Basha nga SHBA: Me Trump nis një erë e re për PD dhe Shqipërinë
“PD në proces rinovimi që prej ditës së zgjedhjes sime kryetar, por Grupi Parlamentar nuk ndërrohet rrugës”
Për kreun e opozitës, Lulzim Basha, ardhja e Presidentit Donald Trump në krye të Shtëpisë së Bardhë shënon një erë të re jo vetëm për Amerikën, por edhe për Shqipërinë.
Në një intervistë për “Zërin e Amerikës”, Basha premtoi se do të mbështetet fuqimisht te shembulli “Trump” dhe shprehu bindjen se ky shembull do të frymëzojë një ndryshim të shpejtë në Shqipëri. Basha foli edhe për Reformën Zgjedhore dhe ekipin me të cilin do të paraqitet në zgjedhjet e ardhshme.
Zoti Basha, ju ndodheni këtu në Uashington për ceremoninë e përurimit të Presidentit të ri, Donald Trump. Do të kërkoja një sqarim për statusin me të cilin po merrni pjesë ju në këto ceremoni?
Unë jam ftuar në ceremoninë e inaugurimit dhe në ceremonitë e tjera me rastin e inaugurimit, nga anëtarë të maxhorancës, pra të Partisë Republikane të Kongresit Amerikan. Për shembull, dje kam qenë i ftuar i senatorit Ted Cruz. Për ceremoninë e inaugurimit kam ftesë të përbashkët nga kryetari i Komisionit për Europën në Komisionin e Jashtëm të Kongresit dhe nga bashkëkryetari i Komisionit për OSBE- në, nga dy kongresmenë të njohur republikanë dhe po kështu, kam një numër ftesash nga kongresmenë dhe senatorë të Partisë Demokratike për disa nga aktivitetet e tjera që organizohen gjatë inaugurimit të Presidentit Trump. Pra, ftesat janë ftesa, nuk janë bileta, janë të papaguara, janë të dërguara dhe jo të kërkuara.
Në Komisionin parlamentar për Zgjedhjet, PD nuk ka insistuar në votimin elektronik. A mendoni ju se votimi elektronik mund të arrijë të realizohet, pra se mund të bëhet në këta pesë muaj? Kryetari i OSBE- së në Shqipëri tha që është pak vonë... Unë nuk kam ndërmend të hyj në debate që kanë për detyrë të ndihmojnë që Shqipëria të zhvillojë zgjedhje të lira e të ndershme. Detyra e OSBE- së është që shqiptarët të votojnë të lirë. Kjo është detyrë kryesore e opozitës. Duhet të jetë detyrë kryesore edhe e maxhorancës. Duhet të jetë detyrë kryesore e çdokujt që i dhimbset Shqipëria, çdo shqiptari dhe e miqve tanë. Ne kemi një propozim konkret, i cili është zyrtarizuar më 17 maj 2016, pra, çdo alibi se nuk e kemi thënë në kohë, se nuk kemi kohë është vetëm një alibi. Të thuash se nuk kemi kohë për të bërë zgjedhje të lira e të ndershme, kjo është qesharake. Shqiptarët duan zgjedhje të lira e të ndershme dhe meritojnë zgjedhje të lira e të ndershme. Kjo është një zgjidhje që ne kemi ofruar. Ne jemi të hapur nëse maxhoranca apo nëse partnerët kanë zgjidhje të tjera
më të mira se kjo. Ne jemi të hapur t’i dëgjojmë e t’i pranojmë. Shqetësimi ynë ka të bëjë me faktin se shitblerja e votës, që gjithë shqiptarët e dinë se është një problem i madh, deformon vullnetin e qytetarëve.
Pa dyshim, është rrugëdalje shumë e mirë. Por është çështje kohore. Bëhet apo s’bëhet?
Më lejoni ta shtjelloj pak se këtë kam biseduar këtu edhe me përfaqësuesit amerikanë, të cilët më kanë dhënë mbështetje të plotë dhe janë realisht të shqetësuar për zgjedhjet në Shqipëri. Ky është një shqetësim i madh për partnerët tanë euro- amerikanë, një shqetësim i madh edhe për SHBA- të, për gjithë bashkëbiseduesit që kam pasur deri sot këtu, dhe kanë premtuar mbështetje. Mbështetjen e premtoi Victoria Nuland disa herë në bisedat që kam pasur me të, mbështetje kanë premtuar drejtues të lartë në Senat dhe në Kongresin Amerikan. Përfaqësues të administratës së Presidentit Trump po e ndjekin me një shqetësim të veçantë problemin e zgjedhjeve, por edhe problemin e krimit, të drogës në Shqipëri, dhe janë të angazhuar dhe mbështesin plotësisht përpjekjet e mia dhe të Partisë Demokratike për zgjedhje të lira e të ndershme.
Partia juaj sot ka të njëjtat figura kryesore që ka pasur edhe në tetë vitet kur ishit në qeverisje dhe në zgjedhjet e kaluara, të cilat i humbët. A mendoni se kjo mund të përbëjë problem?
Partia Demokratike ka qenë në një proces rinovimi prej ditës së parë të zgjedhjes
sime si kryetar, më lejoni ta sqaroj. Pas momentit të daljes... Megjithatë, dominojnë figurat kryesore?
Po sigurisht pasi Grupi Parlamentar nuk ndërrohet rrugës, apo jo? S’ndodh as me Kongresin Amerikan, as me Senatin. Por ndryshe nga sporti, politika nuk është vetëm çështje moshe. Është çështje kontributi dhe gatishmërie për t’u shërbyer njerëzve. Kushdo që ka gatishmërinë, integritetin, energjinë për t’u shërbyer njerëzve, është i mirëpritur ta japë këtë kontribut brenda Partisë Demokratike, duke ndarë vlerat tona, ato që besojmë ne.
Po. Dhe pasi shërbejnë, pasi japin kontributin, kur rezulton i humbur, ia lë vendin të tjerëve. Apo jo?
Dhe pa dyshim partia është hapur. Unë kam kënaqësinë të ndaj me ju, siç kam ndarë me shqiptarët përmes mediave në Shqipëri, faktin se me dhjetëra të rinj të mirëshkolluar në Shqipëri, dhe jashtë Shqipërisë, të punësuar në institucionet prestigjioze private dhe publike, i janë bashkuar Partisë Demokratike. Ne kemi sot një ekip të jashtëzakonshëm, me juristë, me ekonomistë, me profesionistë të fushave të ndryshme, të cilët kanë hartuar një program të Partisë Demokratike për një ekonomi të fortë dhe për ta nxjerrë vendin nga kriza ku ndodhet sot. Partinë po e hap. Hapja do të jetë e parikthyeshme, do të vazhdojë të zgjerohet dhe kështu me këtë frymë hapjeje, siç menaxhojmë sot betejën opozitare, nesër do të menax-
hojmë qeverisjen e vendit. Në konsultim të plotë me qytetarët, duke përfillur kërkesat e qytetarëve, duke mos i shkelmuar ato, pa arrogancë, duke i njohur problemet, duke i zgjidhur problemet.
A mendoni se kundërshtimi që ju i keni bërë Reformës në Drejtësi mund ta dëmtojë imazhin e partisë dhe mund të ketë një kosto elektorale?
Absolutisht jo. Sepse Partia Demokratike prej ditës së parë ka qenë pro Reformës në Drejtësi. Të tjerat janë broçkulla dhe “fake news”, për të përdorur një term nga Presidenti Trump. Nga kjo vizitë dua të ndaj me gjithë shqiptarët kënaqësinë e madhe të një Uashingtoni që mbetet thellësisht i interesuar për përparimin dhe zhvillimin e Shqipërisë dhe të një administrate të re të Presidentit Trump, që pret me padurim të vazhdojë kontributin për sigurinë, shtetin ligjor dhe zhvillimin e Shqipërisë dhe të shqiptarëve në të gjithë rajonin. Kam pasur rastin të flas edhe për problemet e fundit në Kosovë dhe çështjet e stabilitetit rajonal në tërësi. Për Partinë Demokratike, me ardhjen e Presidentit Trump nis erë e re, jo vetëm për Amerikën, por edhe për Shqipërinë, ku në qendër do të jetë qytetari dhe fuqia e qytetarit, vota e qytetari, zëri i qytetarit do të përbëjë ndryshimin e vërtetë. Unë do të mbështetem fuqimisht te ky shembull dhe kam besim të madh se ky shembull, jo vetëm do mbështesë, por edhe do të frymëzojë një ndryshim të shpejtë në Shqipëri.