Duma: Veliaj shkeli ligjin, nuk emëroi administratorin e landfillit
Partia Demokratike ka vijuar dje akuzat ndaj kryebashkiakut të Tiranës, Erion Veliaj, duke e bërë përgjegjës direkt për vdekjen e 17- vjeçarit, Ardit Gjoklaj, në landfillin e Sharrës. Sekretarja e Marrëdhënieve me Publikun në PD, Grida Duma, e quajti si krim dhe skemë të pastër korrupsioni dhënien me koncesion të landfillit të Sharrës. “Krimi në landfillin e Erion Veliajt e ka origjinën në një skemë të pastër korrupsioni e paligjshmërie. E gjitha nisi në maj të këtij viti, kur Veliaj kaloi në Këshillin Bashkiak ndërmarrjen ‘ Eco-Tirana’. Pa garë, pa konkurrencë, ai i dha një kompanie italiane 49 për qind të aksioneve, ndërkohë që vetë mbajti 51 për qind të saj. E bëri firmën italiane pronare të mbetjeve të Tiranës dhe i dha asaj ekskluzivitetin e tregtimit, riciklimit dhe përfitimit prej kësaj industrie. Dhe, për më tepër, Erion Veliaj vendosi t’i dhurojë edhe 2.5 milionë euro vetëm vitin e parë. Shumë që, sipas planit të miratuar, do të rritet nga viti në vit. Të gjitha këto janë një grumbull me shkelje të Erion Veliajt. Por më e rënda është se ende sot që flasim, edhe pse firma e tij ka nisur punimet, nuk re-
zultontratorlin, pra përgjegjëszyrtarisht personi një për që adminis- landfil-është përgjegjës për sigurinë dhe respektimin e Kodit të Punës”, u shpreh Duma. Ajo ka publikuar dhe ekstraktin e QKR- së, në të cilën, sipas Dumës, mungon emri i administratorit ekzekutiv. “Këto fakte e nxjerrin direkt përgjegjës Erion Veliajn për paligjshmërinë e landfillit, për atë aferë krimi e korrupsioni që mori jetën e Arditit. Këto fakte e nxjerrin direkt përgjegjës Erion Veliajn për shfrytëzimin e të miturve e mosrespektimin e normave të sigurisë dhe Kodit të Punës”, tha dje Duma.