Pas kërcënimeve për Bashën, Lefter Maliqi shkon me Edi Ramën

Lefter Maliqi, i renditur i treti në listën e kandidatëve të PD për zgjedhjet e 25 qershorit në Berat, ka vendosur të largohet nga PD dhe t’i bashkohet Edi Ramës. Përmes një statusi në “Facebook”, Maliqi sqaroi pakënaqësitë për renditjen që kreu i PD i kishte bërë në listën e Beratit dhe pakënaqësitë për kandidatët e tjerë. “Meqenëse z. Basha i influencuar nga ufo dhe kuqo të PD që u beson pazareve të pista të tyre, duke më hequr emrin nga dy gara për kryetar PD, dega Berat dhe për Drejtor i Departamentit të rendit, po kështu më zhgënjeu për kandidimin për kryetar bashkie Berat, pasi sot do isha kryetar i sigurt për shkak të mbështetjes së gjerë nga ana juaj. Në 2015, fill pas zgjedhjeve lokale pas humbjes fatale të PD, u takova me z. Basha për t’i dhënë dorën dhe për t’u larguar nga ai, por ai reagoi me premtimin se të vazhdoja të punoja fort këto dy vite pranë jush dhe mos të flisja me asnjë, pasi do isha i pari i listës dhe do t’i siguroja 3 mandate. Por çuditërisht mashtrohem, zhgënjehem dhe renditem i treti. Takohem me z. Basha të shtunën dhe i them me zhgënjeve mua dhe gjithë elektoratin tim e i thashë zgjidh, o mbaj premtimin të fitosh mandatin e 2, ose zgjidh pazarin e Ufos apo Kuqos dhe ke dështim të thellë në Berat, duke i thënë ju pres deri të mërkurën, pra sot. Në këto kushte, pas presionit dhe telefonatave të votuesve të mi që ishin të zhgënjyer nga Basha, kërkuan me vendosmëri qtë mos të punoja më për ufo e kuqo, por të bëhesha bashkë me ta. Ata vendosën të ktheheshin ku kishin qenë para 2009 te Partia Socialiste”, sqaron Maliqi.