Nën akuzë për vrasje të mbetur në tentativë dhe armëmbajtje pa leje, GJKKO sekuestron pasuritë e Gëzim Cafit
”Princi i Liqenit” i kalon shtetit. Nën sekuestro dhe 900 m2 truall
Prokuroria e Posaçme Kundër Korrupsionit dhe Krimit të Organizuar, bëri dje me dije konfiskimin e pasurive të Gëzim Cafit, akuzuar për “Vrasje të mbetur në tentativë”. Me kërkesë të SPAK, GJKKO vendosi sekuestrimin e një trualli me sipërfaqe 900 m2, e cila ndodhet në Shkodër, në emër të personit të lidhur me Cafin, Violeta Cafi.
Gjithashtu, u sekuestrua edhe objekti tre katësh, me një sipërfaqe ndërtimi në total 900 m2, me destinacion Bar -Restorant – Hotel, i cili ndodhet në Shkodër, në emër të Violeta Cafit. Subjekti “Prince of Lake”, është ndërtuar në majën e një shkëmbi buzë liqenit të Shkodrës. Tashmë “Princi i Liqenit” të Shkodrës i kalon shtetit. Gëzim Cafi u deklarua fajtor në vitin 2005 nga Gjykata e Apelit të Krimeve të Rënda, për kryerjen e veprës penale “Vrasje me paramendim”, e kryer në bashkëpunim, e mbetur në tentativë dhe “Mbajtje pa leje e armëve dhe municioneve luftarake”. Pasuria e Gëzim Cafit u hetua gjatë operacionit ‘Forca e ligjit’ ku u vendos fillimisht në sekuestro ndërsa tashmë me kërkesë të prokurorisë gjykata ka miratuar konfiskimin e tyre.
NJOFTIMI I SPAK
Krahas ushtrimit të ndjekjes penale, Prokuroria e Posaçme kundër Korrupsionit dhe Krimit të Organizuar, është kujdesur që në fokus të saj të jetë edhe identifikimi, sekuestrimi, dhe konfiskimi i pasurive, që dyshohet se rrjedhin nga krimi.
Në zbatim të Aktit Normativ Nr.1, datë 31.01.2020 “Për masat parandaluese në kuadër të luftës kundër terrorizimit, krimit të organizuar, krimeve të rënda dhe konsolidimit të rendit e sigurisë publike”, Prokuroria e Posaçme, i është drejtuar Gjykatës së Posaçme të Shkallës së Parë për Korrupsionin dhe Krimin e Organizuar, me kërkesën për konfiskimin e pasurive të subjektit Gëzim Cafi, i deklaruar fajtor, me vendimin nr. 44, datë 26.09.2005, të Gjykatës së Apelit të Krimeve të Rënda, për kryerjen e veprës penale “Vrasje me paramendim”, e kryer në bashkëpunim, e mbetur në tentativë, “Mbajtje pa leje e armëve dhe municioneve luftarake”, parashikuar nga nenet 78, 22, 25 dhe 278/ 2, të Kodit Penal, dhe personave të lidhur.
Me kërkesë të Prokurorisë
AKUZAT NDAJ GËZIM CAFIT
Gëzim Cafi u deklarua fajtor në vitin 2005 nga Gjykata e Apelit të Krimeve të Rënda, për kryerjen e veprës penale “Vrasje me paramendim”, e kryer në bashkëpunim, e mbetur në tentativë dhe “Mbajtje pa leje e armëve dhe municioneve luftarake”. Pasuria e Gëzim Cafit u hetua gjatë operacionit ‘Forca e ligjit’ ku u vendos fillimisht në sekuestro ndërsa tashmë me kërkesë të prokurorisë gjykata ka miratuar konfiskimin e tyre.
së Posaçme, Gjykata e Posaçme e Shkallës së Parë Për Korrupsionin dhe Krimin e Organizuar, me vendimin nr.9, datë 22.06.2023, ndër të tjera, ka vendosur konfiskimin e pasurive të paluajtshme, Pasuria e llojit truall, me sipërfaqe 900 m2, e cila ndodhet në Shkodër, në emër të personit të lidhur me subjektin/shtetases Violeta Cafi; Objekti tre katësh, me një sipërfaqe ndërtimi në total 900 m2, me destinacion bar -restorant – hotel, i cili ndodhet në Shkodër, në emër të personit të lidhur me subjektin/shtetases Violeta Cafi.