Qeveria, gati kësti i tetë i dëmshpërblimit për 2400 ish të përndjekur
Shtino: Janë 140 milionë lekë që do të ndahen për kategorinë parësore
Ky vit pritet të përmbyllë procesin e dëmshpërblimit për të gjithë ata të dënuar që jetojnë.
Sipas drejtoreshës së Politikave për ish- të përndjekurit në Ministrinë e Mirëqenies Sociale, Ermira Shtino, paralelisht me ndarjen e këstit të shtatë do të nisë edhe kësti i tetë për kategorinë parësore. “Jemi në rrugën e drejtë për të bërë të mundur lëvrimin brenda këtij viti edhe të këstit të tetë”, tha Shtino gjatë një interviste dhënë për “Top Channel”. Një gjë e tillë më herët është pohuar edhe ministri Blendi Klosi, sipas të cilit rreth 2400 të dënuar që jetojnë do të kenë mundësi që të tërheqin dëmshpërblimin e plotë brenda këtij mandati qeverisës.
FONDI Këtë vit, ashtu si edhe vitin e kaluar, janë vënë në dispozicion nga buxheti i shtetit 2 miliardë lekë. Me ndryshimet e bëra në ligj, 70% e fondit do të përdoret për ata që jetojnë, ndërsa pjesa tjetër për trashëgimtarët. Pak ditë më parë, Ministria e Financave bëri publike edhe listën me emrat e 1570 të dënuarve, të cilët duhet të paraqiteshin pranë sektorit të pagave dhe dëmshpërblimeve për të depozituar certifikatë personale dhe numër llogarie. Drejtore- sha e Politikave për ish- të përndjekurit në Ministrinë e Mirëqenies Sociale, Ermira Shtino, bëri me dije se shumë shpejt për këto familje do të nisë edhe disbursimi i parave në bankë. “Fondi për kategorinë parësore këtë vit ësh- të 140 milionë lekë. Në ditët në vijim do të bëhet disbursimi i parave në llogaritë e tyre bankare mbi bazën e rendit të miratuar, ku të parat që do të dëmshpërblehen janë gratë e dënuara, për të vijuar me ishtë dënuar që nuk jetojnë më, por kanë fëmijë të mitur, ishtë dënuarit me sëmundje, ata mbi 75 vjeç dhe më pas të tjerët nën 75 vjeç”, saktësoi Shtino. TRASHËGIMTARËT Për të dënuarit që jetojnë procesi ka ecur me ritme të shpejta, por nuk mund të thuhet e njëjta gjë për trashëgimtarët. Vitin e kaluar për këtë kategori nuk u nda asnjë pagesë. Fondi 6 milionë dollarë mbeti i paprekur dhe vonesat e krijuara u përligjen me argumentin e pamjaf- tueshmërisë së fondit. Por, nga ana tjetër, një tjetër problem i pranuara në heshtje nga zyrtarë të dy ministrive mbeten edhe mangësitë që rezultojnë në këto dosje, të cilat kanë zvarritur në kohë procesin.