Shisnin kokainë, heroinë e kanabis në shkollat dhe lokalet e Tiranës, policia shpartallon 2 grupe kriminale

Megaoperacioni i koduar “Harta”, arrestohen 20 persona dhe shpallen në kërkim 4 të tjerë Ja pikat e shpërndarjes së drogës të “korrierëve” nëpër kryeqytet, nuk përjashtohej as Vora

Një megaoperacion antidrogë i policisë së Tiranës është finalizuar me goditjen e dy grupeve kriminale, që shpërndanin lëndë narkotike në gjimnazet dhe klubet e natës së kryeqytetit. Mësohet se gjatë këtij megaoperacioni të koduar “Harta” kanë përfunduar në pranga 20 persona, ndërsa janë shpallur në kërkim dhe 4 të tjerë. Disa nga personat e arrestuar janë identifikuar me emra, ndërsa të tjerët vetëm me iniciale. Bëhet fjalë për shtetasit Fabian Qoku, Redi Lolaj, Eduard Hysa, Dorjano Çela, Enver Mehmeti, Fatbardh Bardhi, Martin Kuka, Marsel Gjona, Mariglen Hoxha, Muharrem Tarushi, Polikron Shabani, Erion Xhaxho, Altin Llani, Jurgen Hasamataj, D.I., A.XH., M.V., F.P., E.K. dhe J.H.. Mësohet se personat e arrestuar komunikonin me mesazhe të koduara dhe përdornin automjete të transportit publik për të shmangur kontrollet e befasishme të policisë, por disa të tjerë e mbanin drogën e fshehur në mjetet e tyre. Gjatë operacionit u sekuestruan në cilësinë e provës materiale 2 kg e 120 gr kokainë, 300 doza kanabis, 130 doza heroinë, shuma parash rreth 5 milionë lekë të vjetra, 1700 euro, 11 automjete dhe 29 aparate celulare. Ndërkohë, Prokuroria e Tiranës ka bërë me dije se për realizimin e operacionit në fjalë janë përdorur metoda speciale të

HETIMET

“Në përfundim të hetimeve disamujore me metoda speciale hetimi, u arrit të vërtetohej veprimtaria kriminale e dy grupeve që përbëheshin nga 24 persona për të cilët u kërkua masa e sigurisë ‘Arrest në burg’. Nga hetimet e nisura në muajin janar të këtij viti rezulton se të gjithë të akuzuarit në bashkëpunim me njëritjetrin vepronin të ndarë në disa grupe dhe shpërndanin lëndë narkotike në zonën e Tiranës dhe të Kamzës, kryesisht te të rinjtë. Shpërndarja kryhej në lokalet e natës, në ambientet më të frekuentuara nga të rinjtë dhe pranë një gjimnazi në Tiranë”. hetimit që ka zgjatur prej muajsh. Policia ka publikuar edhe hartën e zonave ku vepronte secili prej 24 personave, ku mes tyre vihet re se janë të përfshira edhe 3 femra. Njëri prej grupeve e kishte bazën e veprimtarisë kriminale në Yzberisht, ndërsa tjetri në zona të tjera të Tiranës. Grupet kriminale funksiononin pa një strukturë drejtuese, duke përdorur mesazhe të koduara me njëri-tjetrin. Ndërsa për shitjen e lëndës narkotike ata, organizoheshin nëpër automjete të transportit publik me qëllim që të mos binin në kontrollet e policisë. Kokaina dhe heroina, shiteshin në lokalet e natës, ndërsa kanabisi shitej pranë shkollave, kryesisht pranë gjimnazeve ku klientë kryesorë ishin nxënësit. Ndërkaq, drejtori i Drejtorisë Vendore të Policisë Tiranë, Tonin Vocaj në konferencën e dhënë për shtyp ka reaguar në lidhje me finalizimin me sukses pas një hetimi tremujor të operacionit policor të koduar “Harta”. Gjatë 3 muajve të parë të këtij viti janë finalizuar 5 procedime proaktive në bashkëpunim me Prokurorinë, janë mbi 6 kg kokainë e heroinë dhe rreth 80 kg kanabis, si dhe janë vënë në pranga mbi 20 persona.

DEKLARATA E POLICISË:

Jam sot këtu së bashku me Zëvendësdrejtorin për Hetimin e Krimeve të Rënda dhe Krimit të Organizuar,

Zëvendësdrejtorin për Rendin dhe Sigurinë dhe shefin e Sektorit të Krimit të Organizuar, për të bërë prezente rezultatet e megaoperacionit të koduar “Harta”, në kuadër të të cilit u goditën dy grupe që shpërndanin lëndë narkotike kanabis, heroinë e kokainë në zona të ndryshme të Tiranës, në lokale nate si dhe afër shkollave. Drejtoria Vendore e Policisë Tiranë, në vijim të operacioneve të njëpasnjëshme të zhvilluara për parandalimin, evidentimin dhe goditjen e veprimtarisë kriminale në fushën e narkotikëve, bazuar në inteligjencën informative për dy grupe personash që vepronin në formën e grupeve kriminale duke e ushtruar veprimtarinë kriminale në fushën e narkotikëve, në muajin janar kanë referuar materialet në Prokurori e cila ka regjistruar dy procedime penale në fushën e narkotikëve. Pas një hetimi tremujor, me metoda speciale të hetimit nga Specialistët për Hetimin e Narkotikëve në Drejtorinë Vendore të Policisë Tiranë nën drejtimin e Prokurorisë Tiranë, u siguruan prova ligjore për dokumentimin e veprimtarisë kriminale të dy grupeve që përbëheshin nga 24 persona. Mbi bazën e provave të siguruara gjatë hetimit, u organizua dhe finalizua operacioni policor i koduar “Harta”, në kuadër të të cilit u kapën dhe u vunë në pranga 20 persona si dhe u shpallën në kërkim 4 të tjerë. Gjatë operacionit u arrestuan shtetasit: F.Q,. 39 vjeç, D.I., 23 vjeç R.L., 22 vjeç, E.H., 25 vjeç, D.Ç. 31 vjeç, E.M., 60 vjeç, F.B., 37 vjeç, M.K., 35 vjeç, M.Gj., 31 vjeç, M.H., 39 vjeç, M.T., 31 vjeç, P.Sh., 40 vjeç, E.Xh., 47 vjeç, A.Ll., 45 vjeç, A.Xh., 51 vjeç, I.L., 26 vjeç, M.V., 44 vjeç, F.P., 25 vjeç, E.K., 35 vjeç, J.H., 32 vjeç. Gjithashtu u shpallën në kërkim 4 shtetas të tjerë. Gjatë operacionit u sekuestruan në cilësinë e provës materiale 2 kilogramë e 120 gramë kokainë, 300 doza kanabis, 130 doza heroinë, shuma parash rreth 5 milionë lekë të vjetra, 1700 euro, 11 automjete dhe 29 aparate celulare. Nga hetimet ka rezultuar se këta shtetas në bashkëpunim me njëritjetrin vepronin të ndarë në grupe të vogla dhe shpërndanin lëndë narkotike në zona të ndryshme të Tiranës dhe Kamzës, afër shkollave, lokaleve të natës e ambienteve të tjera të frekuentuara nga të rinjtë. Po nga hetimet rezulton se pjesëtarët e këtyre grupeve kriminale përdornin mesazhe të koduara dhe kryesisht qarkullonin me automjete të transportit publik për të shmangur kontrollet e befasishme të Policisë. Specialistët për Hetimin e Narkotikëve në DVP Tiranë në bashkëpunim me Prokurorinë e Rrethit Gjyqësor Tiranë vijojnë veprimet hetimore për dokumentimin e plotë të kësaj veprimtarie kriminale dhe për identifikimin e vënien para përgjegjësisë ligjore të personave të tjerë të përfshirë. Theksojmë faktin se gjatë 3 muajve të parë të këtij viti janë finalizuar 5 procedime proaktive në bashkëpunim me Prokurorinë, janë mbi 6 kilogramë kokainë e heroinë dhe rreth 80 kilogramë kanabis, si dhe janë vënë në pranga mbi 20 persona. Rezultatet e arritura tregojnë angazhimin, përkushtimin dhe vendosmërinë e strukturave të Hetimit të Narkotikëve në DVP Tiranë për të goditur këtë veprimtari kriminale. Drejtoria Vendore e Policisë Tiranë falënderon qytetarët për informacionet e shumta të dhëna për këtë veprimtari kriminale të cilat kanë qenë të rëndësishme për nisjen e hetimeve dhe fton qytetarët që të vazhdojnë të japin akoma më shumë bashkëpunimin me Policinë duke denoncuar çdo rast paligjshmërie në cilëndo fushë që ajo shfaqet, pasi së bashku ndërtojmë një ambient më të sigurt.