FATION BINJAKU
Ish kreu i LSI- së, Ilir Meta, deklaroi dje, gjatë një takimi me banorët e Kodër- Kamzës dhe Bregut të Lumit në Tiranë, se LSI është partia politike që mbështet bashkëpunimin, harmoninë dhe përfshirjen dhe se aty e gjejnë veten gjithnjë e më shumë të rinj e të reja.
“Mesazhi i LSI- së është një mesazh bashkëpunimi, është një mesazh harmonie, përfshirjeje, te kjo forcë e gjejnë veten gjithnjë e më shumë shqiptarë e gjithnjë e më shumë të rinj dhe të reja. Sepse të rinjtë e të rejat i bashkon padurimi për një të ardhme sa më të mirë, në mënyrë që ata të kenë një arsim sa më cilësor, një formim profesional sa më të përshtatshëm dhe mundësi për vende pune të mirëpaguara, që të përballojnë kostot e jetesës së tyre”, tha kryetari i Kuvendit, duke shtuar se të rinjtë e duan Lëvizjen Socialiste për Integrim, pasi kjo forcë politike u jep besim të rinjve. “Të rinjtë dhe të rejat e duan këtë forcë politike, sepse aty gjejnë veten dhe të rinjtë e të rejat e duan LSI-në, sepse për LSI- në të rinjtë janë të parët. Të rinjtë e duan LSInë, sepse LSI u jep besim të rinjve”, u shpreh Meta.
FORCA E PARË Ndërkohë që kryesuesja e listës së kandidatëve për deputetë të LSI- së në qarkun e Tiranës, Klajda Gjosha, tha dje se LSI do të dalë forcë e parë në mënyrë që të marrë në dorë fatet e shqiptarëve për një të ardhme më të mirë. “Programi i LSI- së është jetik. Janë premtime që jo vetëm do të mbahen, por do të bëhen realitet ëndrrat e shumë e shumë qytetarëve të Shqipërisë, punësimin e grave dhe të vajzave, punë- simin e të rinjve, lehtësirat fiskale për bizneset, në mënyrë që të kenë mundësi të punësojnë sa më shumë njerëz, të sigurojmë të ardhmen e fëmijëve të tyre, të ardhmen e familjeve të tyre. Këtë radhë do të jetë Lëvizja Socialiste për Integrim ajo që do të jetë forcë e parë, ajo që do të marrë në dorë fatet e të gjithë shqiptarëve dhe të familjeve shqiptare”, u shpreh ajo.