Kriteret, Universiteti i Tiranës e Mjekësia nxjerrin formulën e llogaritjes së pikëve
Kushtet e reja për maturantët, këshillim karriere që në mars
Teksa maturantët nuk kanë caktuar ende lëndët që do të japin provim me zgjedhje në fund të vitit shkollor, disa universitete kanë nisur që tani publikimin e kushteve që duhet të plotësojnë këta të fundit për të qenë pjesë e auditorëve të tyre. Universiteti i Tiranës ishte i pari që zyrtarizoi kriteret e gjashtë fakulteteve në përbërje të tij, ku secili kishte vendosur një specifikë për çdo program studimi. Mesatarja aritmetike e përgjithshme, ajo e provimeve të maturës dhe gruplëndët me vlerë specifike për programe të ndryshme studimi janë emëruesi i përbashkët për të gjitha profilet e studimit në UT, ndërsa pesha e tyre ndryshon në varësi të programit. Ndërsa universitetet e tjera janë në fazën e hartimit të formulës që do të përdorin këtë vit, me qëllim për të mos “djegur” maturantë që meritojnë të jenë në fakultet, Universiteti i Mjekësisë e ka pasur punën më të lehtë. I vetmi që kishte pak ose aspak ankesa për formulën e pranimit gjatë vitit që shkoi, vendosi që për pranimet e reja gjatë vitit 20172018 të ruajë të njëjtën formulë. Pesha e vlerësimit të maturantëve në garë për të fituar një nga dhjetë degët e Mjekësisë ndahet midis notës mesatare të provimeve të fundit dhe mesatares së tri viteve gjimnaz, të cilat do të kenë përkatësisht nga 35% të vlerës së pikëve totale. Pjesën tjetër të pikëve, 30%, e përbëjnë rezultatet e tri lëndëve formuese: Kimi, Bi- ologji e Fizikë gjatë gjithë viteve të shkollës së mesme. Kusht për t’u futur në konkurrim do të jetë nota 8.5 për Farmaci, Mjekësi e Stomatologji dhe 8 për shtatë profilet e tjera. Brenda javës që vjen, të gjitha universitetet duhet të kenë dorëzuar në ministri kriteret për këtë vit akademik. Ndërkaq, këtë vit do të ketë një proces rigoroz këshillimi karriere, i cili nuk do të nisë tre muaj përpara përfundimit të vitit shkollor.