Zgjidhet Bordi i ri i Universitetit “Luarasi”
Riorganizohet Bordi i Administrimit, Aleks Luarasi kryetar
Kolegji Universitar “Luarasi” ka riorganizuar organin më të lartë kolegjial, Bordin e Administrimit, konform ligjit të ri të arsimit të lartë.
Në zbatim të Ligjit Nr. 80/ 2015 “Për arsimin e lartë dhe kërkimin shkencor në institucionet e arsimit të lartë në Republikën e Shqipërisë” dhe Statutit të Kolegjit Universitar “Luarasi”, pak ditë më parë, në datën 15 mars, rektori Arben Malaj organizoi mbledhjen e Bordit të Administrimit. Pjesë e këtij takimi ishin z. Aleks Luarasi, znj. Fabiola Hysebelliu, znj. Folitjona Puraveli, z. Luan Bregasi, znj. Aelita Mani, z. Ilirjan Celibashi, znj. Blerina Shkurti, si dhe me prezencën e veçantë të presidentit të “Hysenbelliu Group”, z. Irfan Hysenbelliu. Bordi i Admin- istrimit të KU “Luarasi” i riorganizuar është strukturë, e cila harmonizohet me përfshirjen e akademikëve, ekspertëve dhe përfaqësuesve të biznesit. Themeluesi i këtij institucioni, z. Aleks Luarasi u zgjodh kryetar i bordit. Në mbledhjen e 15 marsit u morën edhe disa vendime me rëndësi për mirëfunksionimin e këtij institucioni të arsimit të lartë ( në tabelën përbri shkrimit), mes tyre: miratimi i planit strategjik të zhvillimit për periudhën 20162020, i propozuar nga senati akademik, ashtu siç e parash- ikon ligji i ri i arsimit. Po ashtu, bordi kaloi edhe buxhetin vjetor dhe afatmesëm të propozuar gjithashtu nga senati. Pjesë e vendimeve ishin edhe miratimi i numrit të personelit akademik e administrativ të universitetit, si dhe i projektrregullores së re. Hapja e programeve të reja të studimit, me interes për maturantët e këtij viti, ishte një nga vendimet e diskutuara në mbledhjen e bordit. Për këtë është shprehur edhe më herët rektori Malaj, i cili ka lajmëruar hapjen e një profili të ri lidhur me teknologjinë e informacionit dhe aplikimin e saj në shkencat ekonomike, në tregjet financiare dhe bankare. Sakaq, “Luarasi” do të vijojë bashkëpunimet me institucione vendëse e të huaja për mirë edukimin e studentëve që i besuan, jo vetëm nëpërmjet mësimeve në auditore, por leksioneve me ekspertë, si dhe shkëmbimit të eksperiencave e praktikave më të mira.