Përse emëruat një drejtor pa certifikatë sigurie? Rrumbullaku: Unë për këtë jap llogari në dy institucione
TIRANË - Drejtori i Poli cisë së Shtetit, Muhamet Rrumbullaku u pyet dje nga gazetarët në lidhje me Ervin Muçën, drejtorin e IT, i cili është në arrest shtëpia për ndërhyrjen në sistemin TIMS. Rrumbullaku tha se duhet ta njihni mirë ligjin për pajisjen me certifikatë sigurie, por theksoi se ai jap llogari në dy institucione, drejtësi dhe komisionin hetimor parlamentar. Pyetje: Pse emëruat në krye të drejtorisë së Teknologjisë së Informacionit një person pa certifikatë siguri dhe në kohën kur plasi skandali i TIMS dhe pse e rikthyet në detyrë pasi kishte pak ditë pasi i kishit pezulluar?
Rrumbullaku: Për ju dhe për publikun e gjerë, para se të adresoni pyetjen duhet të dini shumë mirë legjislacionin shqiptar në lidhje me informacionin e klasifikuar sekret shtetëror dhe procedura dhe aktet normative që normojnë punën për procedurat që ndiqen për pajisjen me certifikatë sigurie për të gjithë drejtuesve policore. Unë për këtë jap llogari në dy institucione, drejtësisë dhe komisionin hetimor parlamentar. Ndërsa i pyetur për vështirësitë e hetimeve të SPAK për krimin e organizuar, drejtori i Policisë tha se mes dy institucioneve ka një bashkëpunim shumë të mirë.
Pyetje: Pak ditë më parë SPAK ka hasur vështirësi në hetimin e krimit të organizuar pasi ka funksionarë të lartë të shtetit të implikuar, ju ka vënë në dijen Dumani për këtë?
Rrumbullaku: Policia dhe SPAK kanë marrëdhëniet me të mira të besueshmërisë reciproke për hetimin e të gjitha problematikave që lidhjen me krimin e organizuar. Prokurori kontrollon hetimin dhe e delegon atë.