Dënimet, prokuroria kërkon gjurmët e pesë deputetëve
Edhe tre kryetarë bashkish do të japin shenjat e gishtave
Pesë deputetë të Kuvendit të Shqipërisë dhe tre kryetarë bashkish kanë një javë afat për të dorëzuar gjurmët e gishtave.
Prokuroria e Përgjithshme po i heton ata në kuadër të ligjit për dekriminalizimin dhe si pjesë e këtij procesi ka kërkuar shenjat e gishtave. Mësohet se për pesë deputetët, njoftimi për kërkesën e prokurorisë është dërguar në adresën e Kuvendit të Shqipërisë, kurse tre kryetarëve të bashkive kërkesa u është dërguar në institucionet që ata drejtojnë. Në shkresën për pesë deputetët dhe tre kryetarët e bashkive të Poliçanit, Pogradecit e Tepelenës, prokuroria u ka lënë atyre një javë afat për dorëzimin e shenjave të gishtave. Depozitimi i gjurmëve bëhet me paraqitjen e personave në hetim te Policia Shkencore praninë e secilit zyrtar dhe hetuesve, apo prokurorëve që po hetojnë rastet. Burime nga Prokuroria e Përgjithshme thanë se muajt e fundit janë marrë informacione nga institucionet dhe qytetarët se pesë deputetët në hetim dhe tre krerët e bashkive kanë pasur precedentë jashtë Shqipërisë, që nuk i kanë deklaruar. Për këtë arsye është vendosur të kërkohen shenjat e tyre të gishtave. Pas administrimit të gjurmëve, prokuroria do të kërkojë krahasimin e tyre me bazën e të dhënave të Interpolit dhe Europolit, për të parë nëse ka dënime apo precedentë për këta persona. Sipas informacioneve paraprake që disponon prokuroria, ka dyshime se deputetët dhe kryetarët e bashkive kanë dënime të dhëna ndaj tyre, kryesisht në Itali, të cilat nuk i kanë deklaruar në formularët e dekriminalizimit. HETIMET PËR KQZ- NË Krahas hetimit direkt për secilin rast të zyrtarëve që dyshohen se kanë pasur dënime jashtë vendit, Prokuroria po verifikon edhe rolin e KQZ- së në këtë çështje. Bazuar në këqyrjen e dokumenteve zyrtare të sekuestruara nga sektori i hetimit për dekriminalizimin, Prokuroria ka krijuar dyshime se për disa zyrtarë KQZ- ja ka lejuar plotësimin e formularëve përtej afatit të ligjit për dekriminalizimin. Për këtë arsye, dje oficerët e Prokurorisë së Tiranës kanë ekzekutuar urdhrat e sekuestrimit të Prokurorisë së Përgjithshme për tetë dosjet e deputetëve e krerëve të Bashkisë në KQZ. Hetuesit e Prokurorisë kanë sekuestruar në KQZ dosjet e pesë deputetëve dhe tre krerëve të bashkive që janë nën hetim. “Gjatë procesit të verifikimit, janë konstatuar disa problematika të theksuara nga ana e Komisionit Qendror të Zgjedhjeve, si në administrimin e dokumentacionit, ashtu edhe në bashkëpunimin me Prokurorinë e Përgjithshme”, ka thënë Prokuroria. Sipas saj, Komisioni Qendror i Zgjedhjeve për një deputet ( Artan Gaçi) dhe për dy kryetarë bashkie ( Adriatik Zotka dhe Tërmet Peçi) ka pranuar dorëzimin e një formulari të dytë tej afateve ligjore. Sipas akuzës, afati i dorëzimit të formularëve është brenda dy mua-
Gjatë procesit të verifikimit, janë konstatuar disa problematika të theksuara nga ana e Komisionit Qendror të Zgjedhjeve, si në administrimin e dokumentacionit, ashtu edhe në bashkëpunimin me Prokurorinë e Përgjithshme
jve nga data e hyrjes në fuqi të vendimit 17/ 2016. Afati i fundit për të gjithë subjektet ka qenë data 4.05.2016. Nga dokumentacioni i përcjellë rezulton se për këta tre subjekte KQZ, në kundërshtim me ligjin, ka pranuar një formular të dytë, me të dhëna shtesë, në qershor 2016. Pas ushtrimit të nismës nga ana e Prokurorit të Përgjithshëm për deputetin Armando Prenga, informohemi nga KQZ se subjekti nuk ka deklaruar një vendim të formës së prerë brenda territorit të Republikës së Shqipërisë. Prokuroria bën me dije se këtë informacion KQZ- ja e ka disponuar në 27.05.2016 me anë të një vërtetimi të Gjendjes Gjyqësore. KQZ- ja duhej të kishte bërë kallëzim penal menjëherë pas këtij konstatimi, pra në maj 2016, pasi subjekti ka konsumuar veprën penale të parashikuar nga neni 190 i Kodit Penal, por KQZ- ja nuk e ka kryer këtë detyrim, siç bën me dije Prokuroria.