Asani zë vendin e Manajt, shpresat gati për të sfiduar Greqinë
Federata Shqiptare e Futbollit ka publikuar listën e të grumbulluarve në Kombëtaren U- 21 për ndeshjen e radhës kualifikuese. Në faqen zyrtare të institucionit të futbollit në vendin tonë është zbardhur lista me futbollistët që trajneri Redi Jupi do të ketë në dispozicion. Për këtë sfidë, trajneri i Kombëtares Shpresa ka disa elementë të rinj, të cilët janë afruar me shumë bujë në Kombëtare. Shqipëria do të përballet më 2 shtator me Greqinë. Në ndeshjen që do të zhvillohet në Athinë më 2 shtator, kuqezinjtë do të provojnë që të marrin një rezultat pozitiv për të ruajtur vendin e dytë në grup. Ata aktualisht kanë zhvilluar më shumë takime se kundërshtarët e tyre, ndaj një fitore e mundshme në këtë transfertë do të bënte realitet një ëndërr të madhe për të siguruar kualifikimin. Grupi aktual i futbollistëve është shumë cilësor dhe për këtë ekip nuk mund të ketë më takime në të cilat nuk ka objektiva. Çekiçi, Grezda, Bare, Laçi e Asani janë një grup futbollistësh me shumë të ardhme dhe shumë të talen- tuar. Janë lojtarë me shumë potencë, të cilët meritojnë trajtimin e duhur në mënyrë që të vihen si duhet në shërbim të skuadrës.
- Jasir Asani është një nga emrat e afruar rishtas në këtë grumbullim. Ai është bërë pjesë e kuqezinjve në një grumbullim të mëparshëm në turne miqësor, ndërkohë që ndeshja me Greqinë do të jetë e para zyrtare për të me
Risia
fanellën kuqezi. Asani është shprehur shumë entuziast në rrjetet sociale në momentin që i është pranuar kërkesa për të marrë pasaportën shqiptare dhe diçka të tillë e ka demonstruar haptazi në profilin e tij në rrjetin social "Facebook". Sulmuesi i Vardarit ka refuzuar Maqedoninë për t'u bërë pjesë e kuqezinjve dhe pritet të zëvendësojë Rei Manajn në ekipin Shpresa.