Ishte në kërkim nga SPAK/ RENEA arreston Shkëlzen Xhenjen, krahu i djathtë i Eljon Hatos
32-vjeçari person me rrezikshmëri të lartë. Akuzohet për pjesëmarrje në grup të strukturuar kriminal
Forcat speciale RENEA kanë vënë në pranga 32-vjeçarin, Shkëlzen Xhenje, një nga emrat e shumë kërkuar të botës së krimit. Ai ishte një ndër personat e shpallur në kërkim në kuadër të operacionit të koduar “Metamorfoza”. Policia e cilëson të riun person me rrezikshmëri shumë të lartë shoqërore, ndaj për prangosjen e tij në banesën ku fshihej, në fshatin Kuç të Shkodrës, krah forcave të policisë së Shkodrës shkuan dhe forcat speciale nga Tirana. Ndërkohë, SPAK e akuzon Shkëlzen Xhenjen për pjesëmarrje në grup të strukturuar kriminal. Sipas SPAK, ai konsiderohet si krahu i djathtë i Eljon Hatos dhe Ervis Martinajt. Ndërkohë, sipas Policisë, 32-vjeçari rezulton i përfshirë në veprimtari kriminale pasi në vitin 2021 ka qëlluar me armë zjarri ndaj dy personave në Shkodër. Po ashtu ai ka futur sende të palejuar në burgun e Shënkollit në Lezhë. Në janar të këtij viti, rreth 50 forca të policisë së Shkodrës, FNSH, por edhe një grup i RENEA zhvilluan një kontroll të befasishëm në fshatin Grudë të Shkodrës për arrestimin e Eljon Hatos, i shpallur në kërkim si i dyshuar në dosjen “Metamorfoza”. Ky aksion masiv nuk u finalizua sipas objektivit, ndërsa vijojnë kontrollet për lokalizimin dhe kapjen e mikut të Ervis Martinajt.
NJOFTIMI I POLICISË
Aksione intensive gjurmuese, për të lokalizuar dhe nxjerrë përpara përgjegjësisë penale, të kërkuarit për ngjarje kriminale të mëparshme. Finalizohet operacioni policor i koduar “Historiku”. Reparti Special “RENEA”, në bashkëpunim me Policinë e Shkodrës, lokalizojnë, kapin dhe arrestojnë një shtetas me rrezikshmëri shumë të lartë shoqërore.
32-vjeçari i ndaluar, me precedent tejet të theksuar kriminal, i kërkuar në kuadër të operacionit “Metamorfoza”; qëlloi me armë zjarri 2 shtetas, në Shkodër, në vitin 2021; futi sende të kundërligjshme në IEVP Shënkoll.
Falë hartimit të detajuar të veprimeve operacionale, konspiracionit të plotë, koordinimit të shërbimeve dhe punës intensive të inteligjencës policore, shërbimet e Drejtorisë Vendore të Policisë Shkodër, të mbështetura nga ato të Repartit Special “RENEA”, organizuan dhe finalizuan operacionin policor i koduar “Historiku”. Operacioni rezultoi me lokalizimin në banesën ku fshihej, në fshatin Kuç, kapjen dhe neutralizimin e shtetasit të shpallur në kërkim Sh. Xh., 32 vjeç.
32-vjeçari, shtetas me rrezikshmëri shumë të lartë shoqërore, për shkak të akuzave/dënimeve për një shumëllojshmëri veprash penale. Konkretisht, i akuzuar nga SPAK-u, në kuadër të operacionit “Metamorfoza”, për pjesëmarrje në grup të strukturuar kriminal, i shpallur në kërkim nga Policia e Shkodrës, pasi në vitin 2021, në bashkëpunim me 2 shtetas të tjerë, qëlloi me armë zjarri, shtetasit T. P. dhe K. M., si dhe i dënuar me 2 vjet burgim, nga Gjykata e
ATENTATI NDAJ TAULANT PEPËS
32-vjeçari ishte shpallur në kërkim, pasi akuzohet se është një nga autorët e atentatit të mbetur në tentativë ndaj Taulant Pepës dhe K. M., 46 vjeç të ndodhur më 22 shkurt të vitit 2021. Këta të dy kanë qenë në makinë që drejtohej nga Pepa kur në lagjen “Skënderbeg” të Shkodrës, në afërsi të një pike karburanti kur kanë qëlluar me armë zjarri pistoletë drejt tyre. Për këtë ngjarje u shpall në kërkim Eljon (Esmeraldo) Hato, 31 vjeç, Sehar Xhenja, 24 vjeç dhe Shkëlzen Xhenja, 29-vjeç.
Lezhës, për veprën penale “Futja ose mbajtja e sendeve të ndaluara në institucionin e ekzekutimit të vendimeve me burgim”. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.
KUSH ËSHTË SHKËLZEN XHENJE
Ai dyshohet si njëri prej autorëve të vendosjes së një sasie tritoli ndaj 34-vjeçarit Bledar Çekorja, më 28 janar 2014, në Shkodër. Për këtë ngjarje, Shkëlzen Xhenje qëndroi në burg për 4 vite e 8 muaj. Në shkurt të vitit 2017, Xhenje u arrestua për plagosjen e Flutura Muçës, ndërsa në atë kohë ai mohoi të kishte lidhje me këtë ngjarje. Po ashtu ai u dyshua si një nga autorët e sulmit ndaj Taulant Pepës në vitin 2021 si dhe një 46-vjeçari. Këta të dy kanë qenë në makinë që drejtohej nga Pepa kur në lagjen “Skënderbeg” të Shkodrës, në afërsi të një pike karburanti kur kanë qëlluar me armë zjarri pistoletë drejt tyre. Për këtë ngjarje u shpall në kërkim Eljon (Esmeraldo) Hato, 31 vjeç, Sehar Xhenja, 24 vjeç dhe Shkelzen Xhenja, 29-vjeç. Gjithashtu, Xhenje dyshohet si i përfshirë në vrasjen e Ismet Çekorjas më 2 shtator të vitit 2022 pak metra larg banesës së tij në lagjen “Guerrile”, por për këtë nuk ka prova. Ndërkohë, 17 ditë pas vrasjes së Ismet Çekorjas u ekzekutua kushëriri i Shkëlzen Xhenjes, 19-vjeçari Erjon Xhenje. Autori i dyshuar i ngjarjes është djali i Ismet Çekorjas, 24-vjeçari Bajram Çekorja, ky i fundit është shpallur në kërkim edhe si autor i dyshuar i atentati të dyshuar ndaj Alban Bruçit të ndodhur në 25 gusht 2022. Ashtu sikurse babai, edhe e ëma e 19-vjeçarit deklaruan se vrasja kishte ndodhur për shkak të djemve të kunatit, kushërinjtë e Erjon Xhenjes, me precedentë të shumtë penalë.