Java globale e parasë dhe BSH
Java Globale e Parasë është një aktivitet mbarëbotëror i parasë. Ajo ka në fokus ndërgjegjësimin e të rinjve që nga moshat më të hershme, që të marrin dijet, aftësitë dhe sjelljet e nevojshme, për të marrë vendime të zgjuara financiare për të arritur mirëqenie dhe qëndrueshmëri financiare në jetën e tyre. Banka e Shqipërisë është aktive dhe punon me profesionalizëm dhe përkushtim për rritjen e kulturës financiare dhe bankare të popullsisë. Ka përgatitur dhe po zbaton një strategji për Edukimin Financiar dhe Përfshirjen Financiare. Vetë edukimi financiar synon rritjen e përfshirjes financiare, që do të thotë rritjen e punës, e pjesëmarrjes me financat dhe me bankat. Edhe pse banka jonë qendrore ka objektiv ligjor kryesor mbajtjen nën kontroll të çmimeve dhe inflacionit, si dhe stabilitetin financiar, që do të thotë sigurinë e depozitave të qytetarëve shqiptarë, ajo mbart ndër objektivat e veta strategjikë edhe rritjen e edukimit dhe të përfshirjes financiare. Ka koordinuar dhe harmonizuar punën me disa institucione, si Ministria e Financave, Ministria e Arsimit, Agjencia e Sigurimit të Depozitave, Shoqata e Bankave të Shqipërisë, etj. Po punon që puna informuese dhe njohëse e parasë dhe ligjësive të sistemit financiar, të fillojë që në moshë të vogël. Po bashkëpunon për kurrikulat në shkollën nëntëvjeçare, duke vijuar me ato në shkollat e mesme dhe të larta. Edukimi financiar është një informacion që fillon në mënyrë bazike, me fëmijët, se çfarë është paraja, çfarë është kredija, çfarë janë kursimet, si duhen menaxhuar kursimet, si duhet punuar me bankat, etj. Banka jonë qendrore po përpiqet të shpjegojë se si duhet të jetë një buxhet familjar, pasi çdo njeri në stadet e ndryshme të jetës, që kur është fëmijë e derisa rritet, e ka të nevojshme të ketë