Juristi për “Prestige”: Shkelje kushtetuese, nuk konfiskohet prona e qytetarit me VKM
“Nuk ka asnjë bazë ligjore”
Lirisë, Petrit Vasili, përmes një postimi në rrjetet sociale ka deklaruar se kryeministri Rama ka shpërdoruar detyrën, duke shkelur haptazi ligjin për funksionimin e Këshillit të Ministrave. Sipas tij, Rama nuk u ka kërkuar ministrave të tij përgjegjës shpjegime apo relatime e verifikime për aferën e inceneratorëve, por ka vënë firmën me ndërgjegje të plotë, duke iu kundërvënë ligjit. “Edhe pse shkeljet janë konstatuar nga ministrat e tij, Rama nuk e ka pezulluar zbatimin e akteve korruptive, por përkundrazi, i ka miratuar ato së bashku me sekretarin e tij të përgjithshëm”, - shkroi Vasili.
POSTIMI I PLOTË:
“Edi Rama ka shpërdoruar detyrën dhe shkelur haptas Ligjin për funksionimin e Këshillit të Ministrave. Edi Rama ka shpërdoruar hapur dhe me qëllim detyrën dhe nga kjo nuk shpëton dot! SPAK-u ja ku e ka ligjin dhe shpërdorimi i detyrës nga Edi Rama për inceneratorët është sa një mal. ‘LIGJ nr. 9000, datë 30.1.2003 PËR ORGANIZIMIN DHE FUNKSIONIMIN E KËSHILLIT TË MINISTRAVE’ flet qartë: Neni 2
Kryeministri 1. Kryeministri, përveç kompetencave të parashikuara në Kushtetutë dhe në ligje të veçanta, ushtron edhe këto kompetenca:
a) Përfaqëson dhe drejton Kryeministrinë.
b) U kërkon ministrave përgjegjës shpjegime, relatime dhe verifikime administrative, për çështje të fushës që ata mbulojnë.
c) Pezullon zbatimin e akteve të ministrave, të drejtuesve të institucioneve qendrore, në varësi të tij ose të ministrave, me nismën e vet ose me kërkesë të subjekteve të interesuara, kur konstaton shkelje të Kushtetutës, të ligjeve, ose të akteve të Këshillit të Ministrave.
Edi Rama as iu ka kërkuar fare ministrave përgjegjës shpjegime, relatime dhe verifikime administrative për aferën e inceneratorëve, por ka vënë firmën me ndërgjegje të plotë. Megjithëse shkeljet janë konstatuar edhe nga vetë ministrat e tij, Edi Rama nuk ka pezulluar zbatimin e akteve korruptive të ministrave që ishin në shkelje të ligjit dhe Kushtetutës, por përkundrazi, i ka miratuar ato së bashku me sekretarin e përgjithshëm të tij. Ndaj, SPAK kot i fshihet marrjes se Edi Ramës në përgjegjësi penale për ‘Shpërdorim Detyre’ për aferën e inceneratorëve. Edi Rama nuk shpëton dot dhe do të përgjigjet në mos sot, nesër, por së bashku me të, do të përgjigjet edhe SPAK-u vetë”.
Avokati dhe juristi Gentian Trenova ka komentuar konfiskimin e “Prestige Resort” ditën e djeshme. Trenova tha në emisionin “Task Force” në “Syri TV” se nuk konfiskohet prona e qytetarit me vendime qeverie, por vetëm me një vendim të gjykatës. “Fjala konfiskim në kuptimin ligjor duhet të përmbajë një vendim gjykate të formës së prerë dhe behët me forcën e përmbarimit. Konfiskimi ndodh kur kemi një vendim të dënimit penal për kryerjen e një krimi, ose kur pasuria që ka personi nuk justifikohet dhe ligji thotë se kjo pasuri kalon në favor të shtetit me vendim konfiskimi. Ky është proceduar dhe koncepti i konfiskimit. Sot qeveria paska policia shkuar në ‘Prestige Resort’ se ka një vendim qeverie, ku ajo vendim qeverie është goditur me një padi në gjykatë dhe nuk ka asnjë bazë ligjore dhe është antikushtetues. Këtu jemi në pjesën e konceptit të konfiskimit, por një vendim qeverie të konfiskojë pasurinë e një individi është gati e pamundur dhe nuk ndodh”, - tha Trenova.