PD e LSI bashkë kundër ONM për listat e vetingut
Kalojnë 68 emrat, Noka e Rama: U përdor standard i dyfishtë
Zbardhet lista e 68 kandidatëve, të cilët garojnë për të qenë pjesë e organeve të vetingut.
Komisioni ad hoc i përbërë nga gjashtë anëtarë ka arritur dje të miratojë me 4 vota pro vetëm 1 kandidate nga lista “B”, pretendentët e së cilës sipas Avokatit të Popullit nuk përmbushin kriteret ligjore për të qenë pjesë e organeve të vetingut. I vetmi emër që ka kaluar nga lista “B” në listën “A” ka qenë ai i Rezarta Schuetz, e cila mban postin e shefes ligjore të misionit të OSBE- së në Shkup. Ndërkohë që dakordësia është prishur për emrat e tjerë. Opozita është larguar nga mbledhja, duke bërë që lista të mbetej me 68 kandidatë, të cilët do t’u nënshtrohen intervistave dhe pyetje- përgjigjeve nga komisioni tjetër ad hoc, i cili më pas do të bëjë dhe votimin e tyre. Në total nga lista e parë me 84 emra, Operacioni Ndërkombëtar i Monitorimit ka dhënë rekomandim negativ për 17 kandidatë, të cilët dje u skualifikuan edhe nga komisioni ad hoc.
PËRPLASJA Deputeti i PD, Flamur Noka, por edhe deputeti i LSIsë, Luan Rama kanë akuzuar Avokatin e Popullit dhe Operacionin Ndërkombëtar të Monitorimit për përdorim të standardeve të dyfishta. Ai tha se mes kandidatëve kishte ish- punonjës rrobaqepësie apo fabrika këpucësh.” U pa live që Avokati i Popullit kishte zbatuar dy standarde. Kishte 2 persona që ishin në konflikt të pastër interesi dhe ONM i kishte kualifikuar dhe kishte disa të tjerë në të njëjtat kushte dhe ishin skualifikuar. Ajo listë ishte tërësisht politike dhe sot anëtarët e maxhorancës në komision, pra dy përfaqësuesit e PS dhe ai i LSI, morën një vendim politik për të futur vetëm 67 emra, që ka caktuar Edi Rama nëpërmjet Avokatit të Popullit. Ju patë dje juristë që kishin punuar në ndërmarrje rrobaqepësie, në fabrika kë- pucësh. Vinin si juristë dhe na nderonin si të ishin kapterë ushtrie dhe këta do bëjnë vetingun”, tha Noka. Edhe Luan Rama tha se ONM ka aplikuar standarde të dyfishta. “Gjatë seancave dëgjimore rezultoi që Avokati i Popullit dhe ONM- ja kanë aplikuar dy standarde apo “doublestandard”, sepse nëse një pjesë të kandidatëve i kanë penalizuar, le të themi duke dhënë rekomandim negativ për shkak të të ashtuquajturit konflikt interesi, sepse dikush ka vëllain, motrën, bashkëshortin apo bashkëshorten, që punon në sistemin e Drejtësisë, të njëjtin standard nuk e ka respektuar për disa emra të tjerë, të cilët, megjithëse janë në të njëjtat kushtet ligjore të konfliktit të interesit, nëse mund ta quajmë kështu, sepse edhe kjo është një çështje që ha diskutim, janë përfshirë te lista e parë, pra te lista e miratuar”, tha Luan Rama.