ZBARDHET LIGJI I RI Amnistia, falen detyrimet për bizneset dhe makinat
Zbardhet drafti i Qeverisë për faljen e madhe fiskale. Si do fshihen detyrimet për bizneset e automjetet dhe gjobat që do hiqen
Qeveria përfundon draftin e ri për ligjin e fshirjes së detyrimeve dhe faljen gjobave e kamatëvonesave.
Përfitues do të jenë bizneset që kanë detyrime të papaguara në Tatime, Dogana dhe drejtuesit e makinave. Gazeta “Panorama” zbardh të plotë draftin e ri që përmban 16 nene të hartuara nga Ministria e Financave, që i është dërguar për miratim qeverisë pas dakordësimit të marrë nga Fondi Monetar Ndërkombëtar. Zbatimi i ligjit të fshirjes së detyrimeve dhe faljes së gjobave e kamatëvonesave, referuar draftit, do të shtrihet në dy periudha për detyrimet e krijuara para datës 31 dhjetor 2010 dhe për detyrimet nga janari i vitit 2011 deri në dhjetor të vitit 2014. Risia që qeveria sjell në ligj është që falja me kushte përfshin vetëm faljen e gjobave dhe kamatëvonesave me kushtin që detyrimi tatimor, doganor apo taksat për makinat të paguhen 100 për qind deri në 6 muaj pas hyrjes në fuqi të ligjit. Ndërsa të gjitha detyrimet e papaguara që biznesi ka krijuar para 31 dhjetorit 2010 do të fshihen pa asnjë kusht.
MAKINAT Drafti përfshin çregjistrimin e makinave dhe fshirjen e taksave për të gjitha ato mjete që nuk kanë kryer asnjë veprim pas datës 31 dhjetor 2011 e në vijim. Heqja nga qarkullimi i makinave bëhet pasi fshihen detyrimet tatimore të papaguara për to, si: taksa e regjistrimit të përvitshëm të mjeteve dhe taksën vjetore të qarkullimit rrugor, taksa vjetore e mjeteve të përdorura, taksa e mjeteve luksoze, si dhe gjobat e llogaritura për efekt të mospagimit të taksave. Drafti parashikon që pronarët e makinave duhet të paraqiten brenda 6 muajve nga data e hyrjes në fuqi të ligjit në Drejtorinë e Shërbimit të Transportit Rrugor për të kryer, pa pag- MIJE makina do të përfitojnë nga zbatimi i amnistisë për detyrimet e papaguara para dhjetorit të 2010- s. Në rast se pronarët nuk dëshirojnë të çregjistrojnë makinat, duhet të paguajnë taksat për periudhën 2011- 2014 dhe iu falen gjobat e kamatëvonesat esë, veprimet e heqjes nga qarkullimi të mjetit apo për të kërkuar moskryerjen e heqjes nga qarkullimi të mjetit. Në rast se pronari nuk paraqitet brenda 6 muajve, do të jetë Drejtoria e Shërbimit të Transportit Rrugor që do të fshijë detyrimet dhe do të çregjistrojë mjetin, duke e hequr atë nga qarkullimi. Për ata qytetarë që janë të interesuar ta mbajnë mjetin në qarkullim, drafti parashikon faljen e gjobës dhe kamatëvonesës së krijuar nga janari 2011 deri në dhjetor 2014, me kushtin që detyrimet të paguhen 100 për qind. “Personave të cilët paraqiten dhe kërkojnë moskryerjen e procedurës së heqjes nga qarkullimi të mjetit ose mbajtjen aktiv të tij, u fshihen detyrimet tatimore për periudhat dhjetor 2010 e më parë, me kusht që të paguajnë detyrimet për periudhën janar 2011 e në vijim, me përjashtim të gjobave dhe kamatëvonesave të periudhës janar 2011 deri në dhjetor 2014, të cilat fshihen”, thuhet në nenin 12 të ligjit të fshirjes së detyrimeve. FALJA PA KUSHTE Në faljen e detyrimeve tatimore pa kushte amnistia përfshin faljen e detyrimeve që biznesi ka krijuar para dhjetorit të 2010- s, duke përjashtuar vetëm kontributet e sigurimeve shoqërore dhe shëndetësore. Referuar draftit nga falja të detyrimeve, do të përfitojnë edhe bizneset që nuk kanë paguar detyrimet në Tatime para 2010- s, sipas ligjit për taksat vendore. Për sigurimet shoqërore, ligji fal vetëm gjobat dhe kamatëvonesat e krijuara nga mospagimi i kësaj para vitit 2010. Në Dogana, bizneseve u fshihen pa kusht detyrimet e papaguara para 31 dhjetorit të 2010- s. FALJA ME KUSHTE Në faljen e detyrimeve me kusht drafti parashikon që si për detyrimet që biznesi ka krijuar në Dogana dhe Tatime për periudhën 1 janar 2011 deri në 31 dhjetor 2014, me kusht që brenda 6 muajve nga hyrja në fuqi e këtij ligji të paguhet i plotë detyrimi pa përfshirë gjobat, kamatëvonesat dhe interesat. Në Tatime, qeveria ka përfshirë faljen edhe të gjobave e kamatëvonesave edhe për taksat vendore të papaguara, që i përkasin periudhës tatimore nga janari 2011 deri në dhjetor 2014, me kushtin që detyrimi të paguhet 6 muaj brenda hyrjes në fuqi të ligjit.