “c” dhe 262/2 të K.Pr.Penale, shuarjen e masës së sigurimit “arrest në shtëpi” e caktuar ndaj të pandehurit O.T. me vendimin nr. 27 dt. 26.01.2021 të Gjykatës së Posaçme të Shkallës së Parë për Korrupsionin dhe Krimin e Organizuar për shkak se kohëzgjatja e paraburgimit është më e madhe se masa e dënimit të caktuar. Në përfundim, Gjykata e Posaçme e Apelit për Korrupsionin dhe Krimin e Organizuar vendosi: lënien në fuqi të vendimit nr. 53, datë 29.09.2022 të Gjykatës së Posaçme të Shkallës së Parë për Korrupsionin dhe Krimin e Organizuar.

ROLI I FESTIM BEXHDILIT

Sipas dosjes hetimore, Festim Bexhdili kishte rolin e fshirësit të gjurmëve. Fillimisht, ai nuk ka pranuar të fliste, por në momentin që para tij janë vënë pamjet filmike, në të cilat ishte edhe vetë vendosi që të rrëfehej. I arrestuari ka pranuar para hetuesve se është i punësuar si kopshtar në “Golden” dhe pasditen e 17 janarit, pronari i kërkoi të nxirrte nga kompleksi trupin e pajetë të një personi. Ai shpjegon se u largua me një furgon të bardhë dhe trupin e pajetë të Prengës ia ka dorëzuar pronarit të tij, Altin Hajrit dhe një pjesëtari të familjes Doçi nga Shkodra. Më pas, ai pretendon se është kthyer në resort pa e varrosur ai trupin. Edhe pse pamjet tregojnë se ai ka dalë me lopatë në duar.

RRËMBIMI I JAN PRENGËS

Jan Prenga u rrëmbye mesditën e 17 janarit të vitit 2020 në Kamëz. Më pas ai u nxor i papajetë nga një “Range Rover” nga personat që e morën peng brenda garazhit të kompleksit luksoz “Golden Resort”, me vendndodhje në fshatin Pjesëz në Shijak. Urdhrin për rrëmbim sipas SPAKut e dha Dritan Rexhepi dhe Gentian Doci Funiqi. Rrëmbimi erdhi, pasi vëllai i Jan Prengës vodhi një kontejner me drogë (260 kg kokainë) në Portin e Portsmuthit në Britaninë e Madhe. Kokaina u vodh nga Astrit Prenga, Gëzim Shullani, Xhuliano nga Shkodra dhe një rumun. Sipas SPAK-ut, Festim Bexhdili e dinte vendin ku kanë groposur trupin e Jan Prengës, por nuk e tregon atë.