VRASJA E TOROS
Një sherr mes tre të rinjve në Vlorë përfundoi me vrasjen e njërit prej tyre. Ngjarja ndodhi në lagjen "Partizani" pranë rrugës së spitalit, ku dy vëllezërit Klevis dhe Novruz Merkaj vranë me thikë 22vjeçarin Armando Rrapaj.
Sipas dëshmitarëve, tre të rinjtë kanë qenë në shoqërinë e njëri- tjetrit para se të ndodhte krimi, por papritmas ka nisur debati mes tyre dhe për rrjedhojë njëri prej vëllezërve ka nxjerrë një thikë duke e qëlluar të riun. Sipas dëshmive të mbledhura nga vendi i ngjarjes, kanë qenë vetë banorët që e transportuan të plagosurin në spital me makina private. Burime nga spitali bënë të ditur se 22vjeçari Armando Rrapaj kishte mbërritur i gjallë, por ai kishte marrë goditje në zemër me thikë, që i ka prekur arterien kryesore e për pasojë pas 15 minutash në sallë të operimit humbi jetën.
Policia e sinjalizuar për ngjarjen mbërriti në vendngjarje dhe arrestoi brenda një kohe të shkurtër 27- vjeçarin Klevis Merkaj, ndërsa disa orë më pas arriti të kapte edhe vëllain e tij, Novruz Merkaj, 20 vjeç. Në ambientet e spitalit u vu re prezencë e madhe e familjarëve të të dyja palëve, qoftë viktimës edhe autorëve pasi, sipas burimeve nga Policia e Vlorës, ata kishin lidhje krushqie me njëritjetrin. Përkatësisht, dy vëllezërit Merkaj janë të mar- tuar me dy kushërirat e viktimës. Paraprakisht policia dyshoi se ka qenë një borxh i pakthyer shkak i ngjarjes që i mori jetën të riut, por pas hetimeve dhe dëshmive të dhëna nga të afërmit e viktimës dyshohet se shkak ishte një motiv banal, ku dy vëllezërit kundërshtonin raportin e dashurisë së motrës së tyre ( vajza e njerkut). Kjo e fundit kishte një lidhje me kushëririn e viktimës së djeshme, i cili ndodhej në burg. Për këtë shkak, vëllezërit Merkaj kërkonin që çifti të ndahej dhe ndërkohë dyshohet se ata debatonin edhe me 22vjeçarin, duke i kërkuar atij të ndikonte te kushëriri që të linte të qetë vajzën. Policia bëri të ditur se nuk përjashtohen as pista të tjera dhe se për këtë po hetohet. Pas marrjes së lajmit se i riu ndërroi jetë, nëna dhe motra e të nd- Policia e Vlorës është duke hetuar për vrasjen e tri ditëve më parë, ku mbeti viktimë Refit ( Jetnor) Toro. Aktualisht, grupi i hetimit është përqendruar te dëshmia e mikut të 32vjeçarit, i cili ka qenë në makinë bashkë me të. Çdo element i specifikuar prej tij sa i përket momentit të ngjarjes mund t'i shërbejë hetimit dhe identifikimit të autorit. Gjithashtu po studiohen kamerat e sigurisë së një perimetri të caktuar ku ka lëvizur Toro me makinë, nga ku do të verifikohen të gjitha mjetet e dyshimta. Refit Toro dyshohet se u ekzekutua për shkak të prishjes së pazareve të drogës. Vrasësit janë profesionistë, pasi nuk kanë lënë asnjë gjurmë në vend, madje as gëzhoja. jerit pësuan gjendje të fikëti në ambientet e spitalit. Është dashur ndërhyrja e bluzave të bardha për qetësimin e situatës dhe shëndetit të të afërmve.
Në një dëshmi nga vendi i ngjarjes nga një shitëse dyqani, tre të rinjtë rrinin zakonisht së bashku në lagje. "I pamë edhe sot së bashku. Nuk di çfarë ndodhi, por i dëgjuam teksa debatuan dhe më pas njëri prej tyre ra përtokë. E çuan në spital, por më pas mësuam se kishte ndërruar jetë", u shpreh një banore e lagjes ku ndodhi ngjarja.